تهزمني العِيون السُود وانا جاهل فيها

البارت السته والعشرين

~ تحديداً بعد شهر ~ عند المبنى العسكري ~
تقدم لمكتبه تحت تحيات العساكر له راح ودخل مكتبه وجلس يشوف الملفات والاوراق الي جته زفر بقرف ومسك له ملف وفتحه وشاف اسم هيام توسعت عيونه ونطق تحت انفاسه بغضّب : من الي يسترجل يرفع قضيه على حَرم الرعد !!!
وزفر بضيق من تذكر انها ما عادت تحّل له وابتسم من تذكر بداياتهم وجاه اتصال ونطق : لبيه ؟
ابتسم اسر بثقه وقال : بتحضر عرسي سامع ؟؟ بعد اسبوع
رعد بهدوء : الله يتمم لكم على خير ومنك المال ومنها العيال واعذرني يالاسر ما اقدر
عبسّ اسر بملامحه وقفل رعد الخط وابتسم بخفّه
~
اسر عضّ طرف اصبعه وقال : يويلي انا مسوي احلام مع الميلا وداق على الرعد اني بتزوجها وانا ما خطبتها حتى
ضحك ودخل للمجلس يخطب الميلا وكلم ابوه وراح ابو فهد يكلم اخوه وا وافق ابو تركي ونطق بأبتسامه : الشور شور البنت
ابتسم اسر ودخل ابو تركي ياخذ رايها ابتسمت الميلا ونطقت : شورك والهدايه لله
وقامت ولبست لها فستان ناعم وحطت مكياج خفيفي
وطلع ابو تركي ونطق : البنت موافقه
ضحك اسر بوسع ثغره وقال : اليوم المغرب الملكه
ابتسم ابو تركي وراح اسر مع العيال يحلق ويلبس ثوب وسحب العود وقعد يتبخر فيه وا اخذ له بوكيت ورد وسنسال ذهب مكتوب عليه الميلا وراح مع اهله بعد ما خلص وا وصلو هناك ونزلو واستقبلهم ابو تركي وتركي
وضربه تركي بخفّه وقال : اخس اخس بتتزوج اجل
ضحك اسر بسخريه ونطق : كيف بس
ابتسم تركي وقال : خطيييير
ضحك على تعزيز تركي له ودخل وابتسم وجلسو ولفّ للشيخ ، ونطق : نسمي بالله ؟

الشيخ : إن الحمدالله نحمده ونستعينه ونستغفره ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هاذي له وأشهد أن لا إله إلا الله وحده لا شريك له وأشهد أن محمد عبده ورسوله

ثم توقف يتعوذ الشيطان ويسمي بالله يقرأ أحد الآيات الدالة على النكاح ومن أنتهى لفّ لابو تركي وقال : كرر من بعدي

ابو تركي هز راسه بمعنى " نعم "

وكمل الشيخ يقول : " زوجتك بنتي الميلا "

ابو تركي : " زوجتك بنتي الميلا "

لفّ الشيخ لاسر ونطق : " وحضرة العريس عليك بالقول قبلت ابنتك زوجةَّ لي "

ابتسم اسر ونطق : وقبلت بأبنتك زوجةَّ لي

الشيخ : " وبحضرة الشاهدين الموجودين على بركة الله اعلنكم زوجاً وزوجةَّ

صفق الكل بفرحة عظيمه وابتسم اسر وهو يوقع ويشوف اسمه يشابك اسمها وعطاه تركي يعطيه الميلا توقع ودخل واخذت نفس لثواني وقالت : اوقع ؟
رفعت الجُود حاجبها وقالت : لا يحياتي شخبطي ؟
ضحكت الميلا وا وقعت وقعدو يباركون لها ودخل تركي وقال اسر : بشوفها
أشر له تركي يجي وجا اسر ودخل للمجلس وراح تركي ينادي الميلا وجت الميلا ودخلت المجلس وشافت كتفه العريض ولفّ لها وانصعق من جمالها وفستانها المخصر كانت كثيره على قلب بدوي وقال : ارفقي بي يالميلا !
ابتسمت بتوتر وتقدم يسلم عليها خدادي وقال : اول شي مبروك والله يتمم لنا على خير
ابتسمت الميلا ورفعت ذراعها تحاوطه ونطقت : الله يبارك فيك يحبيبي
ابتسم اسر من كلمة ' حبيبي ' وابتسم ونطق : عرسنا بعد اسبوع
توسعت عيونها وقالت : مسرع !!
ابتسمت ونزلت عيونها بخجل وقالت : المهر
ابتسم ونطق : كم ؟
الميلا : ميتين الف
ابتسم وسحب جواله وا وصلتها الحواله وقالت : تعال تعال وشو الي بعد اسبوع ؟
ضحك وقال : مالي دخل
مسكت الميلا كعبها وطار يركض برا وقال : بعععد اسبوووع
ابتسمت وطارت تدق على البنات تبشرهم وقالت : امشو للسوق بسرعه مافي وقت
ضحكو وراح الكل مع اخوانه يتجهزون لعرس ( الميلا & اسر ) وا اجتمعو كل البنات بنقطه وكشفت الجُود وقامت تاكل وقالت : اخ يبنات جلطتني تقول اوقع ؟
ضحكو على فهاوة الميلا وقالت الميلا : بس يا انه ششققق
ضحى بخبث : منتس العيال ومن المال
توسعت عيونها وقالت : وجعععع يوضيحي !
ضحكت ضحى ورجعو كلهم يجهزون لعرس الميلا واسر
~ بعد اسبوع تحديداً عرس ~ الميلا & اسر ~
تقدم ابو فهد ومسك جواله ورسل مية فويسات تهديد للي ما يجي بدري ضحك ثامر وقال : حشى جدي اتركهم بحالهم شتبي فيهم
ضربه ابو فهد وقال : وجع يمصعك قل امين يا قليل الخاتمة
ثامر : صدعت مليون معلومه بكلمه ؟
طار يركض من جا ابو فهد بيضربه بعصاته وضحك وراح عند ام محمد وقال : ارحبي يا دهر قلبي ورجعانه !
ابتسمت ام محمد وقالت : البقى يثويمر
ابتسمت ثامر وتقدم يبوس راسها وباس راس جدته وراح ~ بالمشغل عند البنات ~
قامت هيام ولفّو لها البنات وانلجمو من جمالها الساحر وطلتها تالين وهي تضحك : وهي باقي ما لبست الفستان موٍت حمر كيف لو لبسته ؟!
ضحكت وقالت الميلا : خير هيام ناويه تقفلين على العروس
ضحكت هيام ولفّت للميلا انصعقت من جمالها وقالت : تمزحين ! كل ذا الجمال وين !!
ضحى وهي تضحك وبخبث : الله يقوي اخوي
ضحكت البندري وقالت : ما ظنتي بيقوى والله
أحمر وجه الميلا خجل وقالت : وجع انتي وهي
سلمى بخبث : اسمعو من يتكلم وهي اكثر وحده قليلة ادب بيننا
ضحكت الميلا وقالت : خييير
ابتسمت سلمى وقامو يلبسون فساتينهم ودقت ضحى على عقاب ورد عليها وقال : لبيه ؟
ضحى : لبيت حاج تعال خلصنا
ابتسم وقفل الخط وقالت : عقاب الحين يجي
مسكت سلمى جوالها ودقت على ذيب يجي وقالت : وذيب بيجي
ابتسمت لين وراحو اغلبهم مع عقاب واغلبهم مع ذيب واغلبهم مع ناصر والاغلب مع فارس وكاسر وجلست غزيل مع الميلا وقالت لها : الله ميالتي بتتزوج ؟
ضحكت الميلا وضمّتها وقالت : الله يخليتس لي ولا يحرمني منتس
ابتسمت الميلا تمسح دموعها الي طاحت بدون ما تحس وقالت : يالله غزيلي بتقعدين تبكيني ؟
ابتسمت غزيل وقالت : افا
وجلست تبوس خدها وقامت تلبس فستانها
~
تقدم وسجل خروج لمدة ثلاث ساعات وطلع وقال بخبث : جايكم بدخوليه غير متوقعه
وطلع وركب سيارته وشّد على قبضّته وراح متجهة للقاعه
~ سيارة عقاب ~
زفر بغضّب وقال : عجلو !!
ولفّ وشاف الجُود جايه ونطق تحت انفاسه : هلا باليّ لها الخافق يهل يهلا باللي مدوختني !!
ابتسم وصّد وركبو ضحى والبندري معه وكذالك تالين وراح الكل متجهة للقاعه ، وصلو هناك ونزل الكل الا الجُود الي كانت تدور جوالها زفرت براحه من لقته
وجت بتنزل وسمعت ابياته لها :
لا توصيني ولا احتاج في حبّتس
وصاه لو ظروف الوقت من دون
وصلتس حايله الغلا لتس والمحبه
ابتسم بخفّه هو منقطع عن الشعر ولا يماشي بدربه بس رتبها لأجل عيون بنت الديره ابتسمت بخجل وراحت وكمل ابياته يقول : على كل إتجاه لا يهمتس
دام حبي في قلبي شايله لو تباعدنا وشانت
مقادير الحياه ما سكن بالخافق غيرها
ابتسم ونزل من سيارته وراح يشوف الرجال وقال ذيب بسخريه : هذولي جايبينا بعز القوايل !!
ابو فهد بسخريه : من الي جا ؟
ثامر : فارس وعمي وناصر وعمي وعقاب وكاسر وذيب
ابو فهد : هطوف مطلعينكم بعز القوايل
انفجر ثامر يضحك وقال : ابلللعععوو !
وطار يركض من شافهم الي يلحقونه بالعقال ضحك ودخل عند الحريم وقال : ابللعو ما يمديكم تدخلون
وقفو العيال برا ينتظرون ثامر يطلع وما قدرو يدخلون بحكم ان بنات عمهم موجودين داخل وصرخ عقاب : يكلب اطلع لا ادخل العن ابو خيرك !!!
ضحك ثامر وقال : اتحداك
ابتسم عقاب بسخريه ودخل وصرخو البنات وشاف الجُود واقفه بصدمه بفستانها الفوشي وقاعده تتمايل فيه بس وقفت من سمعت صرخاتهم ابتسم بخفّه ومسكه مع ياقته وطلعه وطاحو فيه ضرب وهو ميت ضحك قامو عنه وراح يجلسون داخل وشافو ابو فهد ببشته جالس ابتسمو وجلسو احفاد وعيال آل قاضي ودخل عريسنا وقال : يليل عرسي وجايين قبلي ؟
انفجرو يضحكون وشال بشته وجلس اسر جنب ابوه وجلسو عيال واحفاد آل قاضي الي كانو معروفين بهيبتهم ورجولتهم وقام عقاب وقال ابو فهد : وين ؟
ابتسم عقاب وهو يدري انه بينجلد : لحُب حياتي
ضربه ابو فهد وقال عقاب : اعذرني يا أبوي بس والله ما يفوتني الفوشي ومع غروب الشمس !!
راح عقاب يركض وهو يضحك ودخل مع الرجال الي يعرضون جنوبي وشّد على عصاته وهو يحب يقلب الصف من جنوبي لنجدي وقام معه فلاح وذيب وكاسر وناصر الي يضحكون وعفسو الصف معه وخلوه نجدي قامو يضحكون واجتمع احفاد آل قاضي كلهم يعرضون الي يحب يقلب الصف من نجدي لجنوبي سيفه يعرض قدام الرجال والشيبان وسرعان ما لحقوهم الرجال وابو فهد وناصر وفهد يعرضون معهم ابتسمو وقاطعهم دخول صوته الرخيّم وهو يقول : ارررححببيبو يرجال
فزو الرجال وتوسعت عيون احفاد آل قاضي ورجالهم يسلمون عليه كان لرعد محبه خاصه بقلب كل صغير وكبير وتقدم ومّد لاسر المعونة وابتسم بعد ما سلم عليهم كلهم ودخل معهم بالعرض وصار جنب فارس الي ابتسم اول ما خلصو وحضّنه وأشر اسر لعقاب يجي وقال بحدة : بسرعه متى الزفه !!
عقاب وهو مبتلش ما يدري يسكت ورعان ضاري ولا يبتلش بأسر ونطق بحدة : الله ياخذكم ابلشتوني مدري ابتلش بورعان ضاري ولا فيك
ضحك اسر ودخل عقاب بغضّب ونطق : يوللددددد اممم فهههد ضحححححىى
صدع صوته وجت ام فهد وقالت : شوفو لكم حل مع ام تركي عيت تطلع الميلا !!!؟
عقاب : نادي لي ياها
راحت ام فهد وجت ام تركي وقالت : يولدي ماله داعي انها تنزف !
ابتسم عقاب وقال : عادي يعمه وهي محصنة ما بيمسّها شي
اقتنعت ام تركي وقالت ام فهد بسخريه : ما يعرف لكم الا عقيب
شاش راس عقاب وضرب صدره ونطق : افاااااا عليتس يا قممممرة قلببببيي أضضضربي بالارضض ولا تسسممين !
ابتسمت ام فهد ودخلت
~ عند البنات ~
قامت هيام من سمعت الخطوه الجنوبيه وجو بنات آل قاضي وصفو صف واحد مع حريم ما يعرفونهم وقامو يرقصون خطوه جنوبيه مع تناسق جددداً رهيب
وبعد ما خلصو طلعت ام فهد وقالت : يلا يلا وقت الزفه
ابتسم عقاب وراح يناديهم ونطق : يلا يا عريسنا ومشو كلهم وقال ابو فهد وعقاب بحدة : الضو هاذا اعمانا طفوه !
ضحك ناصر وراح يطفيه وشاف غزيل وقال : يلبيييه !
توسعت عيون غزيل وصرخ عقاب وقال : نوويصررر طفه الله ياخذك وانا استغفر ربي !
انفجر ناصر يضحك وطفى الاضاءه وطلع عقاب من جاه اتصال
~ عند الميلا ~
وصلت الميلا وا ودوها للغرفة وجلست ودخلو عندها البنات وقعدو يسلمون وقالت هيام بخبث : الله يقوي اسير بس
ضحكت الميلا وقالت : وجعع
ضحكت هيام وابتسمت الميلا تخفي توترها وخرجو الكل بلى استثناء ودخل تركي ومعه الجُود ميّلت الجُود راسها بحنية وضمّتها لها وقالت بحنية : يالله ميلو بتصير عروسه ؟
عضّت شفايفها السفلية تمنع نفسها تبكي وقالت : يالله ببكي ترا !!
ضحكت الجُود ومسحت دموعها وضحكت بخفّه وتقدم تركي وحضنها ونطق : اوف ميلو ونور البيت بتتزوج ؟
ضحكت وحاوطته ونطقت : لا معليكم ناشبه لكم
ضحك تركي وقالت ام تركي : يلا امشو امشو !
ولفّت للجُود وقالت : روحي نادي وعد
ابتسمت الميلا بخفّه وطلعت الجُود ومسكت عبايتها والشيله تتغطى فيها وطلعت عشان تشوف وين راحت
وعد وجت وتجمدت بمكانها من سمعت صوته وقالت : ولعنه ليش داخل !!
ابتسم عقاب ونطق : بتروحين ؟
ضربت الجُود جبينها وقالت : ياربي غبي غبي اكيد بروح اجل بجلس اسولف معك ؟!
ضحك وفتح لها الباب شالت فستانها وطلعت تركض للقاعه ابتسم وقال : اقبل ينط الشارع مثل الغزال الفازع! ابتسم ودخل مع اسر وابوه واخوانه وثامر للقاعه وا وصلو هناك وطلعت الميلا ودقت انغام الزفه وصار بجنبها الشمال تركي والايمن ابوها تقدمت للكوشه مد يده لها وشابكت اناملها انلجم من جمالها وطلتها وقال بأنبهار :
شفتس وزاد بي الولع والشوق
غنيتها من ساعه أقبلتي ! تبسمي
لعنبو من لامني في ضحكتس ومبسمتس
اضحكي وأخذيني من عالمي في عالمٍ ثاني
تبسمي لي فداتس الي مضى والي بقى يفداتس
شّدت على مسكتها زود من توردت ملامحها ، ابتسم وفتح بشته يحتضنها صّد الكل وقال ابو فهد : هاذا شفيه لهدرجه ينتظر هاللحظه ؟
ابتسم عقاب وقال : شكله والله
قبصه ابو فهد وقال : مسوي خوي انت ؟
طاح ناصر يضحك وقال : ابللعع !
عقاب بحدة : اسكت لا التفت لك واعلمك وين الله حق
قبصهم وقال ابو فهد : لحوج انتم لحوج ؟!
سكتو كلهم وابتسم فهد بخفّه عليهم وقال ثامر : اخس والله عمي اسر طلع يعرف يختار
قبصه ابو فهد وسكت
~ عند اسر والميلا ~
ابتسمت وشابكت يدها بيده يطلعون برا القاعه وطلعو وشافوهم واقفين وقعدو يباركون وتقدمت الميلا وباست راس عمها ابو فهد ونطق بحنية : يعساني ما اوجعتس يالميلا
ابتسمت الميلا وشاف الكل حنية ابو فهد حتى لو كان قاسي فيه حنية تغطي لى بلد وابتسم وركبو السياره وقال ابو فهد : غريبه اسير ما سوا شي ؟
عقاب وفلاح ضحكو بسخريه وقالو : اسمع
وبنفس اللحظه قال اسر : اخذذذتتتتتهااا ييععععععييالللل
ضحك ابو فهد بخفّه ودخلو ودخل ذيب يرقص ويتمايل وتقدمو احفاد آل قاضي تحت تصوير البنات لهم وقاطعهم دخول رعد وقال وهو يعدل غتّرته : تخيلو بس يطوفني عرس !
توسعت عيونهم بصدمه وقال وهو يضحك : حي عينك اسييير ! اخذتها !
ابتسم من لمح هيام ودخل مع فارس واستقبله بحضن وقال رعد : ساعتين وارجع
عبسّ فارس بملامحه بس سحبه معه ودخل بالعرض الجنوبي الي كان يعشقه ابتسم وسلم الكل عليه واشتغلت عرضة نجد وقامت وعد وسحبت سيف وعدلت نقابها وابتسمت ودخلت مع كاسر تعرض تحت تصويرهم وتعزيزهم وابتسم كاسر بأنبهار من شكل وعد الي تعرف تعرض لعرضة نجد ابتسمو وبعد ما خلصو تقدم كاسر وضمّ رعد وخواته وام محمد وامه وسلم عليهم وطلع لشغله ...
~ عند الاسر والميلا ~
ابتسم وشّد على القير وسحب يدها تشابك يده وابتسم ونزل لبيتهم وقالت بأنبهار : " Oh, my God "
يا إلهي
اسر : وش هو ؟
ضحكت وقالت : امش امش يا ولد الديره
ابتسم اسر ونزل اغراضهم وراح فوق وطلب اكل لهم ونزل يجيب الاكل وحطه على الطاوله وقالت الميلا بخجل : اسر تعال
ابتسم ونطق : عيونه ؟
أشرت على سحاب فستانها ابتسم وتقدم وفكه لها وانحنى يبوس عنقها ولفّت تحاوطه وقالت : يلا دحدر
ضحك ودخلت للحمام وخلعت ملابسها ودخلت تاخذ راحتها بالدش وحطت من الياسمين والكريمات والعطورات ولبست بجامتها وجففت شعرها ونزلت تحت وشافته جالس ينتظرها ابتسم وشمّر اكمامه وسمى بالله وقعدو ياكلون
~ ببيت ابو فهد ~
تقدم عقاب وشاف ثامر جالس على الجوال يتابع طب عليه وقال بحدة : تتابع نسوان يقليل الخاتمة !!!!
توتر ثامر وقال : هلا لا لا قاعد اتعلم عنقليزي
عقاب : ايه زين
ابتسم وقال عقاب : بقوم اشوف وضيح
وقام ورجع يتابع المسلسل وقال : يلبيه بيضاء وشعرها قصير
ابتسم وقال : والله مدري وش تقولين بس ايلافيو
عضّ شفايفه السفليه يتأمل ولا هو صوب الانقليزي
_________________________
لا تنسون حقها يحباني🤍🤍!
اهلييين يحباني جيتكم ببارت جديد ومليان احداث🤍 ، ٧ الاف ونكمل🤍 ، رايكم مُهم يحباني❤️‍🔥❤️‍🔥!