عِشگ السادة

الحلقة السابعة عَشـر

بارت يديد 😁♥️

اللهُم صلي على مُحمد والِ بيتِ مُحمد 💙

تصويتكم للبارت + متابعه للحساب وتعليقاتكم الحلوة بين الفقرات
وَ قِراءة مُمتعة ...

ثُمَّ يهب الله لك قمراً مُضيئاً يُعادل
جميع النجوم التي انطفأ نورها
وسقطت من سمائك •

___________

- گاعده بيستان چبير كُلش وبي خضار وَ ورد يجنن وعطره ياخُذ الروح وبصفي گاعدين اهلي أُمي ابويه واخواتي ويضحكون بيناتهم

اباوعلهم مبتسمة حسيت عَلىٰ إيد صارت عَلىٰ چتفي
التفتت اشوف منو

شفت رجال وجها كُلش بي طمأنينه فضيعة
دنگ عليه وهمس بأذني

:- اجاج العوض مِـن رب العالمين ..

بسرعة التفتت عليه ابتسملي وگام
راح يمشي ..
گمت اني ورا اصيح عليه اريد يسمعني يجاوبني يا عوض شنو يقصد مــآ سمعني وكمل طريقة ..

فتحت عيوني مصدومة مِـن الحلم وما مستوعبه منه شي ..

ضليت اتگلب بفراشي وفكرة توديني وفكرة تجيبني
گلت باچر لازم اگول لأُمي وَ هيَ تفسره اليه

مِـن بعد صراع ويَ افكاري نمت ..

حسيت عَلىٰ صوت الديچ يصيح فتحت تك عين وباوعت عالساعة
بالـ 7 الصبح
مطيت جسمي براحة وگمت طلعت هدومي و دخلت اسبح

سبحت وكملت وتعطرت ومشطت شعري وظفرته
وفرشت سجادتي وصليت الصبح

كملت ونزلت جوه اسويلهم ريوگ لگيت ماما بالمطبخ دتسوي بيض وما منتبه لليمها ، رحت اتمشى عَلىٰ كيفي وحضنتها مِـن بطنها

- ام مَيسم ،، اههىىىئ اسم الله منو هاااي

بستها بخدها وگلت
- مَيسم ،، اني يحلو هههه صباح الخير

- تدرين اجيت ارگعج بالطاوة عَلىٰ هالخرعة هـــاٌي ؟

- اي وعلي لو راگعتني عاد بلكت اموت

- انجبي شهالحجي هاذه مِـن صباحيات الله ، وصباح النور عيني آنسه روحي طلعي الجبن والزيتون وحطيهن بمواعين يلا وحضري ستكاين الچاي وياج