عِشگ السادة

الحلقة الثالثـة

اللهم صلي على محمد والِ محمد

#عِشگ_السادة

صوتو للقصة حبايـبـين وتابعو حسابي عالواتباد وشوفوني تعليقاتكم الحلوة

قراءة مُمتعة ♥️

أخذني وياك من عندي ، أخذني لأي حلم 
أرتاح ، مو شرط بحلم وردي

____________

-يصير اشمن ركبتج

-وردة ،،احس روحي ماعت انخرطت استغربت شيسوي برگبتي
هااه سيد

-ركبتچ ركبتچ اشمنها

-ضليت انه صافنه عليه ومفهية ما اعارف شگاعد يحچي لحد ما تقرب عَليّ ودفن راسه من يم إذني ويشم بخمججج

وانه معت ويه شمته هاي ضل يتقرب اكثر لحد ما حاوط خصري بثنين اديه وانه منسجمه ويا ما اعارف شگاعد يصير بس روحي ساحت

لحد ما دفعني من ايدة حيل و وگعت بالگااع...

ضل يعاينلي وفاتح عويناته ويلهث و وجهة يصب عرگ وعروگة ناطة خفت من حالته هاي اول نوبة اشوفنه هيچ ضلينه نتبادل النظرات هوه يعاين علية بغضب وانه اعاين علية بخوف

تالي عافني وطلع وانه جسمي يختض وخايفة وما فاهمة شگاعد يصير ويانه گمت عدلت ثوبي و رحت انسدحت على القريولة واباوع على السگف

-خزعل،، عفتها وطلعت من الگبة وانه اعصاب و روحي نافرة من روحي ما اعارف شريد اختنگت متت من جهة احتاجها احتياج رجال لمرتة ومن جهة گلبي الاغم ما يتقبلها يريدنها

اخذ فجة ومندر وفانوس وصعدت على السطح فرشت الفجة وحطيت المندر ورة ظهري و ارتچيت على التيغة
وگمت اطلع تتن و ورق والف بيهن وادخن

وصافن على السمة  گمت اتذكرها اتذكر ضحكتها مشيتها طولها الي يعت گلبي عت نظراتها الي گلبي يحير شلون ينبض الها

-ههه اخخخ يگمرة السيد اخخخ شسويتي بية وبحالي

نمت بالسطح وما حسيت اله على وذان الفجر فزيت شفت روحي مااگدر اصلي نزلت جوة وطلعت هديماتي وسبحت وطلعت طبيت للگبة وعاينت على وردة نايمة

وردة طفلة جاهل كل عمرها 14 سنة وهيه ناعمة موش خشنة عكس نسوان اخوتي ضخام وجثيثات وهاي ناعمة وبيضة وعيونها زرگ وشعرها شطولة يعني البنية ما گاصرها شي

بس عيبها مخربطة كلشش مادير بال لشي و مشلوشة گاعد احاول اعلمنها بس ما اعارف ابدي منين

گطعت صفتني عليها واخذت المشط ومشطت شعري وشواربي وحطيت من المسچ مالتي و رحت اگعدنها تصلي