عِشگ السادة

الحلقة الثاني عَشـر

يمه هلااا بشموعي 🥹♥️♥️♥️
شلونكم عيوناتي شخباركم طننننن اشتياق بودي احضنكم وحدة 🫂
كُلش هواي مشتاقه الكم وَ للواتباد وَ الروايات والكِتابه وللابطال والسرد وَ كُلـشي حرفياااً الكم وحشة كُلش چبيرة .

الحمدُلله خلصنا امتحانات عَلىٰ خير
الف مبروك للناجحين مُقدماً وحظ اوفر للي راح يعيدون السنه المفروض هسه انتو هواي تعلمتو مِـن هـــاٌي السنه وصارت درس مُهم بحياتكم السنه الجايه اريدكم اقوىٰ واقوىٰ وتقرون وتجتهدون وترفعون راسكم وانتو ناجحين وبتفوق همين 🤍"

مِـن بعد انقطاع كُلش طويل نرجع ونگول
تصويتاتكم للبارت الي انشره وتفاعلو بالتعليقات علمود تصعد القصة وتابعوني همين علمود أي شي انشره يوصل الكم بلا مــآ تدورون

قِراءة مُمتِعة ♥️🕯

احچيلك ..
وَ بالك شارد
وماگدر أزعل وَ إنتَ
بَـس هالواحد
ضل هيج عايش بيه
وما الك رداد
هيَ المعزة تريد واحد بارد .

________________

- ام مَيسم ،، ان شالله يروحــي
امشي انزل ويانه يوم امشي تعشى وبات وباچر عود روح الله كريم

- لا والله مــآ اگدر تعذريني اريدن ارجع و وراي طريق وباچر عندي شغل هواي حيل هواي وما اگدر اعوفنه بعد

- هاهيه أُمي براحتك مــآ اگدر اعطلك عن شغلك
يلا ننزل احنى مَيسم حَبـيـبتي نزلي الجنطة مال ملابسنه وياج

- مَيسم ،، صار يوم
نزلت ماما واخواتي بقيت اني بالاخير دا انزل الجنطة مال ملابس وياي وادخُل جوه نزلت وسديت باب السيارة ستوني دا اريد اصعد عَلىٰ رصيف بيتنه استوقفني صوت خزعل