بڪثر ما لميتي روحي
صرت احسچ مو مرة بعدال ديرة
انتِ بغدادي الصغيرَة
~~~~~~~~~~~~~~~~~~~~~~~~
مسار:-
افتر كُل شوية يدزوني على شي، خو المي عيني وما تشوف وين ما التفت يصيحن مي، حطيت الصينية ع الميز اعدل بفستاني اخت العريس چيس حب عود كاشخة حتى ما تهنيت بس اكرب
صاحتني ليلاف متعصبة، رحت اشاورها
" شبيك ابو الشباب هدي علينا لا تتعصب
گرصت ايدي تحجي من بين اسنانها
" وين شيمو؟
تكتفت بضحكة افرك ايدي
" خاتلة بالسطح شفتها تصعد، اكيد تُيام فوگ
تأفأفت متضايقة
" شبيج بس لو افهم؟
عوجت حلگها بأنزعاج
" ما تشوفين شلون يباوعون يگُلك مشايفين بشر، انوب هذولي خالاتج لو بيدي ادفنهم
باوعت عليهن صدُگ ما يشيلن عينهن منها يباوعن وكأن سرقناها من ايدهن
" خيولن معليج بأحد، طالعة تخبلين خلي يستمتعون بالجمال والخدود الوردية
ابتسمت بطرف شفايفها ساكتة، رجعت اكمل فرة التوزيعات ساعة عصير ساعة كيك ساعة مي، الولد حنتهم بالقاعة وجابوا الحنة بطاسة حتى تحط للاف منها، خلتلها امي بأيدها مبتسمة والكُل يهلهل
ام لؤي:- الله يسعدكم حبيبتي، حالچ حال بناتي صرتي
باست ايدها ليلاف بأحترام، سحبت ايدها وگعدت بصفها، كملت الحفلة واني جسمي ما اگدر احركة تالة كُل ما تشوفني تضحك
تالة:- اذا اليوم تعبتي باجر شيصير بيج؟
شمرت نفسي بفستاني نايمة بالاستقبال اباوع ع الارض حيل تعبانة
" العن ابوكم شگد وصخين دباعي الگاع يگلك صار اسبوعين ما منظفين، كُلة اكياس جُكليت وكيك
هزت راسها مبتسمة تكنسهن
" هذا الي يصير بالاعراس، بعدين هو هالاخو عدنا قابل كُل يوم متزوج واحد
أنت تقرأ
الاقربون
Misterio / Suspensoكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
