عِشگ السادة

الحلقة الثَالثة والثلاثُــون

اهلاً بيكم ببارت جديد

قبل لا نبدي قِراءة صلو ؏ـلىٰ مُحمد والِ مُحمد 💙

لتنسون تصويت البارت وتعليقاتكم وتفاعلكم ويَ الاحداث وحورارات الابطال ومتابعة الحساب
واحبكُم حيل ...

إستمتعوا باحداث البارت 🤍 ..

- تَراسـيـل و هيَ توصف حُبها وانتظارها لـ غريب //
هم يجي يوم وانام بسِدك
وَ اكُلك شگد احبك واني العب بشَعرك
واتنفس واخُذ هَواي مِـن عطرك
وتِرد رُوحي بشمة رگبتك
هم يجي هاليوم !..

__________

- أزهـار ،،،

فتحت خط وحجيت
- الو ها حَبـيـبي شلونـك بشر وين وصلت ؟

:- الو خيتي هاذه تلفون زوجج انتِ زوجته مو صح !!

- اي اخويه اني زوجته خير تفضل ، خو مــآ صاير شي

:- والله مااعرف شنو اكلج يا خويه
رجلج لگينا جدام جامع متروك سابح بدمه ومكتول
دورنه ؏ـلىٰ مستمسكات أي شي يخصه مــآ لگينه غير هالتلفون الي بجيبه ودگينا ؏ـلىٰ اخر رقم چان متصل بي الي هوَ رقمج

- هههههههه خويه شنو هالخرط والفلم الي گاعد تگوله شو انطيني رحيم شو خلي احجي ويا انطينا اكيد انتَ دتشاقه

- الله يصبركم خويه الله يصبركم

- شنوووووو الله يصبرررررنااااا دا اكُلككككك انطيني رحيممممم مدتفهممممم ااااااانتَ انطينااااااااااا

ضليت احجي وارجف
إذني مدتستقبل الي دا تسمعه
وَ عقلي رافض يستوعب وَ گَلبـي انعصر وصار يوجعني ويخفق بنبضاته

اجت مُشتكاة بسرعة واخذت التلفون مِـن ايدي وصارت تحجي ويا و تَراسـيـل اجت ولزمتني وتهدي بيه مِـن الرجفه الي صارتلي

اسمعها تحجي ويا وتگول وتاخذ العنوان مِـن عنده ..
ضليت صافنه بالفراغ لحد مــآ
عقلي بدة يستوعب الي صار والي سمعته مِـن الرجال