هآملني ؟ يَـ شسمك .. عود مآ تهتم ؟
مآ آخوفك وآنا دڪتور
وآنت جنآزة متروڪة من آجي يمك
آسحبك نآشف من الدم
___________________________
شيرمين:-
فتحت عيوني على دگة باب غرفتي، فريت عيني على ليلاف رافعة راسها حاجبها معقود، نزلت من الجرباية اريد افتح دخت، توقفت لحظة استعيد توازني وفتحتة
بنية واگفة گدامي ما اعرفها بس احس شايفتها، ابتسمت بوجهي ورددت بحماس
" صباح الخير، اسفة اذا گعدتج بس خالتي تصيحج
بقيت صافنة عليها فترة اريد استوعب الكلام، فتحت حلگي اتساءل
" منو خالتج؟
ضحكت بصوت تردف
" خالة اشواق ام لؤي ما تعرفيها ياااا
غمضت وفتحت عيوني اكثر من مرة اهز براسي مسلكة كلامي يتقطع
" تمام گوليلها شوية واجي
هزت راسها بقبول تاركتني ورايحة، سديت الباب ورجعت للجرباية ارفع بشعري
شيرمين:- ليلو ليلاف گومي يمكن اكو خطار فشلة لازم نسلم عليهم
رفعت عيني ع الساعة بال8 ونص، بلله شنو من خطار جايين بهيج وقت شعدهم حراثة ارض؟
التفتت على ليلاف اسحب بأيدها مفتحة بس ما تگوم
" گومي ولج كسلانة تعودتي ع النوم
دارت وجهها عني تسحب بالغطى على راسها
ليلاف:- اووووه عوفيننني، هو اني الخياطات غلست وما فتحتهن من العجز
فتحت حلگي مصدومة
" ياا صدُگ ليش ما فتحتيهن، اني التهيت بوجعي انتِ شبيج؟
ليلاف:- التهيت بيج
عوجت حلگي مستهزئة
" اي ظلي طلعي حجج ظلي
رددت من بين شفايفها باقي شوية وتغفى
" اظل ليش لا
سحبت الغطى بعنف اجر ايدها
" لا تخليني اتعامل مثل الاخوات المتحكمات، گومي ولج
أنت تقرأ
الاقربون
Mystery / Thrillerكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
