بين الحلم والقدر
للكاتبة أنو أنو
لأن حزن النساء عميق وجرحهن غائر
فالرجل الذي أسعد إمرأة كانت حزينة
فعل شيئا عظيما
كأنما قتل كل الحزن في هذا العالم 🤍
ثاني يوم رجعنه للبيت جانو بس اهلي باقين ذبحو طلي من اجينه والكل باركلنه سوينه عزيمه بسيطة واجوي اهلها كلهم لأن ثاني يوم انسافر
اتغدينه وكلها موجودة وفرحانين شربوا الجاي وصلوا وسوالف بيناتهم
للعصر خلصت الهوسة وخواتي هنه وماسة نضفن البيت رجع يلمع العصر اهلها راحو واهلي هم راحوا بقت بس امي يمنه
ظلينه كاعدين وياهم لليل وجبت شنو محتاجين قبل لا اسافر لو مو دوام جان حتى اولادي اخذتهم بس مدارس عدهم واحنه اجازة اسبوعين عدنا من يوم الحنه انحسبت أول يوم
بعدها اتعشينه جبنه جاهز بعدها بالليل كلمن دخل لغرفته وامي نامت يم ماسة خليتلها جرباية الها اني هم دخلت للغرفة جانت منورة بوجود هتان جانت هادئة بشكل مثل النسمه الباردة
لكيتها لابسه ثوب مال نوم كصير وفوكا روب هم قصير لون سمائي كلش حلو وية لون بشرتها الحنطي وفاتحة شعرها ومكياج خفيف طالعة اتجنن جانت بعدها خجلانه لأن من طبيت جرته على رجلها رحت كعدت بصفها على الجرباية
غياث: شلونه الحلو
هتان : الحمد لله زينه
غياث: خوما تعبانه
هتان: لا متعبانه
غياث: وهذا المطلوب تدرين يمي واشتاقيتلج
حجيتها واني اتلمس شعرها الجنه ليل
غياث: أبد لتصبغي عوفي كلش حلو
أخذت خصلة شميتها واتقربت عليها اكثر ايدي اتسللت من شعرها لرگبتها جنت هايم بيها واريدها وهيه خجلانه أو مستحية حسيت بتوترها أخذتها بحظني وكدرت أخليها تنسى كل توترها وتندمج وياي بروح وحده ونفس واحد
جانت مثل حورية واتغوص بوسط بحر هايج من الحب والمشاعر كدرت اسيطر عليها واخليها مثل ما أريد جنت كلي لهفة وشوك لقربها كل حواسي اتريد اتوصل احساسي الها
بعدها أخذتها بحظني ونمنه الصبح كعدنه اتريگنه كلنه سوة وبعدها حظرنه نفسنه وطلعنه للمطار سافرنه لايران وبقينه عشرة ايام جانت من العمر
رحنه زرنه الأمام الرضا وبقية الاضرحة بعدها انطلقنه لشمال إيران جانت ولا اروع بالبداية جانت تستحي بس بعدين لا صارت احسن وتعودت نوعا ما انطلقت بالكلام بالتصرفات صارت اكثر مرونه وقل التقييد عدها
اتفقنه مرة ثانية نجي ونجيب ماسة والولد همين جانت كل ليلة اتمر علينه تختلف عن القبلها نتبادل بيها المشاعر والمحبة واتعرفت عليها اكثر اتحب اتسوي كلشي بهدوء وعلى كيف بكلامها بشغلها حتى باكلها متحس عليها
أنت تقرأ
بين الحلم والقدر
Short Story" مهما كان حُلمك صغيراً في أعين غيرك أو ضرب من الجنون، لا تسمح لأحد أن يقلل من شأنه.. لا تصدق أنه هناك شيئاً غير قابل للتحقيق طالما سعيت من أجله.
