لو ما عيونچ
عيني حور العين مآ تمليهَا
لوما عيونچ چآ متت
وكلمة أحبچ عُمري ما حآچيها
~~~~~~~~~~~~~~~~~~~~~~~~~~~~
شيرمين:-
گعدت عمة توكلني ولمن ارفض تظل تخزر بية، ابتعدت عن الصينية اريد اگوم
" اشوفة وين راح واجي
ارتديت ع الجرباية بخوف واني اسمعها تصرخ علية
ام سَنمار:- اگُعددددي، ترى متحملتج انتِ وياه لان اولاد اخواني مو راضية على تصرفاتكم
لميت رجلي على صدري منزلة راسي
" خلص عمة ما اروح، بس ودي الة اكل لان گال جوعان سودة علية كُل شي ما اكل
كامت من يمي ترفع الصينية
" لا تخافين علي، رجال هذا عظمة قوي
دارت وجهها وطلعت احسها زعلانة مني بس ما تفهم اني مو بيدي، اذا جانوا خايفين اتعلق بي ليش ما بعدوني من الصغر وانهوا كُل هالموضوع، ليش هسة جايين يريدون يفصلون ارواحنا!
رفعت عيني على ليلاف دخلت تجر بالحجاب ماشية بهِمة، دفرت الباب برجلها قووي حسيتها حتنكسر وظلت رايحة جاية گدام الجرباية تحجي بصوت ناصي ما افهمها
شيرمين:- ليلي هيييو شبيج؟
باوعت علية بـ إدراك وكأن هسة شافتني، تقربت تگعُد گبالي
" شلون صرتي؟
رفعت شعري عن وجهي ابتسم
" مو زينة، بس احسن الحمدلله
ليلاف:- الحمدلله
عضيت على شفايفي اسأل بحذر
" شفتي تُيام وين راح؟
هزت راسها گايمة للخزانة
" اي دخل للاستقبال راح ينام يم صاحبة
" منو منو؟
التفتت بـ إيدها تراك تريد تبدل
" صاحبة هو الي جابة لهنا لان هو متصوب ما يگدر يسوق، اعتقد ضابط وياه
أنت تقرأ
الاقربون
Misterio / Suspensoكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
