عِشگ السادة

الحلقة السابِعة والعشــرون

صلو عَلىٰ مُحمد 💙.

التصويت للبارت ومتابعة الحساب وتعليقاتكم على كلام الابطال احبكُممم 🫶🏻🫶🏻🫶🏻

قِراءة مُمتعـة بعد روحي ♥️..

عِشگ السادة
بقلم :- طيبة خـآتون

مُلاحظة :- اكو تغييرات حتصير بالرواية
حينزل الها بارت مُخصص ترقبوا 🔥♥️

_______

للعصر چنت ستوني سابحة اريد اروح لزهرة تسويلي ظفيرة هندية وَ چان تندگ الباب

خليت شال عَلىٰ راسي وَ رحت فتحتها
وتفاجئت بآخر شخص اتوقعته يجينه مِـن فترة كُلش طويلة ...

فتحت الباب وصرنه وجه بوجه
- خضر ،، السلام عليكم خيتي

- تَراسـيـل ،، وَ عليكُم السلام اهلاً اخويه

- السيد موجود بلا زحمه

ستوني ردت اجاوبه وقاطعني صوت أُمي تصيح مِـن شباج المطبخ ..
- مَيسم ،، منوووو بالبااااب تراسيلللل

صحت بصوت شويه عالي
- هااذه خُضر يوووم
التفتت عليه اجاوب سؤاله اباوعله مبتسم كملت كلامي .. لا والله مــآ موجود

- زين مــآ تعرفين وينه وين راح ؟؟

- اعتقد راح ويَ عمي الچبير عدهم گعدة مااعرف شنو بَـس المهم رايحين يحلون مشكلة وداخلين طبابه خير

- اهاا خوش ، يلا اروح انه و مِـن يجي بلغي ..
لو لا تبلغينه انه باچر نفس هيج وكت امرلكم بَـس انطي خبر علمود مــآ يطلع خوش بويه !

- حاضر سيدي .. تأمر بشي ثاني ؟

- هههه لا سلامتج بَـس وصلي سلامي للوالدة .. يلا اترخص انه مع السلامة

- مرخوص ، الله وياك
راح ركب سيارته شخط بانزين وگبب الشارع ترابه وطلع گبل حسيته ضاج مِـن كُتله ابويه ماهوَ بَـس ضل يبتسم ويجامل يحاول يخفي غضبه .. هوَ هاذه هم حطي شكو واحد غضبان يطلع بوجهي هسه ياريت اعرف اتعامل وياهم اشو اني رب الفهاوة بهيج سوالف بَـس أُمي مرات تصيحلي ملتحة كُلـشي تعرفين بَـس اني مــآ اشوف نفسي هيج

دخلت جوه للمطبخ وذبيت حجابي
أُمي جانت گاعده دتسوي بالكليچة وَ زهرة وَ أزهـار يساعدنها ..
- مَيسم ،، هاذه خُضر جاي ؟؟