عِشگ السادة

الحلقة الثامِنة والعشــرون

صلو عَلىٰ مُحمد 💙

لا تنسون التصويت للبارت شمعات وَ تعليقاتكم وتفاعلكم ويَ كلام الابطال ومتابعة الحساب واحبكم كُلش كُلش هواي 💋

واتمنالكُم قِراءة مُمتعة ..

_________

موافقه عليه وببالج هالسالفه لو لاله مــآ تريدينه
القرار بيدج ..

كُلها ضلت تباوع عَلىٰ زهرة الخانسة ومنزله راسها
منظرين تنطقلها كلمة

دقايق وگالت
- زهرة ،، مـ مادري يابه

- خزعل،، شنهو الي مــآ تدرين بعد ابوج !

- زهرة ،، شلت راسي وَ باوعت عليه
- عادي تخليني چم يوم افكر ؟

- خزعل ،، اخذي راحتج بويه فكري عَلىٰ راحتج القرار راجعلج انه بالي تگولي وياج

- زهرة ،، مــآ تحملت ونزلت وحضنته بكل قوتي

- خزعل ،، شبيـچ يبعد ابوج شمالج احجي
مــآ تريدينه يطبه طوب هاهيه باچر ارجعله خبر واگله مــآ عدنه بنوات للزواج بَـس لا تنزلين الولو هاذ مِـن عيونج الحليوة

اجت خاله مَيسم والي اعتبرها مثل امي وما تقبل اصيحنلها خاله كله يمه اگولن الها
حضنتني وگالت بنبرة صوتها الحنينة ..
- مَيسم ،، شبيـچ أُمي لا تبچين خلاص اعتبري الموضوع مــآ انفتح اصلاً اسُكتي اروحلج فدوة كافي لا تبچين

- تَراسـيـل ،،
مِـن شفناها تبچي هيج وتتاشغ رحنا كُلنـا حضناها
وضلينا نسكت بيها ماكو غطب بنصنه
مِـن جهة ابويه وَ مِـن جهة أُمي واحنى البنات واخوتي الولد كُلنـا داير مدايرها
وَ هيَ كُل مــآ نحجي وياها كلمة تزيد بالبچي
لحد مــآ گالت ..

- زهرة ،، احبكم والله العظيم حيل احبكم
ماصار هوايه مِـن عشت يمكم بَـس عيشتوني عيشه مــآ چنت بيوم متخيله راح اعيشها
احتويتوني احتواء چنت كل ؏ُــمري اتمنى واحلم بي
انتو خليتوني اعيشه بالحقيقه وحسستوني بي بالواقع

حتى إنتَ يابه اني مسامحتك عَلىٰ كلشي كلشي
واني اسفه لان بسببي حالتك الصحية مو زينه وگاعده تدهور مــآ تتخيل شگد گاعده الوم بنفسي عَلىٰ الگاعد يصير بيك