عِشگ السادة

الحلقة التاسِعة والعشــرون

هلاوو مِـن بعد غياب 😁🤍

بارت جديد صلو عَلىٰ مُحمد ..

تصويت للبارت ومتابعة الحساب حبايب
وتعليقاتكم عَلىٰ كُل فقرة ، احبنكم 🙈💕💕💕

#عِشگ_السادة
بقلم الكاتبة:- طيبة خـآتون.

قِراءة مُمتعة ..

بلسان خُـضر ..
عويناتها يَدوخن چنهن شِعر بغدادي قديم .

____________

- تَراسـيـل ،، كملت الحلفة وَ رحنا بدلنا علمود نساعد أُمي نسويلهم عشى

بدلنا وكملنا وطلعنا نساعدهم حطينه السفرة وصبينا
وگعدنه ناكُل

شويه واندگت الباب بخبال ..
راح محمـد يفتحها
طب علينه عبدالله ابن عمي يركض وگال ..

- عبدالله ،، الحگو غر .. غريب

عمي جابر بصياح
- جابر ،، شبيييي ابنييييي

- عبدالله ،، غريب مطلوب لدولة وصدام گاعد يدور عليه ..

- تَراسـيـل ،،
احنى سمعنه هيج گال وكُلها ذبت خواشيگها وگامت
واني احس رجليه بادن وحيلي راح
مــآبيه اوگف عَلىٰ رجليه اريد اگوم مااگدر

- مجبل ،، چااااا هوَ غيررررر يشتغللل بالدولة شلووون مطلوب ويدورون اعليه

- عبدالله ،، مــآ اعارف بوية بَـس واحد مِـن جماعتي ويا واجه گلي

اباوع عمتي حصه گامت تدگ عَلىٰ صدرها وتزلغ بخدودها
- حصه ،، ولجججج يمههههه وليديييي راح مِـن ايدي ولجج يمهههههه صار بحلگ صدام وَ ربعه اوففف گَلبـااااااي

- جابر ،، سكتيييي يا مرة خنفتم شصاااير ويَ الوليدد شهنو السامعه ابن عمه

- خزعل ،، احچيلنه بويه عبدالله شنهو السامعه شگايلنلك خنفتهم

راح عبدالله گعد عالتخم
- عبدالله ،، گلاص ماي عمي

- خزعل ،، صبوله گلاص ماي يمعودين

اخذ الگلاص شرب شويه وبدة يحچي..
- عبدالله ،، اسمعو بوية
غريب تعارفونه انتم جندي بالجيش ويموت ؏ـلىٰ شغلة ودوامة بَـس هناك ويا الضباط الي اكبر منه صارت مشاكل وخلافات وكالوله وهددو لو يبطل لو يلبسونه تهمة ويوگعونه بحلگ صدام وَ ربعه
ف غريب معاند وياهم ومتكاونين ومتضاربين بينهم
و ذولاك نغ** رايحين صالخي بتهمة وَ هوَ داري بسوايتهم ومناك مدري شلون شارد وهسه هوَ مطلوب لدولة وصدام شخصياً طالبه بالاسم