بين الحلم والقدر
للكاتبة أنو أنو
عِشت بيّهن سِنين هوايّ مثل ديرة هَليّ عيّونك.
غياث: ومريم شو مالها صوت
ايات: خطية هلكت من التعب وبعد وراها تطلك من جديد الله يعينها
غياث: ليش تطلك مو جابت
ايات: أي مو بعد اكو طفل ثالث
غياث: شنوووو ... خل افوت اشوفها راح أموت أريد ادخل
ايات: شلون تدخل ميصير
غياث: والله ما أصبر كلبي راح يوكف صيحي امي يمهههه تعالي
شوية وطلعت امي
رحمة: بالمبارك يمه يربون بخيرك ان شاء الله
غياث: يمه اروحلج فدوة خل افوت
رحمة: يا يمه مو عيب شنو تفوت ميصير أصبر وادعيلها
غياث: يمه كلبي راح يوكف انوب تطلك مرة ثالثه يروح يصير بيها شي بس خل اشوفها
رحمة: اوكف خل انغطيها وفوت شوفها واطلع
غياث: يله
طبت امي شوية وطلعت
رحمة: تعال بس لتطول
طبيت ملهوف كعدت يم راسها
غياث: مريم حبيبتي
الوجه أصفر وتعبانه ضربتها على وجها منتهيه هاي وين بيها تطلك مرة ثالثة فتحت عينها ونزلت دمعة منها يابه لو حاطين طلقة براسي اهون نزلت حظنت راسها وبستها
غياث: يمه خل ناخذها للمستشفى ليصير بيها شي
الجدة : لا خاله لتخاف هسه شوية واتجيب بسلامه هيه سباعية
غياث: خالة منين اجه الثالث همه مو اثنين
الجدة: خاله تسالني اسال روحك
ما رديت التفتت على مريم لزمت ايدها بله هاي شترد عليها
غياث: مريم اتسمعيني
مريم : امممم
غياث: اذا ما بيج انروح للمستشفى
مريم : لا هسه اجيب بس لتعوفني أبقه يمي وتبجي مردت كلبي مرد
غياث: ما اعوفج ظال يمج
امسح بوجها وراسها واحجي وياها ولازم ايدها حاطها على كلبي شوية وكامت تعصر بروحها واجاها الوجع
رحمة : يله يمه اطلع خل انجيبها
جلبت بيه وكامت تبجي
مريم: لتروح أبقى
الجدة: ميصير يعاين
مريم: لا لتروح جلبت بهدومي لتعوفني غياث
أنت تقرأ
بين الحلم والقدر
Short Story" مهما كان حُلمك صغيراً في أعين غيرك أو ضرب من الجنون، لا تسمح لأحد أن يقلل من شأنه.. لا تصدق أنه هناك شيئاً غير قابل للتحقيق طالما سعيت من أجله.
