بين الحلم والقدر
للكاتبة أنو أنو
وبكيف الضروف انعيش محد عايش بكيفة 💔
استغربت من الكلام هاي ثاني علامة استفهام تتخلة ابالي على البنية رغم اني راح يصيرلي قريب السنتين هنا وما شفت منهم الا كل خير طلعني من صفنتي صوت ماسة
الماسة : شنو هاي الهوسة بابا مو الصوت جاي من بيت أهل ريمان
غياث : فوتو بابا مالكم شغل هاي اسرار عالم وكلمن اله خصوصية
الماسة: خاف صاير عدهم شي لو محتاجين شي
غياث : لا ماكو شي ان شاء الله صوت نسوان ويجوز مختلفات على شي
طبينه جوة ارتاحينه شوية وطلع رائد نزل الغراض بعدها رحت جبت عشة من برا صلينه وتعشينه ثاني يوم رحت للدوام ووصيتهم ايسدون الباب وميطلعون برة ويعوفون اختهم وحدها
من رجعت للبيت جبت غدة وياي صليت وسبحت وكعدنه ناكل ماسة كالت
الماسة: بابا بعد اني أطبخ لتجيب من برا
غياث: لا بابا اخاف عليج وما أريد اتعبج
الماسة : لا بابا ماكو تعب اصلا راح اسويلكم آكل تاكلون اصابعكم ورا
وفعلا أخذتها وياي وجابت الي يعجبها وبلشت هية تطبخ جنت أرجع من الدوام استغرب منظفة البيت وطابخة ذاك الطبخ الي يعجب
ومن شافتني اشجعها وامدح طبخها كامت اتطلع مهاراتها اتسوي حلويات ومقبلات اتباوع على التلفزيون وتسوي
مرات ميضبط عدها بس أغلب الوقت أكلها يجنن واخوانها وياها يساعدوها بكلشي بالطبخ بالتنظيف
ورائد هذا روح البيت يمشي ويحشش لو يقلد ويعيب عليهم همه متعودين علية مرات قائد يلزمه ويكتلوا اثنينهم ورة اشوية تلكاهم واحد حاط راسة يم اللاخ
بس الي لاحظته أنو ماسة بالنسبة الهم مو بس اختهم لا عبالك امهم بكلشي يشاركوها يأخذون رأيها حتى من نطلع ويبدلون يجون يمها يسالوها ها شنو رايج لو هذا حلو هذا لايك علاقتهم كلش حلوة ويخافون عليها عبالك بتهم
فرحت بهالشي هواي وبنفس الوقت ضجت من نفسي مقصر وياهم وبعيد عنهم ومقهور فاتتني هواي تفاصيل اباوع عليهم صايرين شباب دخلو بعمر ال14 واني بعيد عنهم واحدهم بطولي صاير
بس ماسة مو ذاك الطول كلما تكبر اتصير تشبة مريم بس بعد احلى صدك تشبة مرت عمي رحمن هواي يعني الي يشوفهم ميكول اخوان والي يسمع بيهم توم يستغرب
قائد ورائد بيناتهم شبه جبير بس الماسة لا تختلف اختلاف جذري بنتي صايرة مرة وام بيت معدلة فدوة اروحلها
مرت ايام الدوام بسرعة رغم جنت اضوج لأن وحدي بس هسة متلهف ارجع للبيت حتى اكعد وياهم واشبع منهم بين دلال ماسة وشقاوة رائد وبين عصبية قائد ذولة احلى هدية من رب العالمين الية
أنت تقرأ
بين الحلم والقدر
Short Story" مهما كان حُلمك صغيراً في أعين غيرك أو ضرب من الجنون، لا تسمح لأحد أن يقلل من شأنه.. لا تصدق أنه هناك شيئاً غير قابل للتحقيق طالما سعيت من أجله.
