فاتت عطرها يفوح
طرگاعة عطريش !
سابع بزر بگفاي ظل يصرخ افييش
~~~~~~~~~~~~~~~~~~~~~
مسار:-
" ما مجاوبة؟
برطمت انتظرة يجاوب، عبس وجهة بـ إحباط
سَنمار:- تعاي احاچيچ
گمت اعدل بشالي، طلع للطارمة واني وراه لازمة گلبي من الخوف، توقف والتفت علية
سَنمار:- مجاوبة بس اجوبتج ما عجبتني، انتِ شاطرة بالمادة مالتي، ليش هيج؟
زفرت الهوى من حلگي بقوة عيني بالارض
مسار:- نفسيتي شوية تعبانة وانت شفت شصار بية بأول إمتحان، حيل توترت
كتف ايدة يباوع على وجهي بتركيز مضيق عيونة كأنه يقرة افكاري
مسار:- شبيك؟
سَنمار:- اعتقد حابة تحچيلي شي عن يوسف، مو؟
فتحت عيوني وحلگي متفاجئة ارمش بثول
مسار:- شنو يعني؟
تراجع ليورى يگعُد على واحد من الكراسي الموجودة بالطارمة
سَنمار:- اعتبريني إذن صاغية فقط
تقربت اگعد بالكُرسي الثاني صافنة بالارض
" مليان گلبي حجي بس عِدمن أروح وأشتَكي ؟
سَنمار:- اسمعچ
سبحان الي خلة هالطُمأنينة تصير بگلبي إتجاهة، برطمت وبديت اسرد الة الي صار وياي وشلون عرفت يوسف وهو يستمع هاز براسة بدون ما يعلق
مسار:- اني خايفة يطلع مثل غيرة ويضحك علية، اهلي واثقين بتربيتهم ما اگدر انصي راسهم علمود اي شخص ، لو اموت ما اسويها
بعدما كنت منزلة عيني رفعتها اباوع الجدية ملامحة، بلل شفايفة يهز راسة بتفهم
أنت تقرأ
الاقربون
Mistério / Suspenseكُتلة من الحَنانْ في داخِلْ كُتلة مِنْ الظَلامْ الحَالِك الذي يَصِفَهُ هُو بالطَبع وتَصِفَهُ هِي بالغُرورْ وَسَط المَحَبة ••• هَل سَوفَ تَعرِف ما بِداخِل هَذا الغُمُوضْ المُعتِم ام سَتَبقى عَمياءْ بِحَنانَه الذي يُغطِيها ؟
