بين الحلم والقدر

البارت الخامس

بين الحلم والقدر

للكاتبه أنو أنو

حزنك المن ؟

ابتسم للدنيا تلگاها أعلى زندك طيره شگرة

اسنينك اتخبل حرام اتصير صحره!

رجعنه كلهم جانوا موجودين وهيه ماكو رحت للغرفة طبيت نايمه استغربت مو عوايدها رحت يمها متلفلفة بالغطه كلش ولامه روحها شبيها هاي مديت ايدي عليها مجمرة من الصخونه

غياث: راسا كعدتها مريم كومي انتي مشتعله نار مريم

من حست سحبت الغطه عليها اكثر

مريم:  غطيني بعد غطيني بارده كلش

غياث:  كومي  انتي مصخنه مريم

مريم:  ما بيه حيل اكوم

غياث:  مريم لازم تغسلين حتى تفكج الصخونه

كوه سحبتها كومتها كعدت على حيلها رحت اجيبلها دوه من امي وكلاص مي طبيت وطبت امي وياي لكيتها هم راجعة نايمه

غياث:  كومي اشربي هذا العلاج حتى تفكج الصخونه

رحمة:  كومي يمه خضي جسمج بمي بارد حتى تفكج الصخونه كومي عيني

كامت كعدت انطيتها العلاج شربته رادت تكوم حتى اتروح للحمام راسا لعبت نفسها ركضت ما لحكت بسطله الزباله اللي بالغرفه ذبت من راسها

امي كعدت يمها وتمسح على ظهرها رحت جبت لها مي غسلت وجها شويه ارتاحت ظلت كاعده بالكاع ما بيها حيل وصخونتها تجوي اخذتها امي

رحمة:  كومي يمه كومي بالحمام سبحي شويه حتى ترتاحين بين ما اسويلج نومي بصره تريح معدتج شويه وان شاء الله ما بيج شي يمه لا تضوجين ولا تقهرين نفسج

اخذتلها امي ملابس من الكنتور واخذتها للحمام ظليت كاعد انقهرت عليها ادري بيها كل هذا صار بيها لان انقهرت حزت بنفسها كلام مرسلين حسبي الله ونعم الوكيل

يا رب دخيلك شلون حلها شلون يرجع وجهها طبيعي يا رب بنيه يتيمه ومقهوره انت برد كلبها وسهللهه دعيتلها من كلبي بيومها

وره شويه اجتي ويه امي تمددت بفراشها سابحه ولافه راسها بالخاولي راحت امي سوتلها نومي بصره  اجيت غطيتها

غياث:  شلون صرتي هسه

مريم:  احسن

_ تهز براسها بالقبول وعيونها ذبلانه كلش

غياث:  ليش تقهرين نفسج وتسوين بروحج هيج ختولي منو هيه حتى انقهر من وراها  اني راضي بيج وما ضايج ولا حاسس انه اكو فرق بيني وبينج لا بالعمر ولا بالشكل ولا تهتمين لاي واحد يحجي

_ رجعت راسها على الجربايه مغمضه عيونها اني احجي ونزلت دمعه من عينها انهضمت عليها من شفت دموعها ادنيت عليها ومسحت عيونها