ضَام بَعيوني بَچي يَفيض النَهر
وحابِس بگلبي حَچي يبَچي الصَور
______________________________
مسار:-
" تدرين انتِ ناجحة؟
رجعت عيني علي بدون اي تعبير واضح، ما سويت شي غير إني حطيت ايدي على وجهي وبچيت، جر ايدي بهدوء دفعتة
مسار:- شسوي بالنجاح وهو مو وياي، ردت اخلص مسيرة حياتي ونجاحاتي وياه، راح ما اريد شي بعد
بلل شفايفة يباوعلي بحُزن
سَنمار:- لو تتوقف حياتنا وتنتهي بمجرد وفاة إنسان عزيز على گلبنا ما كُنا استمرينا، اني مُدرك انتِ شگد مقهورة علي، بس عادي يجي يوم اني اموت وانتِ تموتين والكُل يموت، احنة ما ضامنين حياتنا يجوز اذا اليوم موجودين باجر ميتين صحيح لو لا؟
مسحت عيوني مبرطمة ما رديت علي
سَنمار:- لذلك يا مسار لا تعتبرين حياتج واگفة وتدوسين بريك الكُل الاحداث، انتِ وراج مُستقبل لازم تكملين سعي حتى تحققينة، يوسف راد تخلصون دراسة سوى وتتوظفون سوى وتكملون سوى، تتوقعين لو موجود يقبل تتركين احلامچ؟
اومئت براسي (لا) كلامة كُلة صح بس اني ما عندي طاقة للفهم ولا لإكمال الحياة، جريت الغطى علية اشهگ
مسار:- سد الباب وراك
ما سمعت من عندة رد غير صوت الباب وهو ينغلق، رفعت عيني للساعة بالـ10 صباحاً هسة يلا استوعبت انو صار الصبح شوية واندگت الباب من جديد بس هاي المرة ما انتظر الرد، فتحها ودخل بعد اول دگة
حط الصينية ع الميز وافتر يجر جاكيتة، نزعة جاب الصينية واجة
سَنمار:- اعتذر ع التأخير جان عندي شغل
أنت تقرأ
الاقربون
Tajemnica / Thrillerكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
