صفنتلها ولگـــيت الدنيـــا عطــوة وثـــار
الكاتـل عايــش ومرتـــاح
واحنــة الفقــرة فصـالة
~~~~~~~~~~~~~~~~~~~~~~
شيرمين:-
سديت الاتصال من عمتي طمأنتني انو بيبي بخير وراجعين بس تتعافى ان شاء ﷲ، التفتت على خطوات وراي
" تگدرين تگوليلها انتِ اختها
رفعت حاجبي مُردفة
"وشنو الي تغير؟
غمض عينة يحجي بقهر
" اختچ عاشت اشياء لو تعرفيها تروح روحج
شنو الي عاشتة وهي تربت بحظن ام واب هذا الي فكرت بي، ابتسمت بأستهزاء واني ارد ببرود
" اخذتك مني؟
جان ديمشي الغرفتة التفت عاقد حاجبة بتعجُب
" شدتحجين؟
ابتسمت تاركتة وداخلة الغرفتي، طلعت مني تراك مستور لان لبسها مو مُحتشم واعتقد مو مُحجبة اصلاً، اخذتهن ونزلت الها، بس شافتني خزرتني تحجي بنتر
" هو ضابط، انتِ منو؟
تفاجأت مصدومة شمدريها، معقولة گال الها
" اني اختج، حبيبتة وبنت عمة للضابط
رفعت حاجبها ببرود
" لا تگولين اختج من يومي ما عندي لا اخوات ولا اخوان
ضحكت اردد
" عندج عندج، بس امج حبت تشمر كُل وحدة بمكان، ما تجمعنة
عقدت حاجبها تستفسر
" شتقصدين؟
حطيت الملابس على الفراش وگعدت گبالها
" تعرفين امج جانت متزوجة من قبل؟
" لا تكذبين
ضحكت مستغربة
أنت تقرأ
الاقربون
Mystery / Thrillerكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
