بين الحلم والقدر
للكاتبة أنو أنو
أعيذك ممن يتمناك سرآ .. وأنت لي 🤍
اخذت رقم عمها الجبير وهذا الشيء طلبه ابويه گال احسن نتفاهم وياهم ونسويها كعدة وحده هي خطوبه وهيه گطع مهر سيد وهيه تلبيس حلقات لان الطريق بعيد مو مال يوميه انظل رايحين جايين
وفعلا اتفقوا على يوم الجمعه انو كله يخلص بيوم واحد اتحضرنا وشنو نواقص جبتها الهم حتى المي والبيبسي والكيك كله حضرته ودزيته بيد الولد وگتلهم اي شي يحتاجون ولدي موجودين يقومون بالواجب
يوم الخميس بعد خصصنا اني والولد وماسه رحنه افترينا على المحلات اشترينا ملابس اني اشتريت ستره عسليه وقميص ابيض وبنطرون بيجي ورهمت وياه حذاء نفس لون السترة
وماسه حبيبه گلبي اخذت نفنوف نفس لون السترة وشال بيجي والولد هم اشتروا ملابس على ذوقهم
اولادي چانوا فرحانين على فرحتي الحمد لله كل شيء جهز على اتم وجه ومن رجعنه مريت على ابو مطعم واتفقت وياه يجهزلي غده كامل لان ما عندنا احد يطبخ والعالم هوايه فاحسن حل الاكل يجي جاهز
اهلي عزموا كل عمامي واقربائنه واني عزمت اصدقائي بالدوام وكلها فرحت گالت نحضر خطوبتك ونفرحلك
ثاني يوم كعدت من وكت وماسة نظفت البيت وحضرنه الضيافة وجهزنه كل امورنه بالعشره اجوي اهلي واعمامي وولد عمي وخوالي كلها ملتمه امي وخواتي ما ضال احد ما جاي
لبين ما صلوا الغده وصل والحمد لله اكل مرتب وطبخ طيب تغدوا وشربوا الجاي وكعدوا يتفقون على الكلام لبين ما اجوي جماعه الدوام للامانه ما قصروا كلها حضرت رتب وضباط جانت مشيه ضخمه
جنه متفقين بتلاثه ونص نروحلهم بدلنه وكلها اتحضرت ومشينه لبيت العروس تلگونه ملگه حلو چانت العالم هوايه ناس گاعده بالاستقبال ناس ظلت بالحوش ناس گاعده بالحديقه
اول ساعه ظلوا يتعارفون بيناتهم وهذا عم الولد وهذا خال الولد بعدين بلشوا يحچون بامور الخطبه والحاضر والغايب اخر شيء اتفقوا على عشره بعشره حاضر وغايب
السيد اللي راح يگطع مهر جابه العقيد المسؤول عليه بالدوام بعدها بلش السيد يگطعلنا مهر والحمد لله من بعد ما عاد ثلاث مرات يلا تمت الموافقه وصارت هتان باسمي وزوجتي شرعا
صوت الهلاهل هرج الدنيا جنت كلش فرحان سلمت على الكل والكل باركلي نص ساعة وگال عمها تعال اتفضل شوف البنيه ولبسوا الحلقات
طبيت افتريت من المطبخ للهول تلگتني امي بالهلاهل والجكليت على راسي بوستني وباركتلي بعدها مشيت وياها وفتت جوة جانت هواي نسوان اول شي بنتي حبيبتي شبگتني وباركتلي
أنت تقرأ
بين الحلم والقدر
Kısa Hikaye" مهما كان حُلمك صغيراً في أعين غيرك أو ضرب من الجنون، لا تسمح لأحد أن يقلل من شأنه.. لا تصدق أنه هناك شيئاً غير قابل للتحقيق طالما سعيت من أجله.
