عِشگ السادة

الحلقة السادِسة والعشـرون

صلو عَلىٰ مُحمد 💙.

التصويت للبارت ومتابعة الحساب وتعليقاتكم على كلام الابطال احبكُممم 🫶🏻🫶🏻🫶🏻

قِراءة مُمتعـة بعد روحي ♥️..

عِشگ السادة
بقلم :- طيبة خـآتون

غريب يگول ..
حِزن متلتل بروحي
مثل نفاضة جگاير .. وتعَودَن ..
جمرة تطفي وَ جمرة تضوي ..
مِـن اشتاگلك واضل حاير بشوگي

_____________

شويه واجانه خضر يلهث ..
- خضر ،، حجـ .. حجيه ابوكم طايح

- تَراسـيـل ،،
اول مــآ سمعنا حچه هيج وگعت أُمي مِـن طولها
واني حسيت گَلبـي شويه ويوگف كُل الي اجه ببالي اخذو ابويه مِـن عدنا وَ راح يصير بي نفس مــآ صار بجدو ابو أُمي وشلون بيبي مِـن سمعت الصار بي مــآ تحملت الصدمة وتوفت ورا

تخيليت حيصير بينا هيج ..
ضليت حايره يا هَم اشيل وَ ويامن اضل
أُمي راسها بحضني ودموعي تنزل عَلىٰ وجها وخضر گبالي واگف

شلت راسي اباوع عليه وگال ..
- خضر ،، راح اصيح للدكتور يجي ينقل امج بالسدية الجنت بيها ونصيح وحدة مِـن السسترات تجي يم اختج وامج وَ انتِ تعاي وياي نروح لابوج

حچيت واني منهارة ودموعي تتسابق عَلىٰ خدي
- تَراسـيـل ،، وَ أُميييييي خُضرررر و أُمييييي شبيها شو مــآ تكعُددد
!!!!

تقرب باتجاهي واردف بنبرة مطمئنة بَـس الخوف چان واضح بيها
- خضر ،، لا تخافين خويه مابيـ.. مــآ بيها شي ان شاء الله گولي يا الله بَـس تلگيها مــآ تحملت الخير وانصدمت وصار عدها اغماء نص ساعة ساعة وتصحه لا تخافين

يلا انه رايح اصيح الدكتور ..

- تَراسـيـل ،، راح وعافني بضيمي وحسرتي
جبال مِـن الهم عَلىٰ صدري ويني وَ وين هالمصايب اني تلاااثه برگبتي أُمي وَ ابويه وَ اُختي

اول مرة انحط بهالموقف ويصير وياي هيج
حسيت باحساس الضعف وعدم السيطرة
محد چان يمي بَـس اني تمنيت وحدة مِـن خواتي اخواني
احتاجيت غريب يمي حيل احتاجيته ..