حيل مخنوگ بغيابك خنگة الينحب
ولكن مامش اليسمع نحيبة
خنگة الجندي الرجع من السواتر
لاگي اخو ماخذ حبيبة
~~~~~~~~~~~~~~~~~~~~~~~~
مسار:-
كمل الاربعين وگعدنا بالليل نسولف، لؤي جايب اختبارات حمل يضحك على ليلاف يگول جربيهن خاف تطلعين مو حامل وهي تتعارك وياه، دخلت شمرتهن ع الجرباية متعصبة
ليلاف:- بالله الكريم متزوجة طفل اني، تصرفاتة كُلها بالشقة اريد اعرف شوكت يصير جدي بالكلام
ضحكنا عليها وهي مددت متعصبة گمت جريت الاختبارات
مسار:- هذني اختبارين اني اجرب واحد خاف حامل بـ عناصر الجدول الدوري وتالة حامل جدرين دولمة
كفختني تالة واني احجي صدگ اريد اجربهن، گامت شيرمين اخذتهن مني
شيرمين:- عود شلون يسووهن، جنت اشوفهن بالتلفزيون وبودي اجرب
ليلاف:- شوفي ع الكارتون اكيد مكتوب طريقة الاستعمال
گعدت بصفها تقراهن بفضول
تالة:- گومي جربي واحد شخسرانين هن من فلوس لؤي
ضحكت واخذتهن فايتة للحمام، سوت واحد وطلعت تشوفة النا ضاحكة
" عود هم يطلع بي خطين وخط ومدري ايش؟
باوعت تالة على الكارتون مالتة ورددت بهدوء
" لا، يگولون اذا حامل يطلع علامة زائد بالشاشة واذا لا يصير شخطة مال خط
نزلت عيني اباوع ع الكتابة بالانگليزي طلعت pregnant قهقهت تشمرة على ليلاف
" مكتوب بريگننت عود حامل هذني والله يضحكون على عقول النسوان بيهن
أنت تقرأ
الاقربون
Misterio / Suspensoكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
