بين الحلم والقدر
للكاتبه أنو أنو
بالي يمك داري روحك دفي ايدك
الدنيا بردت يا ترف خايف عليك
_بعد مرور يومين كاعد أقره العصر وحدي بالغرفة طبت مريم لابسه نفنوف كلش حلو لونه جوزي فاتح عبالك لون الجكليت
كاعد عليها مفصل من فوك ضيك ومن جوة الصدر كله كبسات والردن عريض وبي بزمه أو اكمام كلش حلو وية بطنها كمشته وافترت بيه كدامي
مريم: شنو رايك حلو
غياث: أي كلش حلو تلبسيه بالعافية ان شاء الله
مريم: الله يعافيك حبيبي
وكفت كبال المراية اتشوف نفسها واني عيوني ما نزلت منها طالعة حورية
غياث: هذا الثوب للعرس
مريم: أي هذا للعرس هسه عمه خلصته
غياث: مو طويل خاف يضوجج لو تعثرين بيه
مريم: لا هو لبسته حتى اتشوف الطول مالته وتخبنه كلت اتشوفة مادام لبسته
غياث: ما الله يهديج واتشوفيني مال الحنه
مريم: لا باجر هو يوم الحنه واتشوفني بيه من أجهز
غياث: هاهيه على راحتج
مريم: يله أروح لعمه حتى تكفة
_ خلت وراحت واني رجعت أقرأ وهيج مشه اليوم ثاني يوم من رجعت من المدرسة لكيت كلها ملتمه خواتي جايات حتى الكل يروح العصر للحنه مال النسوان
واحنه الزلم نروح بالليل على حنه الولد اتغدينه وره الغدة كلت لمريم راح انام وقبل لترحون كعديني
هيه ظلت يم البنات ما اجتي اني هم تعبان خليت راسي غفيت ما حسيت ألا فدشي يمشي على وجهي
فتحت عيني ما أشوف الا لعابه واكفة بثوب احمر قصير ربع ردن وشعر ملفوف ومكياج حلو وحمره حمرة طالعة اتخبل
غمضت عيني وفتحتها مرتين شنو اني بحلم لو شنو بس من حجت لا صحيت
مريم : يله غياث كوم راح انروح وأنت بعدك نايم مظل وكت
تحجي وهيه مدنجه على الكومدي اتطلع حذائها حرت على شنو اباوع على الشعر الوجه الجسم
كعدت على الطابورية لبست حذائها وبعدين خلت رجل على رجل ولبست الحجل والاظافر مصبوغة أحمر ايديها ورجليها ولابسة اساور بيدها
ظليت مسطور هاي هيج تطلع والنسوان اتباوع عليها وبطنها بارزة ملفته بصراحة كمت عليها جريتها من ايدها وكفت
غياث: افتري خل أشوف
افترت واني لازم ايدها
غياث: هيج تطلعين مريم
أنت تقرأ
بين الحلم والقدر
Short Story" مهما كان حُلمك صغيراً في أعين غيرك أو ضرب من الجنون، لا تسمح لأحد أن يقلل من شأنه.. لا تصدق أنه هناك شيئاً غير قابل للتحقيق طالما سعيت من أجله.
