عِشگ السادة

الحلقة الرابِعـة والعِشــرون

اللُهم صلي عَلىٰ مُحمد والِ بيت مُحمد 🤍

لاتنسون التصويت للبارت ومتابعة الحساب
وتعليقاتكم عَلىٰ كلام الابطال احبكُمممممم 🥹🥹
قِراءة مُمتعة ♥️..

عَن لسان حال غريب ..
- يطشرني التَعب وَ عيونج تلمني

_________

وصلنه لبيتهم طبگنه السيارة وَ رحنا نتمشىالهم مِـن بين البساتين

تلگونه يرحبون ويهلون بينه الى أن وگعت عينهم عَلىٰ زهرة تفرمتت الملامح والاستغراب واضح عليهم

- مجبل ،، شني ابو محمـد منهو هاذي ؟؟؟

خله ايده عَلىٰ جتفها وحضنها ناحيه صدرة وگال بكُل شموخ
- خزعل ،، بنيتي زهرة ..

الكُل يباوع ومصدوم ومستغرب بنته شنو ! شديحجي هاذه !
وجهوهم واضح عليها هالاسئله
كسر حاجز الصمت والاستغراب
مِـن گال عمي ..

- مجبل ،، زهرة ؟؟ منهي هاذي وَ بنتك شنهو ؟ وَ وين جانت ؟

- خزعل ،، هاذي زهرة رُوحي وَ حياتي
زهرتي الچنت ساهي عنها
زهرتي الي انه بإيدي ذبلتها ، زهرة بنت الفصلية وَردة .. الدبستوني بزواجاها والي لو مــآ انتو
چا مــآ صار الي صار بهالبت وبأميمتها الي محد داري بيها هيَ بيا گاع وشلون عايشه مِـن وره اخوها الساقط

اسمعووو كلكممم
هـــاٌي بنتي بنت السيد خزعل ..
اكبر بنواتي وحسبتها ومعزتها وياهم مــآ تختلف عنهم بهالطول ..
الي يجيب طاريها وطاري امها بكلمة وحيدة
لو اسمع ينگال الها " بت الفصلية "
لحد يلومني عَلىٰ الي راح اسوي بي والي راح تشوفونه مني
خوشش هالحچي ؟؟؟؟؟ سمعتووو لو اعيدنن ؟؟

- مجبل ،، هاهيه بويه هاهيه ، سمعو حچايتكم والي تريده يجرالك وانه وياك بكلشي تگوله وتسوي
عسى ولعل نعوض الراح والي سوينا بيك وبحالك

- خزعل ،، الحمدلله والشكر عَلىٰ كل حال
يلا بويه زهورتي روحي سلمي عَلىٰ عمج الچبير سيد مجبل

- زهرة ،، شـ شلونك عمي

- مجبل ،، بعد عمج الحمدلله زوين كل الهلا بيج بعد بيتي عين غطى وعين فراش احنى هَلج وَ انتِ منه وبينه الي يمسج يمسنا وأي شي تحتاجينه احنى برسم الخدمة ..

ضلت تصفن مــآ تعرف تجاوبه
اجه ابويه وخلاها تسلم عَلىٰ عمامي الباقين
وَ زوجاتهم
اباوع عمتي فطيمة عيونها مدمعه ومهضومة حيييل مِـن شافتها
عكس عمتي وصايف وحصة
الي چان الحقد كُلش واضح بعيونهن مهما حاولن
يخفنه يـبـين عليهن