عِشگ السادة

الحلقة التاسعة عَشـر

اللهُم صَلي عَلىٰ مُحمد والِ بيت مُحمد 💙

اسفه عَلىٰ التأخير شموعي بَـس شغفي معدوم بالكتابة ..

قِراءة مُمتعة ♥️..

________

گعدت الصبح عَلىٰ
صوت انفاس بإذني ويهمس بكلمات روحي تنوخذ مِـن يلفضها

- اگعدي يرويحتي
بَـس اذا بعدج مــآ شابعه نوم لا تگعدين ضلي نايمه
انه عادي عندي مــآ دام
ريحتج موجودة وَ وجهج الحلو هاذ موجود
يسلني عَلىٰ مــآ تگعدين

فتحت تك عين وگلت
- مَيسم ،، گاعده ترا

- هلا بهالصباح الي يرد الروح
يمكن هاذ احلى شي مِـن اگعد الصبح اشوفنه

- كافي خزعل والله دا استحي

- احلى مِـن يستحي يكرم طار علي

- ليش تگول يكرم طار شنو إنتَ نگس ؟

صفن عليه شويه وَ رجع گال
- مَيسم انتِ ثوله يعني صدگ لو تستثولين ؟

- عَلىٰ كيفك دادة هسه اني شگلت

- لا تگولين احسن

- گمت مِـن يمه مطنگرة لفلت نفسي وضليت واگفه بنص الغرفة

- شبيـچ متنحة

- شلون اروح للحمام !!!

- شنو تأجرين تكسي روحي مشي

- لا صدُگ خزعل شلون اروح فشله نسوان اخوتك واخوتك هسه كُلهم بره

- اخوتي مــآ همه يطلعون مِـن غبشة الله لشغل
بَـس نسوانهم هنانه وعادي طلعي شني بايگين بوگه مريتي انتِ

- اي بَـس فشششلة

- تروحين لو تخليني اگوم اشيلج گدامهن واطببج للحمام واسبحج

- عزاا بعيني

- يكرم الله اسويها

- يمعوود اگعُد اني اروح
لبست دشداشه مِـن ملابسي الي جايبتهن وحطيت شال عَلىٰ راسي ولفيت ملابسي النظيفه بالخاولي وطلعت اتلفت
مــآ بقه دُعاء مــآ دعيته
علمود مــآ الگه احد
چانت الساعة بثمانيه تقريباً
فتت مِـن المطبخ والف الحمدُلله والشكُرر مــآ لگيت احد

عالسريع طبيت سبحت وَ رجعت اهرول للغرفة
والسيد راح سبح ورايه

واني عدلت الغرفة ولبست ثوب زيتوني مخصر مِـن فوگ لحد الخصر وكلوش مِـن جوه

وهمين سويت شعري ضفيرة وخليت حُمرة سحرية وَ وشويه كُحلة اني متعوده دائماً مِـن اسبح هيج اسوي
يعني مــآ چان ببالي لأن عروس اسوي هيج