عِشگ السادة

الحلقة الثالث عَشـر

احبكم 🥹

قِراءة مُمتعة ♥️🕯..

وَ مِـن گد الوجع مــآ صرت اعرف شبيه ؟

___________

وصلنا الى حي *** كُلش معروف بالحله چان
چان حي بيوته بسيطه كُلش وقديمه مبين عليها
ركن بابا السيارة ونزلنا اني وامي وابويه دگينا الباب
طلع النه ولد يطلع عمره بالعشر سنين هيج شي دخلنا للاستقبال چان بي تخم ملكي مِـن الجهتين وايات وَ سور قرآنيه معلگة عَلىٰ الحايط و بدايه الاستقبال عَلىٰ التخم محطوط دفاتر وكتب واشياد مــآ اعرف شنو هنه وعطر واغراض ثانيه ماعرفتهن

گعدنه اني وبابا وأُمي عَلىٰ التخم شويه ودخل علينه
رجال مُلتحي لحيته بيضة وشعره عالي وابيض يشبه گصه
حميد منصور وچان اكو سواد عَلىٰ جانبي وجهة ولابس دشداشه سودة

سلم عَليه بابا وضحك ويا وگعد عَلىٰ التخم الي محطوط عليه ذنيج الاشياء

چنت گاعده واباوع لأُمي مــآ عاجبها المكان بَـس اشوف بابا ملامحة عاديه واباوع عَلىٰ الرجال همين ملامحة كُلش عاديه بَـس للأسف مــآ چنت اعرف انُ ..

" هـٰذا هوَ اليوم الذي كبرتُ فيهِ عُمراً
فوقَ ؏ُــمري ..
ونَضَجتُ فيهِ مِـن شِدةِ مــآ كانَ أذاهُ عميقاً
" لا أنساهُ "

ضلو يحچون هوَ وبابا يمكن يشرحله على وضعي ماادري شويه وچان يصد عليه الشيخ

- الشيخ ،، اي عمي شنو اسمج

- اسمي مَيسم وابتسمت

- مَيسم اممم
يگولون تحلمين احلام مو حلوه وتشوفين اشياء بالحقيقه

- اي عَمـو

- ضل صافن عليه وبيده كتاب يباوعلي ويرجع يباوع عالكتاب اني ضليت صافنه عليه شبي هاذه ؟!

- يگولون تشوفين بزازين سود

- اي دائماً حتى بالحقيقه هواي اشوف ويطلعولي

- مصيبتج مصيبة يا عَمـو

- ضليت اباوعله بإنكسار وخوف والدمعه بعيني اوزع نضراتي عَلىٰ امي وابويه شبيه ماادري بَـس تعبانه روحي
ضلينه گاعدين وبس صوت البنكه ينسع جانت كُلش حاره شويه وقطع الصمت وبده يسئلني اسئلة ضربت عقلي راجدي !!