تهزمني العِيون السُود وانا جاهل فيها

البارت الخمسه والعشرين

~ بالديره ~ تحديدا العزبه ~
قام ذيب من شاف الكل نايم ولا كان يدري بكاسر واسر وفلاح الي قاعدين وراح ومسك المقص وبدا يقص بهدوء وجا كاسر وخرشه وخرب قصت ذيب وصارت تضحك وغريبه وقال ذيب : يا زفت تشوفني قاعده اقص شعري !!
ضحك كاسر ومسك المقص معه وقعد يقص بس خرشه ذيب وخربت قصته هو بعد وقال ذيب : وحده بوحده
ضحك كاسر وقال : كني ضاري
ضحك ذيب وقال : تراه اخوي اخوي
ضحك معه وقال ذيب : مسوي خطط براسك انت ؟
كاسر بسخريه : طالع منها ؟
ذيب : وقسم بالله قصتي احسن منك
كاسر : تخسي قصتي احلى !
ابتسم ذيب وقال : خلاص كلنا حلوين
انهارو يضحكون على اشكالهم وقصاتهم الغريبه 
ضحك ذيب وقال كاسر : الحين زوجتي تهج لا شافتني كذا
طاح ذيب يضحك وقال وهو يناظر قصات شعورهم الغريبه العجيبه ونطق : مسوي خريطه براسك ؟؟
ضحك كاسر بعلى صوته وقال : ع اساس طالع منها ؟ شوف قصتك كنك ابو قاسم !
طاح يضحك ذيب وقال : اش اش احسن من الخريطه
ضحك كاسر وقال : يحيوان اسكت
ذيب وهو يناظر قصات شعورهم الغريبه : يولد وش سوينا حنا ؟
ضحك كاسر وقال : والله شف علمي علمك
ضحك ذيب وطب عليهم اسر وفلاح وقال لفلاح بهمس : شكلهم مثلنا
وقفو كاسر وذيب وفلاح واسر وقال ذيب وهو ماسك شعره : يعيال وش سوينا بشعورنا حنا !
ضحك فلاح وقال اسر : انا شعري كني ضيدان
انهارو يضحكون على جملتهم العاديه بس كانو تافهين بشكل وفزو جنب بعض من سمعو صوت حاد ورخيّم يقول : شتسووون هنا !!
اسر : ابد جالسين نسلم على بعض
وسكت وقال وهو يضحك : بالله وش تشوف انت ؟
توسعت عيون عقاب من شاف شعورهم وقال وهو ماسك شعره : وش مهببين انتم !!
ضحك ذيب وقال : شوف شعري كني ابو قاسم
وضحك كاسر معه وقال : وانا كني خريطه
وجا اسر وقال : وانا كني ضيدان
وجا فلاح وكملها معهم : وانا كني عقاب
انهارت يضحكون وضربه عقاب وقال بسخريه : خافو من عايض وقاضي والرجال الي بيستلمونكم
حكّ ذيب راسه وقال : والله يعيال ما فكرت فيها ذي
ضحكو عليه وراحو يجلسون بالحوش وقام فلاح يسوي شاي ودخل للخيمه ( الجميع يعيش بالديره ) وقال اسر  لعقاب بهمس : بقوم اشوف المهره
~ وافق عقاب وراح للاسطبل الي يبعد عن العزبه اميال ~
وقام عقاب وراح يشوف الابل والنياق وجلس يحلبهم صرخ ابو فهد ونطق : يالعاقققبببب !!
طلع عقاب وانجرح كتفه وراح لابوه وقال : لبيه ؟
ابو فهد بغضّب : وين اسير !
عقاب : بالاسطبل عند الفرس حقه
فز فلاح وطار للاسطبل عند اسر وقال ابو فهد بحدة : زين !
مسك عقاب الدلة وهي جددداً حاره بس عيال عايض متعودين على كل شي وجا يصب لابوه وجلس معه يسولف وقام ودخل عند خيمة الحريم وقالت ضحى : وشفيه كتفك !!
البندري مسكت عقاب وقالت : كتفك ينزف !!
عقاب بحدة  وبغضّب : اصواااتكم  !!
سكتو وجت امه تتلمس جرحه وجابت له قماش تمسح فيه الجرح وحطت ملح ومويه على جرحه تكهرب جسم عقاب بس ما بان وقام وقال لضحى : بطلع اشوف شغلي
وجا بيطلع شافها تنزل تجيب جوالها ولابسه فروتها أثر البرد ورافعه شعرها فوق ابتسم بخفّه ونطق بحدة : ادخلي يبنت !
فزت الجُود وراحت تدخل تحت انظاره وقال جزء اغنيه كان مقصد عقاب تسمعه : اقبل ينط الشَّارع مثل الغزال الفازع! وانا فطريقي جازع فصرت منه خجلان
ضحكت بخجل من سمعته وشّدت على جلابيتها ودخلت داخل وقالت : تخيلو
لفّو لها البنات وقالت وهي تضحك : امزح لا تتخيلون ابي نلعب
عدلت البندري جلستها وقالت : اسلمي ؟
جلست الجُود وقالت : يلعنم الطفش هيام والميلا بالمحكمه وانا جالسه مقابله وجيهكم
قامت لها سلمى وجلست جنبها وقالت : وش بها وجيهنا
ضحكت الجُود وجلست بحضن سلمى وقالت لين : بطلع اشوف كاسر وبجي
ابتسمت وعد ونطقت : يلبيييه
ضحكت لين وراحت تنادي كاسر وجاها كاسر وتوسعت عيونها بصدمه من شكله وقال بحدة : ليننن الصوت !!
انفجرت تضحك وقالت : وش مسوي بشعرك !
ابتسم وقال : وعد لا تشوفني
انهارت لين تضحك وقال كاسر : خير ترا ذيب واسر وفلاح مثلي
ابتسمت من سمعت اسمه وقالت بنفسها : " يلبيه بس " 
وقالت : تعال اعدل لك ياه
ابتسم ودخل بخيمه ثانيه معها ومسكت المقص وقامت تعدل عليه وقالت : حلوو خلصت
ابتسم وعطته مرايه صغيره يشوف شكله فيها انبهر من حلاوة شعره وباس خدها وقال : جعلني قبلها ياررب
ابتسمت لين وراح ومّر ذيب من عند الخيمه الي بها لين ودخل بهدوء وجا ونطق : لا تصارخين !
فزت وقالت : يمممه !!
ضحك وجلس على المركه الي مقابله لين وقال : يلا عدلي شعري
ابتسمت بتوتر وشّدت على جلابيتها وقعدت تعدل عليه وقربت اكثر عشان تركز وما تدري انها لخبطت موازيين ذيب وبعدت وقالت : خلصت
وعطته المراية يشوف شكله ابتسم وطلع وعطاها بوسه بالهواء وابتسمت له ودخلت عند البنات ،
~
راح فلاح عند اسر وشافه واقف يراقص المهره ونطق : حي يالرفيق
ابتسم اسر ونطق : تتسابق ؟
ركب فلاح الادهم وقال : امممش
تعدلو كويس وانطلقو من شافو اشارة عقاب لهم مسك اسر طرف ثوبه ولفّ لفلاح وضحك ولفّ وا وقف من وصل عند عقاب وقال : المرتجز وينه ؟
اسر بهدوء : بالاسطبل
ابتسم عقاب وقال اسر بعلى صوته : بنروح نودي الفرس والادهم
وراحو يتسابقون هو وفلاح وصلو هناك ونزل من المهره وفلاح من الادهم وراحو يجلسون هناك
~ بالمحكمة  ~
مسكت جوالها تشوف الساعه ، وتقدمت بكل ثقة وشافت هيام جالسه ، راحت تجيب لهم قهوه قبل تبدا المحكمة وشافت ميلان واقفه ، أشرت لها انها تجي ، جت لها وقالت بأبتسامه : لبيه ؟
ابتسمت الميلا وعطتها ملفات القضيه وراحت هيام وبيدها الملفات وجابت الميلا قهوه ، وصلها رقم غريب مسكت جوالها وقالت : نعم مين معي  ؟
.. : الميلا بنت راشد بن آل قاضي ******* ؟
رفعت الميلا حاجبها ونطقت : اي نعم من معي ؟
.. : اخسري القضيه ولا بيصير شي ما راح تتوقعينه !!
الميلا بسخريه : يعني كذا بخاف ؟
.. : نشوف يا بنت را...!
قفلت الخط بوجهه وزفرت بقرف وعدلت حجابها ونقابها وراحت وجلست جنب هيام ومدّت لها القهوه ابتسمت هيام واخذت القهوه ودخل القاضي وا وقف الجميع ، أشر لهم يجلسون
الميلا بهمس : يالله يارب
وقام المحامي وقال : المتهم يقول انه من قبل كانت مغريته
توسعت عيون هيام والميلا بصدمه وا وقفت وضربت الميلا الطاوله وقالت بحدة : أعترااااض !!
القاضي بغضّب : غير مقبول بيجي دورك يالمحاميه
جلست الميلا بغضّب وكمل المحامي كلامه ونطق : وبحكم انها مغريته ما قدر يستحمل
قامت الميلا وقالت : لااا كذذااا زاد الوضع عن حده !!
القاضي بغضّب : يالمحاميه !!! اجلسي رجاءً !!!
جلست الميلا وكمل المحامي وبعد ما خلص قال
لبس القاضي نظارته ونطق : نبي الدليل ؟
ابتسم المحامي بتوتر واضح وقال : عندنا شهداء
وجا عادل وجلس ونطق : انا اشهد على ذا الشي
ابتسم القاضي وأشر للمحامي يجلس وقامت الميلا وأشرت لميلان تجيب لها الملفات جت ميلان وعطتها الملفات والاوراق ، شّدت على قبضتها ونطقت : المتهم قام بالاعتداء على المدعيه
وأشرت على هيام وكملت كلامها وشرحت للقاضي كيف اعتداء عليها وقال القاضي : الدليل ؟
ابتسمت الميلا وجابت مقطع فيديو وا ورته القاضي وقالت : هاذا الدليل والمتهم من قبل كان عليه جرائم من قبل !
صرخ القاضي بغضّب وضرب مطرقة العداله ونطق : سجن سنتين للمتهم وزيادة غرامة ثمانين الف من اجل شهادة الزور التي قدمها وكذالك المحامي سينفصل عن شغله وغرامة ميه وا واحد وثمانين الف والشاهد الذي شهد شهادة زور سيعاقب بالسجن لمدة يومٍ كامل
قام الجميع وقامت هيام والابتسامه معتليه وجهها وضربت كفّها بكفّ الميلا وقالت هيام : حي عيينهاا !
ابتسمت الميلا ونطقت : حي نباتس
وراحو يركبون سيارة الميلا متجهين للديره ، وصلو هناك ونزلو وسرعان ما دخلت عند خيم الحريم بحكم ان ابوها مانعها تطلع خوفاً من انها تشوف رعد ودخلو واستقبلوهم بحضن وجلسو ونزلت الميلا شنطتها وقالت لهم كل شي وقالت ضحى : يكذبه !!!
ابتسمت الميلا وقالت : والله لو ما معي دليل كان رحنا فيها
ابتسمت غزيل وقالت : حي عينننهاا بنتي
ضحكت الميلا وصارت بحضن غزيل ونطقت : حي نباتس
ابتسمو واخذتهم السوالف لحد غروب الشمس وقالت سلمى : شرايكم نطلع بما ان مافي احد ؟
البنات بمختلف الاجابات : " تمام " زين " يلا "
وطلعو ومسكت حنين براد الشاهي وقعدت تصب لهم مع الاجواء الحلوه ، رفعت انظاره وهي تشوف النجوم الي معتليه اليّل ، ابتسمت من تذكرت موقفها معه اليوم وقالت بنفسها " يارب انك تكتبه من نصيبي " ابتسمت ومسكت الشاهي تترشفه ومسكت الجود البلوت وقالت : من تنزل لي ؟
ابتسمت غزيل وقالت : جايتس
وجت ضحى وقالت الجود : ينقصنا شخص
جت البندري وقالت : يلا
وقعدو يلعبون وقالت الجُود بسخريه : واضح الفوز لمن
ابتسمت غزيل بتحدي وقلبتها عليها بحركة وحده انصدمت الجُود وقالت : غشاشه !!
ضحكت غزيل وضربت كفها بكف ضحى وقالت : تخسين مسكت الجُود راسها بصدمه وقالت البندري : تغش ؟! الجُود : لا لعبها نظيف بس كيف كذا ؟!
ضحكت غزيل وقالت : بنت عبدالملك محد قدها
ابتسمت ونطقت : ونعم
غزيل : معليتس زود
هيام بهدوء : تصدقون من ذكر على بالي
جلست لين وقالت : من ؟
ضحكت والدموع بعيونها : تذكرت بدايتي انا ورعد
ابتسمو بحزن وقالت غزيل بأبتسامه : اخ يحلو شعور البدايات !
لفّو البنات لها وقالت الميلا بخبث : اقععدد ! غزيل تقول كذا !!؟
ضحكت غزيل وقالت هيام : شكل نويصر معتلي قلبها
ابتسمت غزيل بدون ما ترد وقالت : نعسانه بقوم انام وشالو اغراضهم من خلصو ودخلو الخيمة ينامون
~ عند العيال ~
جلس اسر وقال : يليل يعيال قومو !
تركي وهو يفرّك يدينه اثر التعب وقال : والله بنام
كش اسر بوجهه وقال ثامر وهو يهز ناصر : عمي عمي عمي
قام ناصر من نومه وقال : شتبي ؟؟؟
ابتسم ثامر وقال : خذ راحتك ما عادها تفرق معي
توسعت عيون ناصر وقال : مقعدني عشان تغني لي ؟ مهبول انت مهبول ؟؟
ورجع يلفّ نفسه للجهة الثانية ينام ضحك ثامر وقعد يغني عند اذنه : خذ راحتك ما عادها تفرق معي
قام ناصر وطار يركض من شاف ناصر قام له مسكه ناصر وطاح فيه ضرب ورجع ينام بالخيمه الي فيها عقاب وفهد
ضحك اسر عليهم وانسدح يفكر بالميلا وسرعان ما قفلت عيونه وغرق بأحلامه مع الميلا
_______________________________
لا تنسون حقها يحباني🤍🤍🤍!
اهلييين يحباني جيتكم ببارت جديد بدون ظهور بطلنا😔 ، ترقبو البارتات اذا وصلنا ٦ الاف❤️‍🔥❤️‍🔥! ، رايكم مُهم يحباني❤️‍🔥❤️‍🔥❤️‍🔥!