عِشگ السادة

الحلقة الثلاثُــون

بارت يدييد ❤️‍🔥

قبل لا تقرون صلو ؏ـلىٰ مُحمد 💙

ولتنسون التصويت للبارت وتعليقاتكم ؏ـلىٰ حوار الابطال
ومُــتابعة للحساب ،
وَ قِـراءة مُمتعة عيوني انتو ..

تايهين
لو تفارگنا يكتلنا الحَنين
ولو رجعنا مــآ رجعنا الأوليين

____________

- تَراسـيـل ،،
مــآ چنت اعرف هـــاٌي اخر مرة راح اشوفه بيها ..

- زهرة ،، شبي الحلو ضايج

باوعت عليها وضليت اكُل بروحي احچيلها لو لا
بَـس كلام غريب رن بإذني
" لا تحچين لجنس مخلوق انج شفتيني "
.. لا مــآ احجيلها احسن شي خلي السالفه تاكُل بيه ولا تنعرف

ابتسمت بوجها
- تَراسـيـل ،، مــآ بيه شي حَبـيـبتي

- زهرة ،، اممم علينه ولج تعلميني بيج ،
احجيلي خو مــآ احد مضوجج والله اصيحلهن گليندايزر اخلي يمرعدهن تمرعد

- لا يمعودة عوفي هـــاٌي الخبلة كُلـشي ولا هيَ

- هههههه طاحضج مو اختج هـــاٌي

- ؏ـلىٰ روحها
ضلينه گاعدات شويه نسولف واجتنه زهرة تركض

- أزهـار ،، شعدچن گاعدات وحدجن تعالن يمنه بغرفة رازقيه دنسولف

- زهرة ،، ومنو هناك گاعد؟

- أزهـار ،، كُلنـا البنات هناك گاعدات
يلا هسه تگومن لو اسحلچن

- تَراسـيـل ،، گايميين وَ وجعه

- أزهـار ،، شبيـچ ام طنگورة شگلنالج

- زهرة ،، عضيتلها شفتي يعني اسكتي لا تضلين تلاسنيها سودة عليه شحالها صايره جوه عيونها سواد واضح وَ وزنها شويه نازل

وبس تتصفن حتى مِـن رحنى گعدنه يم البنات هيَ صفنه تجيبها وصفنه توديها .. ساعة تسرح وتبتسم وراها بشويه تجمد ملامح وجها والقلق يبين عليها .

- حوراء ،، اكلج رازقيه

- رازقيه ،، كولي خية

- حوراء ،، ماكو خبر منا منا ؏ـلىٰ غريب اخوج يعني مــآ عرفتو عنه شي

- رازقيه ،، لا والله كلشي مــآ نعارف عنه خطيه ابويه حَار المن سئل وَ حجه وگال وماكو أي شي عنه

- تَراسـيـل ،، اكُلج حوراء

- حوراء ،، خيرر كولي !

- تَراسـيـل ،، انتِ مو چنتي گاعده يم خالتج حصة هيج مــآ سئلتيها ؏ـلىٰ غريب يعني ! وجايه تسئلين برازقيه