تهزمني العِيون السُود وانا جاهل فيها

البارت العاشر

اليوم الثاني بالمخيم
ابو رعد وا ابو محمد : يالله انك تحييه
ضحك ابو سعيد وقال : الله يحييكم
ابتسم ابو رعد وشاف سعيد وبدر وسلطان وقال : يالله انك تحييهم
بدر وسعيد : الله يحييك
راحو سعيد وسلطان وبدر وجلسو عند العيال
كاسر لبدر : خير شعندك تناظر انت بعد
ضحك بدر وقال : حرام اتأملك ؟
كاسر: الله يشفيك
رعد : انا عندي مهمه مدتها خمس شهور
فارس : وعرسك ؟
رعد : بنأجله
تركي عدل جلسته وقال : كيف تأجله صاحي انت ؟
ثامر ب استهبال : لا نايم
ضحك سامي وقال : حبيت تنحسب لك
ابتسم رعد وقام وراح لمخيم الحريم : يا ولللد طرريق يا هييااام يا ام رعد
صدع صوته بزوايا المخيم وطلعت له هيام وقالت : خير شفيه
قرب منها رعد وعض اذنها وقال : بطلع مهمه مدتها خمس شهور 
هيام سحبته للمخيم الي جنبهم وقالت بصدمه : رعععد والعرس !!
رعد بحدة : صوتس لا يعلى والعرس بنأجله
هيام تجمعت الدموع بعيونها وقالت : خمس شهور ؟
ابتسم رعد بضيق من شاف عيونها الدامعه وقال : انتظريني يا هيام الرعد
هيام مسحت دموعها لفها رعد له وحاوطها وقال : مافي مفر
ضحكت هيام بصدمه من شافت رعد يقرب من مبسمها صدت هيام وقالت : رعد خير
ابتسم رعد وقال : استودعتس الله يالهيام
زاد بكاء هيام من كلماته الي كانه يودعها : لا يالرعد لا تقول كذا بترجع لي سليم صح الا صح بترجع
قام رعد بضيق وقامت هيام وحضنها وقال : انشاءالله
انهد حيل هيام من البكاء ودخلت للخيمه وا وجهها شاحب وقالت سلمى : يويلي البنت ماتت
ضحكت لين على سلمى وقالت : ياخي سلوم
هيام : رعد بيطلع مهمه مدتها خمس شه وما كملت كلمتها الا وطاحت تبكي بحضن حنين الي كانت تطبطب عليها وكملت وهي تقول : طلع مهمه خمس شهور وبيتركني ليه ي حنيني ليه
حنين بضيق على حال هيام : خلاص يا هيامي خلاص يا عيون حنين
مرت ساعه وهم على ذا الحال قامت هيام وغسلت وجهها وقالت : يلا قومو نرقص
طاحت امال تضحك وقالت : وربي انها مو صاحيه
خزتها هيام وا اخذت السماعه وشغلت اغاني وبدت ترقص وتتمايل وكان الكل انظاره عليها اشرت لحنين تجي معها تقدمت حنين وصارو ثنينهم يرقصون وكان شكلهم يهبل الواحد خلصو البنات وجلسو وقالت الميلا : بروح اشوف المهره
البنات اشرو لها بمعنى " تمام "
راحت الميلا للمهره وكان ظلام وما يمديها  اشوف ابتسمت من شافت المهره تقدمت الميلا وما كانت تدري ان اسر موجود وا اسر نفس الشي تقدمت الميلا وحس عليها اسر وقام اسر ومسكها مع رسغها وثبتها عليه وقالت الميلا بصراخ : بسسسسم الله
اسر وهو هايم فيها : وش جابتس عند المهره
الميلا وهي تدفعه : مشتاقه لها راحت الميلا وباست المهره وراحت تقدم اسر للمهره وباسها من نفس مكان الميلا وكان يهواها يوم ورا يوم راح اسر وهو يحلف ان قلبه مو معه وان الميلا تلته من قصاه
عند المبنى للعسكري تقدم وهو يشوف كل من في الممرات يطقون له تحيه وهو يرد كا عادته : استرح
ابتسم رعد وهو يشوف منصور وضيدان قدامه طقو منصور وضيدان تحيه
ابتسم رعد : استررح
ضيدان : عمري بيروح على هالخمس شهور
طاح منصور يضحك وقال : الشكوى لله
رعد : امشو لمكتبي
راحو العيال ودخل ذيب وطق تحيه وقال رعد : استررح
ابتسم ذيب وقال : ارحب يا ولد العم
رعد : البقى لمن يرحب يالذيب
ابتسم منصور وتقدم هو وضيدان يسلمون على ذيب
ذيب : بعد شوي تتوكلون للمهمه
ضيدان بسخريه : شف من يتكلم جايك الدور يالغالي
ضحك ذيب وطلع
ام محمد بحدة : طفوه هاذا ازعجنا
تالين ابتسمت : بنطلع برا
ام محمد : روحو بس فكوني منه
ضحكت تالين وقالت : ابشري
راحو البنات وشغلو المسجل وبدت وعد تتمايل وترقص بشكل يهبل الواحد
محمد : كاسر رح جيب الحطب
كاسر اشر على خشمه بمعنى " على ذا الخشم "
ابتسم محمد وراح كاسر يجيب الحطب وصادفت عيونه بها وهي ترقص وتتمايل وقف حوالي دقيقتين وا اكثر استحى على دمه شوي وصد عنها وهو يتذكر رقصها وتمايلها مع الاغنيه ابتسم كاسر وقال بعلى صوته : طفوه هالمسجل لا اجي اطفيه
وعد بتحدي : جرب
تقدم كاسر وصارخو والبنات وركضو كلهم داخل المخيم ما عادا وعد الي سحبت الشال الي جنبها وتلطمت فيه وما بان الا عيونها دخل كاسر وتقدم للمسجل وفصله وراح لوعد وقال : اهجدي
وعد : خف علينا بس
كاسر مسك رسغها وقال : وعععد
وعد ببرود : خير
كاسر ابتسم ولسوء حظ وعد ان الشال ما ثبت عليها وطاح ابتسم كاسر وهو يناظرها للمره الثانيه وكان منصدم من جمال وعد وقال : بتوافقين لو خطبتس ؟
وعد صدت عنه وهي مو قادره تتحكم بمشاعرها ولسوء حظ وعد ان بدر كان موجود شافها بدر صدت وعد وهي شوي لا تنهار اثنين شافوها بيوم
راح بدر الي كان يهوجس بها جلس بالمجلس وقال : والله اننا طامع بنسبكم وبخطب وعد
كاسر وهو يقلب بجواله : تخسي تاخذها
كح ذيب عشان ما يبين صوت كاسر ابتسم كاسر وقال : يا حبي لك
ابتسم حمد وقال : والله انها الساعه المباركه بس الشور شور البنت
بدر بفرحه : تم تم
تلطم كاسر وطلع متضايق ما تحمل يشوفها تروح من يدينه طلع ذيب من شاف كاسر تلطم وكانت الحركه ذي ما يسووونها عيال محمد الا اذا زعلو او بيتضاربون طلع كاسر ولحقه ذيب وقال : لا تفقد الامل وانا اخوك ما بياخذها بس اعلم الرعد انك تبيها
كاسر بضيق : راحت من يدي يالذيب راحت
ذيب : تبيها ؟
كاسر : اقولك راحت من يديني تقول لي تبيها
ذيب ضحك وقال : ناسي ان اخوك الرعد ولا ايش ؟
كاسر : والله جبتها
ذيب : بس المهمه حقته خمس شهور
كاسر : نسيتها بس سمعت بدر بيخلي العرس بعد ست شهور عشان عنده ظرف على قولته
ذيب : اجل جبتها يقدر رعد يطلع برا المهمه اربعه وعشرين ساعه بعدها يرجع
كاسر ضرب ظهر ذيب وقال : يلوموني بحبك يا شيخ امش داخل
ضحك ذيب ودخلو عند الرجال راح حمد لوعد وقال : وعد
تقدمت وعد وقالت : لبيه ؟
حمد : بدر خطبتس
وعد بتردد وهي تتذكر كاسر الي مو راضي يروح عن بالها دعست وعد على مشاعرها وقالت : موافقه
حمد ابتسم وباس راسها وقال : مبروك يا عيون اخوتس
سمع كاسر صوت الحريم يصفقون ويباركون لوعد انكسر كاسر اول ما سمع اصواتهم وهم يصفقون ويباركون راح وجلس ودق على رعد وقال بصوت مكسور : يالرعد
رعد : لبيه شفيه صوتك ؟
كاسر طلع كل الي بداخله : يالرعد تمنيتها وصارت لغيري ابيها حلالي صارت حلال غيري لييييييييه كذا ليييييييييه وش سسسسسووييييت انا عشان يصير لي كل ذا وش سوييييييييييت بحياتي اننننننا
رعد بصدمه من اخوه الي ولا مره حب انثى كثر امه وخواته : منهي ؟
كاسر بحزن واضح : وعد
رعد بحدة : من الي بياخذها ؟
كاسر : بدر اخو سعيد
رعد وهو يتذكر وش سوا ف اخته قال : علي بالطلاق انه ما ياخذها
صرخ كاسر بفرحه عظيمه من شاف رعد بيتدخل ابتسم رعد وقال : لأجل الكاسر اذبحهم كلهم
ابتسم كاسر وقال : متى تجي ؟
رعد : بعد اسبوع عشان ما يمديني اطلع وانا بنص المهمه
كاسر : توصل بالسلامه يا عيون اخوك
ابتسم رعد وقفل الخط ورجع كاسر يجلس همس لذيب وقال : طاح بين يدين الرعد
ذيب بحماس من الي بيصير : أسالك بالله
ضحك كاسر وقال : وقسم بالله
ذيب بهمس : لو يدري ان الرعد بيتدخل طلقها من اول يوم
طاح كاسر بحضن تركي يضحك وقال : ياخي ذيب
ابتسم ذيب قاطعهم دخول فهد الي كان غايب عنهم شهر ونص قامو العيال يسلمون عليه وقال ناصر : ارحب استود بدنيه
ضحك فهد وقال : وصل لك اسر اللقب
ضحكو العيال على لقب اسر لفهد قاطعهم دخول اسر وهو يقول : كاني سمعت اسمي شاف اسر فهد وتقدم وقال : ارحببب استود بدنيه
ضحك فهد من اللقب الي اشتاق له وقال : يعساني ما افقد حسكم
العيال بصوت واحد : ولا حسك
فهد بنعاس : بروح انام والله اني مصدع
ابو محمد : حتى حنا قومو يا عيالي
راحو العيال ينامون الا كاسر ومحمد
عند البنات
ام محمد : انا تعبانه بنام
ام رعد : كلنا بننام
راح الكل ينام الا وعد وهيام الي كانو صاحيين
هيام : وعد صاحيه ؟
وعد : اي تبين شي ؟
هيام : امشي معي للحمام خايفه لحالي
ضحكت وعد وقالت يلا امشي
راحو البنات وا اخذو كشافات معهم بحكم انه ظلام تقدمو وعد وهيام وشافو كاسر واقف عند الباب يدخن
كاسر : شتسوون هنا ؟
طفو وعد وهيام الكشاف الي معهم بحكم انه يتغطون عنه
وعد : هيام تبي الحمام
كاسر : حمود داخل
ابتسمت هيام من شافت اخوها طالع من الحمام تقدمت وصد كاسر وحضنته
محمد : ارحبببي هيومه
ابتسمت هيام وقالت : اشتقنا لك حمود
ضحك محمد وقال : انا بروح توصون بشي ؟
هيام : سلامتك
راحو محمد وكاسر وخلصت هيام من الحمام راحت هيام وطاحت بحضن حنين وسلمى والدموع  تتجمع بعيونها : اشتقت له ياحنيني  من يشفي اشتياقي له ؟
اكتفت حنين بالصمت وهي تسمعها وقالت : هانت يا حياتي خمس شهور ويرجع هيام قامت بتعب ونامت بحضن سلمى وحنين
——————————
لا تنسون النجمه يا حباني🤍
اهلييين اشتقت لكم البارت حلو ويزعل صح ؟ تتوقعون اخلي كاسر مع وعد ، بأذن الله بنزل لكم يوم الخميس او الجمعه لا تنسون النجمه يحباني