تهزمني العِيون السُود وانا جاهل فيها

البارت السابع

تحديداً عرس سالم والعنود
ضحى: امشو داخل المعازيم وصلو
غزيل: يلا يلا
راحو البنات داخل
هيام : جودي امشي معي نرقص
الجود : يلا يا عيوني
ابتسمت هيام ومشت هي وجود يرقصون
وبدت هيام تتمايل وترقص مع الجود وكانت مهبله العالم بجمالها
ام ليث مسكت هيام وقالت لها : وين امتس يا بنيتي
هيام ابتسمت : سمي يا خاله بس شبغيتي فيها
ام ليث : والله يا بنيتي بنخطبتس لولدنا
جت سلمى وقالت : هيام مخطوبه
ام ليث بصدمه : بمن ؟
سلمى ابتسمت وقالت : ولد عمها رعد
ام ليث بصدمه : ررععد !!!
سلمى : اي رعد ؟
ام ليث ابتسمت وراحت
هيام ضحكت وقالت : الله يقلعتس ليه رعد
سلمى ضحكت وقالت : والله محد جا ببالي الا هو
ضحكت هيام وقالت : امشي بس
راحو وجلسو عند البنات وقالت البندري : متى بتدخل العنود
بشرى : باقي عشرين دقيقه
عند الرجال
صفو الرجال من كبيرهم لصغيرهم واعتلى صوت رعد وهو يقول : ارحبببو يا رجاااال
وقامو يسلمون على بعض وقال ليث : الف مبروك يالرعد الزواج والله يتمم لك على خير
ضحك رعد وقال : من زوجتي
ليث با استغراب : هيام مو زوجتك ؟
ضحك رعد وقال : الا زوجتي بس امزح معك
فارس بهمس : اووووهووو زوجتك ؟
رعد : والله مدري شسالفتهم بس بسالهم اذا ركبو معي
اشتغلت عرضة نجد وقام كاسر وقام يعرض وجا رعد وحط راحة يده على كتف كاسر وقامو يعرضون وا ابتسم ابو رعد وتقدم يعرض مع عياله وقال رعد : عاش محمد بن قاضي
ابتسم كاسر وقال : وعاش رعد بن محمد بن قاضي
ابو رعد ابتسم وقال : عشتو يعيال محمد بن قاضي
رعد وكاسر بصوت واحد : ونعععم
ابو رعد ثقل صوته وقال : معليكم زود
وكان منظرهم جمييل ومهاب للكل
رعد تقدم بعد ما خلصو وعطى السيف لعقاب وقال : يلا دورركمم
تقدمو عقاب وا اسر وناصر وفهد وصفو وقامو يعرضون وتقدم ابو فهد وصار يراقص عياله وخلصو وقال رعد لسالم : يلا يا عريس
ابتسم سالم وراح داخل وكان سعيد ناوي فارس وراح سعيد وطلع سلاحه وطلق على فارس ولسوء حظ فارس انها جت بكتفه المصاب وفز رعد والعيال وا ابو رعد ومحمد وراحو انصدم رعد من شاف فارس طايح بدمه وفز وقال : تكفى يالفارس
ابتسم فارس بألم وقال بصوت مبحوح : مافيني شي يالرعد
رعد وهو عيونه تطلع شرار : من الي سووووى ففففييك كذذذا !!!!
فارس بألم : سعي ...سعيد
فلاح فز وحط البخاخ بفم فارس
قام رعد ومعه كاسر الي شاف سعيد يشغل موتره
وقال رعد بصوت هز روح سعيد : وبين بتروح يا الكلب
راحو رعد وكاسر لسعيد وضرب رعد الباب وانكسر وطلع سعيد منه وطاح فيه ضرب سعيد بصوت مبحوح : والله اسف والله بس فكوني
رفسه كاسر مع بطنه وقال : اعنبوك وش مسوين لك فارس
رعد بصوت حاد : والله وثم الله ان صار شي للفارس اني لا اذبحك يا الكلب سامععع ؟؟
سعيد بألم : ابشر والله ابشر بس فكني
فكه رعد وطار علطول سعيد للسياره وا اختفى من انظارهم
ضحك كاسر وقال : والله ولعنت خيره يالرعد
ضحك رعد وقال : والله ما برد حرتي الا ضربتك
ضحك كاسر وقال : يلا امش نشوف الفارس
راحو رعد وكاسر وشافو فارس وتطمنو عليه وقال رعد : يعرررب يلا بنسري
طلعو نفس ترتيبهم حنين وسلمى وهيام 
ومع كاسر لين وا وعد وشوق وبشرى
ومع اسر الميلا وغزيل والجود وبيان
وباقي البنات مع فارس وعقاب واغلبهم مع اخوانهم
ومع ناصر الامهات
وقال رعد : هيام شعندهم يباركون لي اني تزوجتس ؟
هيام قالت له كل شي لا شعورياً
ضحك رعد وقال : اموت وا اعرف كيف جا اسمي ببالتس
سلمى وهي تضحك : لا تنفخ خشمك بس اخترتك عشانك الاقرب لها والاعلى رتبه
ضحك رعد ولف وكمل سواقته ووصلو للبيت واتجه رعد للمجلس الي كان الكل مجتمع فيه وقال : انا بخطب
ابتسم وقال ابو رعد : منهي سعيدة الحظ
ذيب بهمس : قصده تعيسة الحظ
طاحو العيال يضحكون وقال فارس : يرحم والديك اسكت
عطاهم رعد نظره وعلطول تعدلت ملامحهم لجديه
وقال فارس بحماس : هيييام
ضحك رعد وقال : والله يا خالي سيف حنا طامعين بنسبكم وبخطب هيام على سنة الله ورسوله
ابتسم ابو هيام وقال : والله انها الساعه المباركه يالرعد والبنت شورها من شور ابوها
ابتسم رعد وقال : بكرا وحنا عندكم
محمد : تبشر يالرعد
ابتسم رعد وقال : يلا بنسري
عند البنات
ركضت حنين وهي الدموع بعيونها : هيياااام رعععد خطبتتتتسس
هيام بصدمه : اسالتس بالله !!!!
حنين ابتسمت بوسع ثغرها وقالت : ورربيييي
ابتسمت هيام وبدت التبارك تجيها
وضمتها ام رعد وقالت : الله يتمم لتس يا بنتي والله من كبر حظنا ان مثلتس زوجه لولدنا
حضنتها هيام بكل حب وكان منظرهم لطييف وقالت : والله من كبر حظي ان مثلتس خالتي وا امي
ابتسمت ام رعد وتجمعت دموعها بعيونها وشدت هيام لها
ضحكت هيام وسط دموعها وقالت : بنسري يلا
وراحو كل واحد رجع بيته
البوم الثاني تحديداً الساعه ثلاثه العصر
ابو رعد وهو يطق باب رعد : قوم يالرعد خلنا نلحق على خطوببتك قم
كان رعد بسابع نومه ومو حاس فيه
ركضت حنين وقالت : رعععدد هيييام تنتظرررك
فز رعد من نومته وركض وفتح الباب وقال : ويننهاا
ابو رعد ضربه وقال : ما هقيتك خفيف وانا من الساعه ثنتين اصحيك
ضحك رعد وباس راس ابوه ودخل وا اخذ شور وتجهز ونزل لهم وراحو لبيت ابو هيام
عند بيت ابو هيام
ابو هيام : هلا والله ياهلي ادخلو
وقامو يسولفون وقال رعد : بشوفها
ابتسم ابو هيام وقال : ابشري
راح ابو هيام وهادا هيام وباس راسها وقال : مبروك يا هيومه وعسا رعد قد الهقوه
هيام باست راس ابوها وقالت : يبارك فيك يتاج راسي
ابتسم ابو رعد وقال : بيشوفتس
ضحكت هيام وقالت : تم
وراح ابو هيام وقال : ادخل
محمد : دقيقتين يالطيب لا تمون
ضحك رعد وقال : وش يمديني اسوي
محمد : كم تبي يالشيخ ؟
رعد : ودي ادخل ولا اطلع
دفه محمد وقال : انقلع بس
دخل رعد وشاف هيام ولفت له هيام وتقدم رعد وقال : اول شي مبروك ثاني شي دقيقتين وا اخوتس يجي يتلني مع شعري ثالثاً وش هالزيين يا هيامي تبين تموتيني ؟
ضحكت هيام بخجل وقالت : والله انت الزين كله وبعيد الشر
رعد : وتمدح بعد تبيني اموت انتي ؟
ضحكت هيام وقالت : شدعوه
تجراء رعد وحضنها وتخدر من شم ريحة عطرها الي كان يجذب الواحد وقال : اه يا هيامي
هيام بتوتر من قربه : عيون هيامك
ضحك رعد وقال : متوتره ؟
ابتسمت هيام وقالت : لا
ضحك رعد وقال : العرس بعد شهر ترا
شهقت هيام وقالت : خير رعد وش يمديني اسوي خله شهرين
رعد : شهر وا انتهى
ابتسمت هيام وقالت : ابشري
ضحك رعد وباس راسها وقال : يعساني ما انحرررم
ابتسمت هيام وقال رعد : يلا يالدنيا بروح انا
هيام : تمام يا عيوني
رعد : ابوسهم
وراح رعد وطلع ورجعو لبيوتهم وكان الكل يجهز لعرس هيام
اليوم الثاني تحديداً بيت الجد قاضي
———————————————
لا تنسون النجمه يحباني🤍🤍🤍
ارحبببو يحباني جيتكم ببارت لطيف وخفيف وحزين وا استمتعو بالبارتات ذي عشان بتزعللوووون البارتات الجايه🤪 ، ولا تنسون حقها يحباني