لو كسرة عظم جان العذر مقبول
بس كاسرلي خاطر بيش ترضيني
العمر مابي ضمان شلون گلب انسان
ادري وغلطة مني انطيتك سنيني
~~~~~~~~~~~~~~~~~~~~~~
شيرمين:-
گمت بخوف اترقب الباب تقربت الها اكثر الفضول يجبرني اكتشف مشيت بكُل ثول ضغطت على الدگمة نفسها انفتحت الي الباب مديت راسي اشوف درج ينزل جوى كأنما سرداب بس اظلم ومُخيف
غلقتها وركضت للغرفة طلعت تلفوني من الجنطة شغلت الفلاش ورجعت راكضة، فتحتها من جديد دخلت و سديتها وراي بدأت انزل درجة درجة بحذر والفلاش يضوي الدرج ضيق وطويل نزلت شوية شوية خايفة عقلي قافل يريد يعرف شنو نهاية كُل هذا
بقى 5 درجات وبالنهاية مثل الغرفة وحايط يفصلها عن الدرج توقفت سمعت صوت شخص يتكلم ثبتت بمكاني اريد اسمع
" وين وديتها؟
حچة رجال بألم صوتة مشحرج
" ما ادري مو يمي گتلك مو يمي
رد علي صوت كأن يحجي بتلفون مو حقيقي
" بعدك ما تعرفني زين
صار صوت وگعة قوية ارتديت گاعدة ع الدرج بخوف وسمعتة يبچي بصوت قوي
" دموعك القذرة ما تأثر بية، اليوم ما اعوفك اذا ما اعرف كُل شي
" اقتلني وخلصني، ارجوك اقتلني
سكت شوية وصار هدوء، تقربت الاخر درجة طلعت بس عيني من ورى الحايط اريد اشوف، شخص واگف تقريباً نفس طول تُيام لابس اسود بأسود رافع مُسدس على رجال مربوط بكرسي مُتحرك ووجها مليان دم ما مبين من ملامحة اي شي
فتحت عيني بقوة لمن شفتة ضغط الزِناد والصوت بأذني صارت تطن ، ضليت متصنمة بمكاني حتى ما گدرت اتحرك واني اشوف دم الرجال بالارض يسيح كأن مي فايض
لمن استوعبت صرخت بصوت ابجي واگعة حيلي مهدود من الخوف جسمي يرجف، الرجال الي اطلق علي جان داير وجها يباوعلة، بس سمع صوتي التفت عيونة اجتي بعيوني فاتحهم بقوة مصدوم
عيوني نملت وراسي وجعني بشكل مو طبيعي لحظة وحدة وصارت الصورة ضبابية، غبت عن الوعي
_________________________
مسار:-
دخلت عمة جابها لؤي تحظر ملابسها للسفر وامي تحظر ملابس ابوية، كعدت يمها احجي بقهر
" عمة يعني اكو امل بيبي تصير زينة؟
أنت تقرأ
الاقربون
Mystery / Thrillerكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
