تهزمني العِيون السُود وانا جاهل فيها

البارت الحادي عشر

اليوم الثالث بالمخيم
كاسر : ذيب تعال معي
جا ذيب ولحق كاسر وقال : امرني ؟
كاسر بحزن : رعد بيجي بعد ثلاث شهور
ذيب بفرحه : يا رجال احمد ربك ثلاث شهور مو خمس شهور
ابتسم كاسر وكمل : لا بيكمل مهمته بس بيجي يوم ويمشي
تلاشت الابتسامه عن ذيب وقال : امش ندخل
ضحك كاسر وقال : يا هطف امزح معك
ذيب بحدة : كاسر انطق متى بيجي
كاسر : بعد خمس شهور
ذيب بسخريه : وش تغير يعني ؟
كاسر وهو يضحك : لا يكثر بس امش داخل
راحو ذيب وكاسر قام سعيد من شاف الوضع هادي كان بيروح لعادل
~
عادل : صديق سعيد من الطفوله ، حسن الشكل ، سيئ الاخلاق ،  عاطل عن العمل ، عمره ٢٦
صادفت عيونه شعرها الكيرلي المنسدل على ظهرها تقدم يبي يشوف منهي حضنها من ورا انصدمت غزيل ولفت لقت سعيد بوجهها سددت له لكمه على خشمه وطاح على الارض من قوة ضربتها  وصارخت بوجهه : الله لا يوفقك يا كلب
سعيد : غزيل صح ؟
غزيل : ولك عين تساااااااااال اعنبوك استح على وجهك
سعيد قام وتقدمت غزيل بتسدد له لكمه بس هرب وقال : والله اني قد دريت
ضحك سعيد وهو ناويها شر تقدم سعيد وهو يحاول يخفي الدم الي تسببت فيه غزيل لاحظه ناصر وتقدم سعيد وجلس جنب ناصر فاحت ريحة انثى يعرفها ناصر كويس قام ناصر وشاف غزيل الي واقفه ولا هي راضيه تستوعب الي صار جاها ناصر وصد عنها وقال : وش العلم
غزيل بعصبيه قالت له كل شي ناصر بصدمه : والله اني دريت ان وراه نيه
مد لها حلقها الي كان ضايع منها
نرجع ورا شوي
ناصر كان يدري ان سعيد وراه نيه من جلس عنده وفاحت ريحة غزيل
طلع ناصر برا المخيم وركب شريحة تتبع بحلق غزيل
غزيل : شجابه عندك ؟
ناصر ضحك وقال : طاح منتس وانتي تركبين السياره بعرس سويلم
غزيل اشرت له بمعنى " تمام " ولبست الحلق وراحت ابتسم ناصر وراح يجلس وكان شي ما صار ابتسم ناصر وهو يتذكر تفاصيلها المذهله وشعرها الكيرلي وما صابه بالمقتل الا خصرها
اسر : يا عيال امشو نشغل المسجل شوي
تركي : يلا امش
راحو العيال كلهم مع اسر مسك تركي جواله وحط اغاني تقدم اسر ومعه كاسر وبدو يرقصون وكان رقصهم قمة الروعه ابتسم من شافها تناظر له لف لها وغمز لها وقالت وعد بنفسها ( يويل حالي ذا الكاسر ؟ ) راحت وعد وهي تنكر مشاعرها لكاسر راحو العيال يجلسون
بدر : العرس بخليه بعد ست شهور على طلبها
سامي : الشور شوركم شدخلني انا
حمد : يا غبي انت اخوها
ضحك بدر وقال : بروح اشوفها
راح بدر لوعد وكاسر محترق عليها طلع كاسر معه يبعد الضيقه الي حاوطته طلع كاسر ولسوء حظه شاف سعيد وهو ماسك خصر وعد ويشدها له تقدم كاسر وهو خلاص ناوي بدر حضنت وعد بدر وقالت بصوت خفيف يسمعها به كاسر : يالكاسر رح لا تتعب نفسك خلاص انا بعد ست شهور زواجي
كاسر بسخريه : عا اساس بخليتس ؟
وعد بعدت عن بدر وراح كاسر وهو يحاول ينساها وهي تضم غيره قام ذيب وجلس جنب كاسر وهو يناظر بحزن على حال ولد عمه وعضيده وقال : ما ارضى اعيش بسعاده وانت متضايق نتشارك الضيقه والحزن وكل المشاعر مع بعض
ابتسم كاسر بضيق : يلوموني بحبك يالسلتوح
ذيب ابتسم بخفه وقال : وش بخاطرك وانا معك وين ما رحت والله  لو تقول امش للموت والله لا اروح معك
كاسر بضيق : بخاطري كثير يالذيب
ذيب : امش معي
راح كاسر مع ذيب شغل ذيب سيارته وراحو للبحر ذيب طلع باكيته وكاسر كذالك كاسر : ما اتحمل يالذيب اشوفها بحضن غيري
ذيب : اصبر وانا اخوك
ابتسم كاسر وهو يشوف ذيب الي لطالما كان له اخو وسند وعضيد له
ذيب : كاسر
كاسر وهو يتأمل البحر: يا عضيد وسند وا اخو الكاسر
ابتسم ذيب وهو يحاول يخفي دموعه من كلمة اخوي : تبي نرجع للمخيم
كاسر : يلا امش
راحو ذيب وكاسر للمخيم
الميلا : بطلع اتمشى شوي
امال : لحالتس !
الميلا : اي
امال : المكان كله رياجيل
الميلا ابتسمت وقالت : باخذ معي غزيلي
ابتسمت غزيل وقالت : امشي
راحو غزيل والميلا يتمشون وصادف ان اسر كان برا يتمشى ابتسمت الميلا وقالت لغزيل : معتس جوالتس ؟
غزيل : اي معي
الميلا : ولعي فلاش
غزيل : وشهو ذا
الميلا ضحكت وقالت : الضو الضو الي بالجوال
غزيل ابتسمت وكملو مشي ابتسم من لمح عيونها السود الي تشبه سواد اليل
اسر ابتسم وقال :
الله اكبر كيف يجرحن العيون
كيف ما يبرى صويب عيون ميالتي 

احسّب ان الرمش لا سلهم حنون
اثر رمش العيون ما يأوي لأحد

يوم روح لي نظر عين الميلا بهون
فز لها قلبي وصفق وا ارتعد
ابتسمت الميلا من سمعت الشعر الي كان واضح انه يقصدها فيه صدت وكملت مشي مع غزيل ابتسم اسر وراح عند العيال
ثامر : ابي زوجة احلامي كذا مواصفاتها وتفحط فيني
ذيب بسخريه : يا اخوي وش تفحط فيك
كاسر : يحسب زوجته خويه
فلاح : فاهم الحب غلط يالغالي
ثامر : هدمتو احلامي الله يهدم وجهك انت وياه
طاحو العيال يضحكون عليهم تركي : وش الي تفحط فيك شايفها طعس ؟
ثامر : انتم شعرفكم ذا حب
قاطعهم دخول ناصر الي كل كتفه محروق فزو اسر وعقاب وفهد
عقاب بحدة : من مسوووي فيييك كذاااااا !!
ناصر وهو يحك راسه : انكبت علي مويه حاره
اسر : وكتفك منحرق !!
عقاب : امش للمستشفى احسن ما اتوطاك
ناصر وهو يضحك : هي ولد اكبر منك احترمني
سحبه عقاب ومعه اسر يروحون للمستشفى
سحب سلاحه بشويش وحس بهيئه وراه لف وصوب السلاح على كتف العدو ابتسم وكان بيتكلم بس قاطعه دخول رصاصه بكتفه
ضيدان : اسلم
رعد : امش بس مافيني شي بس دخلت بكتفي
ضحك ضيدان وراحو عند منصور
منصور : يا ابن الحلال امش يطلعون الرصاصه
رعد : كيف تبي نطلع برا المهمه يا استاذ منصور
ضيدان وهو يضحك : حبيت تنحسب لك
ابتسم منصور وقال : لو تشوف هيام كتفك وش بتقول لها ؟
رعد بحدة : ولد لا تنطق اسم محارمنا وسهله بقولها اني تصاوبت بالمهمه
ضيدان : بالله ؟ اقول امش ولا يكثر
ابتسم رعد بخفه : ابشر
عطوه دواء للحروق وخلو كتفه الي فوق كاشف بطلب منهم ما يلمسه شي عشان بيأثر على حرقه
اسر : يلا امشو
راحو عقاب وناصر شغل عقاب موتره وراح فيهم للمخيم وصلو للمخيم نزل ناصر وراح جلس بالمخيم ثامر بضحكة وهو يشوف عمه ناصر العاري من فوق بطلب من المستشفى مايلمسه شي من فوق بياثر على حرقه ويوجعه قرب منه ثامر  وقال : عادي اضمك ؟ احس اني ناقص حنان ودي احس ب شعور زوجتي وهي تضمني قبل اتزوج
ناصر وهو يدفعه : اذلف اعوذ بالله منك يالشاذ
ضحك ثامر وقال : ابشر طال عمرك
ابتسم ناصر وا انسدح وكل تفكيره بغزيل الي مو راضيه تروح عن باله
تالين : هيام صار لتس يوم كامل ما اكلتي وربي كذا تعذبين نفستس يا بنتي !
ام هيام ناظرت بحسرة على بنتها الي وجهها شاحب وضعفانه بشكل كبير ابتسمت سلمى بحزن وتقدمت هي وحنين ومسكت الاكل وقالت : هيومه ما بتردني صح ؟
هيام ابتسمت بخفه وا اخذت من الصحن وبدت تاكل ابتسمت حنين وجلست جنبها انسدحت هيام بحضن حنين ابتسمت حنين وبدت تمسح على شعرها بحنيه جت سلمى وصارت بحضنهم ابتسمت حنين ومسحت على راسهم بحنيه وقالت سلمى : الله يخليكم لي ولا يحرمني منكم يا ثلاثي قلبي
ابتسمت هيام وحضنتها هي وحنين وقالت : يضحك يصغري بينكم
ضحكو البنات وقالت هيام بهمس وحزن : هانت كلها خمس شهور
ابتسمت برضا وهي تشوف الكل نايم راحت وا اخذت سماعاتها وقامت تتمشى طلع وهو توه صاحي من النوم وهو مو حاسب حساب انه بيقابل لين  تقدم بيغسل وجهه لمح له ظل احد تقدم يبي يشبع فضوله شافها وهي لابسه سماعاتها لفت من شافت هيئه وراها شافت ذيب وهو توه صاحي من النوم تلخبطت لين وكانت بتطيح مسكها ذيب مع خصرها وشدها له صرخ بوجهها : وش مطلعععععععتتسس باليل والمكان كل رياجيل !!!!
لين انتبهت ليده الي محاوطه خصرها قربت اكثر تبي تبيه يبعد عنها لاكن ما درت ان بالحركة ذي لخبطت موازيين ذيب تلخبط ذيب من قربها ما كان يدري انها تحاول تبعده ضحك وبعد عنها وقال : ليني صح ؟
لين : اولاً وش ياء التملك ذي ثانياً ما احل لك وتلمسني !
ذيب : قريييب يا ليني
راحت لين وهي متلخبطه ورجعت نامت
———————————
لا تنسون النجمه يا حباني🤍🤍🤍
اهلين يا حباني ، رجعت لكم ببارت جديد  ، عطوني توقعاتكم للبارت الجاي بأذن الله بنزل لكم يوم السبت الجاي❤️