جحيم وجدك بلاء

𝐏𝐀𝐑𝐓 4

تصرفاتها ...حركاتها لمميزين خلاوهم مصدومين ...ناضت سمية و هي راسمة ابتسامة كبيييرة على شفاهها ... ابتسامة طيبة و حنية و من عيونها غادي تحس كأنها شافت بنتها ماشي بنت لوسها .... غدير لي كانت كتسنا غا شي واحد يعطيها الضو الأخضر ...كيف شافتها وقفات حتا هي وقفات .... و بإبتسامة كيووت مرسومة على ثغرها ... قبل منهم كان وقف رجل لي كان جالس جنب سيد قاسم بالظبط على ليسار ديالو عيونو زرقاوية لي مخلات من عيون جوري حتا حاجة ...شبه كبير جمع ملامحو الحرشين مع ملامحها لكيوت لي متخللهم البروود و القسوة ...

سمية : [ و هي جاية جهة ديال جوري فاتحة أحضانها و بلاما تشاور و لا تستأدن من جوري ترمات فحضنها ]الله يا بنتي الله نورتيييي داركم هذااا نهااار كبييير بشوفتك ... الله الله يا ربي شحال تشبهي ليها تشبهي ليها الله يرحمها ...

كان حضن من نوع أخر ...حضن عامر حنان و عطف ...حياتها كلها مكان حنان فقاموسها ...تقدر تبان قاصحة و باردة و قاسية ... و لكن بالفعل كتصطنع البرود ... كانت كتصطنع تعامل مع لطيفة حتا ولفات ولفات تعيش و هي مباغاش دخل ناس لقلبها و لعقلها يقدر تكون أكثر انسانة عفوية و حنينة و كيوت و هادشي من مظهرها باين و لكن دائما مكتبين العكس ....كلشي تبدل فهاد العناق فهاد العناق كان دفئ من نوع أخر محساتش الا و هي حاطة ايدها ورا ظهر سمية قلبها بدقات متسارعة باغي يتجاوزها ... قاطع تفكيرها صوت أكثر شخص حفظاتو لحد الأن و كيف سماتو فعقلها "شهب"

باهر : [كيف العادة باغي يخلق جو من المرح ]باغي تورتيني حتا فالواليدة هانتي راه قلت ليك مسهلااش ابنت العم

تلاشات إيدها من على جسم سمية و رجعات بملامحها باردة رسمات ابتسامة طفيفة متعرفها شنو قاصدة بيها ...حققات فيها شوفة و هي كتحول تحلل و تناقش مع ذماغها هادي أم شهب يعني مرات عمها ... فين عنها واش عمها هو لي واقف ... رجعات شافت جهة ديالو هو لي ممحيدش عيونو عليها ... كولشي نتابه لنظراتها كولشي باغي يقولها هداك راه باك ...كولشي باغي يعطيها تفسير على شنو كتعيش دابا منين ايبداو ليها و منين ايشرحو ليها و شنو ايقولو ليها ...

مقدرش مقدرش يطول فيها شوفة ... اه صحيح انه "حاتم الروسو " و من لا يعرفه كلمة وحدة منو يطبق مرادو و شنو بغا و لكن فهاد اللحظة بالظبط مكانش باغي يكون هنا يطلب كون يكون ميت و ميكونش كيشوف فيها دابا ... طبعا مغاديش تقبلو قراها و قرا تصرفاتها ... ماشي من نوع لي اتسكت ليه ماشي من نوع لي غادي حتا تغوت و تقولو نتا و نتا و نتا ... حس براسو ضايع و باغي يهرب و فضل بالفعل يهرب ...قرب منها و كولشي تما متبعو كيتسناوه شنو ايدير... قاسم لي فهم طينة جوري رغم ذلك قسوة ديالو فهاد المواقف هي لي كتخدم لي هامو دابا حفيدتو جا الوقت باش تكون فهاد القلعة يعني اتكون فيها ... سيف لي جنب باهر ممسوقش ليهم غا كيشوف بل مستمتع بشخصية جوري لي حسها هي لي تصلاح ليهم فهاد القلعة ...