بين الحلم والقدر
للكاتبة أنو أنو
#گولولهم.. يوم المشوا
من عندي احس #مدري شخذوا
يمكن #فرحتي بجيبهم
تلفوني طافي وما بيه شحن من زمان وهمه ميدرون اني راجع گلت خليها مفاجاه الهم الرتل توقف يم المعسكر وبعدها كلمن اتفرق البيته
صهيب ما قبل يجي وياي گبل راح لأهله كتلة كم يوم ارتاح واجي أشوف اهلي سلملي عليهم هواية بعدها اجرة سيارة ورجعت للبيت
اول ما وصلت فتحت الباب وطبيت بعدني بالحوش وسمعت صوت طفل اصغير امبين بعدة ابن نفاس من وصلت جانت دنية عصر السيارة مو بالبيت نزعت خذائي وجواريبي وطبيت من المطبخ
وصلت للمسلك صوت دوش بالحمام اكو أحد يسبح صوت ماسة وملاك جاي من الهول مديت بس راسي بهدوء ماسة شايلة طفل صغير وواكفة وملاك مجلبة بثوبها وتجرة اتگلها اريده دادا الصغير
ما انتبهن علية لأن مطياتني ظهرهن صحت بناتي التفتن على الصوت
الماسة : باباااا واجتني تركض شبگتني يا يابه ما مصدك أخذتها بحظني هيه والصغير شابگتني وتبجي
الماسة: الحمد لله والشكر من أنت بخير
غياث: يا يابه شمشتاقلج بستها من خدها من راسها بوستني هواي وابتعدت
أخذت الصغير من ايدها وگعدت اجتي ملاكي طبت بحظني شبگتها حيل وبوستها كبرانه بس ضعفانه خليتها على رجلي وبوست الصغير دفعته همزين ما وگع ما منتبه عليها راسا اخذته ماسة مني
الماسة: جيبة بابا هاي راح اتموت من الغيرة
غياث: ليش بابا واني اگول ضعفانه أخذتها بحظني شبگتني حيل
غياث: لعد هتان والولد وين
الماسة: خالة جاي تسبح وقائد ورائد راحوا للسوك هسه شوية ويجون
غياث: تعالي بابا كعدت بصفي شبگتها شخباركم بابا هناك وبالي يمكم بس ماكو شبكات حتى اخابركم وهذا الصغيرون شسميتوا
الماسة: قائد ورائد سموا منتظر
غياث: بسته من راسة عاشت الاسامي بابا جان اسمراني يشبهني ويشبه اخوانه بالصغر
بعدنه كاعدين وطلعت هتان اجتي للهول وتلف الخاولي على راسها وتحجي
هتان : ماسة ماما شو ملوكه مالها صوت رفعت راسها وشافتني غياااث
اجتي تركض حظنتني شكد مشتاقلها شابگتني وتبجي
هتان : حبيبي رحتلك فدوة الحمد لله على السلامة
غياث: ربي يسلمج حمدلله على سلامتج شلونج صحتج شلونها هناك وبالي يمج رجعت جريتها علية وبستها من راسها
أنت تقرأ
بين الحلم والقدر
Short Story" مهما كان حُلمك صغيراً في أعين غيرك أو ضرب من الجنون، لا تسمح لأحد أن يقلل من شأنه.. لا تصدق أنه هناك شيئاً غير قابل للتحقيق طالما سعيت من أجله.
