بين الحلم والقدر
للكاتبة أنو أنو
إذا خلانه الله وصرنه شياب
عله ضهور العواجي ندك اساميكم❤️
نمنه اني وفاروق ومنكعد الا على صوت رمي قوي واحدنه خرط العافية اثاري من ضمن النظام أتوقع على أي شي يكعدوك
وبلشت حياتنه انصبح على تدريب وانام على جوع واحدنه صاير خردة أول أيام تعبنه ومعنوياتنا هبطت نظام صارم تدريب عنيف تنفيذ للاوامر بدون اعترض النوم بساعات محدودة الاكل محسوب بوقت
وحجج العريف والضابط على النظافة الشخصية لازم سابح وجسمك نظيف اظافرك مقلمة لحيتك مزينه هدومك وجواريبك نظيفة والي يتاخر دقيقة تجي عقوبة من هاي المعدلة يطلعون حليب امة من خشمة لازم تتحمل وتسكت
تعب وجهد فوك طاقتك عبالك مو تدريب تعذيب خلقتي انكلبت صرت جلد وعظم وهاي بس البداية خلصت أول فترة وكالوا نزول بس خمس أيام ونرجع نلتحق
ما صدكت من نزلت كلها اتلكتني امي من شافت شكلي كامت تبجي ابوية يكلها شلون يتعلم ويصير رجال مريم من شفتها شبكتها وبستها من راسها كدام الكل مشتاقلها هواي
والجهال كلبي طاير عليهم ما عرفوني بالبداية وقائد كام يبجي صايرين يزحفون من صوتي ياله عرفوني كلهم خليتهم بحظني ابوس بيهم وما اشبع
اتغديت شوية وراها سبحت ولزمت المخدة من التعب ما حسيت ألا من صابين العشة كعدوني صليت وتعشينه والجهال واحد منا واحد منا والماسة بحظني يابه روحي من الدنيا
صبوا الجاي وكعدت اسولفلهم على النظام هناك والتعب جراح كال
جراح: عادي اتصير سوالف وهاي ظهري يشهد
خطية جراح بوكت ما جان بالجيش بالتدريب لازم يزحف من جوة حبال شائكه اتصير سيم ثخين وبيه مثل الرووس طالعة خطية من فايت جواهن مكطوع واحد ونابت بظهرة شاگه من الجتف لنهاية ظهرة ولحد الآن الاثر جبير بظهرة
كل اخواني داخلين جيش وضايكين هذا التعب بالليل دخلت للغرفة الجهال يلعبون بالكاع اجيت ذبيت روحي يمهم نايم على بطني وهمه كل واحد صعد فوكاية من جهة
جسمي مرضرض طبت مريم بيدها مميات اتلاثة كلمن أخذ مميته وتمدد يشرب صايرين كبار كم يوم ويقبطون سنه بلكي موجود انسويلهم عيد ميلاد
اجتي يمي دنجت علية باستني من خدي
مريم: اشتاقيتلك هواي
غياث: اني هم والله مشتاقلكم هناك وكلبي يمكم
مريم: ليش نايم بالكاع كوم اتمدد بفراشك
غياث: اتصدكين ما بيه حيل احس جسمي كله مرضرض ودايس علية لوري كل عظامي توجعني
أنت تقرأ
بين الحلم والقدر
Cerita Pendek" مهما كان حُلمك صغيراً في أعين غيرك أو ضرب من الجنون، لا تسمح لأحد أن يقلل من شأنه.. لا تصدق أنه هناك شيئاً غير قابل للتحقيق طالما سعيت من أجله.
