جحيم وجدك بلاء

𝐏𝐀𝐑𝐓 6

وقفات ناهية هاد الحوار ممخلياش ليهم فرصة فين يزيدو يدويو كيف وقفات غادية وقفات غدير و ريماس تابعينها من لور كأن رئيستهم قالت كلامها و هما معاها ... خلات جواد لي غير كيغوت و سمية لي معجبهاش لحال على القمعة لي دار ليها كيف ديما هذا هو راجلها تبدل عليها 360 درجة فسنوات الأخيرة ... اما الجد قاسم فكيفكر كيفاش هاد لبنت اتصنط لكلامو ... كيفاااش تطيع قوانينو و تحتارمهم ...

فضلات متطلعش من المصعد ... و توجهات خارجة من صالة الأكل باتجاه الدروج .. النهار لي داز عليها هنا ماساهلش ، راسها غادي يتقسم عليها من قوة التفكير فهاد الأحداث لي واقعين معاها دابا ، شي حوايج كاتحس بيهم هي كجوري بشخصيتها العنيدة و المتسلطة الطموحة لي باغا توصل كاتلقا وجودها هنا فمصلاحتها ... شي حوايج كاتحس بيهم كايخدشو غرورها .. مثلا علاش باها الحقيقي قال ليها جوج كلمات و مشا واش مابقاتش اتشوفو ! ... باغا تحس بالانتتماء و ماقدراش ... باغا تصدق كلامهم و ماتايقة فتا واحد فيهم و كاتقول أنهم مايستاهلوش ثقتها .. شوفتها لهاد لبلاصة شحال كبيرة و شحال فخمة كاتقول ياك هوما بهاد الأموال كاملين و هاد لكارد لي كاتشوف فيهم من زجاج ... و هاد الخادمات لي معمرين هاد القلعة علاش ما قادرينش يحميوها ! .. علاش بعدوها !؟ ...

قاطع تفكيرها خطوات ريماس لي جهداتهم هي و غدير باش يوصلوها .. حتا تقادو معاها فنفس الطريق .. غدير لي مذهولة من كمية الجرأة لي عند جوري ... كل مرة كتزيد تغرق فشخصيتها و تتمنى لو تاهي تكون فحالها ... باغا تعرف ردة فعل جوري منين تعرف كل قوانين القلعة و علاش بالظبط هي ماعاشتش هنا ...

اما ريماس لي كانت الفرحة غادي تخرج ليها من عيونها ... أخيرا تاهي أتعيش وسط عائلة كان هذا كلو هو تفكيرها وانها أخيرا لقات سند ... ياك هي ديما صديقة صدوقة لجوري ... رغم أن جوري من نوع لي ماكايبغيش الصداقات داكشي علاش ماعمرها عطاتها فرصة ... صحيح انه ماشي ماكتحملهاش ... ريماس شخص لي ديما تاتسول فجوري .. بنت يتيمة عفوية بلا قياس باغا كولشي يعاملها كيف كاتعاملو ...كيف شي حد لي كايكون عندو فراااغ كبير من جهة شي حاجة كايبغي يعمرو بحوايج خرا و بعض المرات كانختارو الشخص الخطأ لهاد اامهمة ! ... هاكداك ريماس من كثرة ما هي عاشت وحيدة كانت باغا تكون صداقات و باغا داك الدفئ و الحنان و العطف لي ما عاشتوش مع عائلتها تخلقو مع ناس خرين ...

ريماس [ بفرحة ] : نارييي انسكن معااااك ... وااش حنا ولينا صحابات ياك .. عارفاني ندير اي حاجة على قبلك ياك ! ...

غدير [ شدات من دراع ريماس لي عجباتها جاتها على لكانة ] : خاص جدي يقنع خويا ... كانقول يقدر جدي ميبغيش يخسر لجوري ... سيف خويا مايقول والو و حتا عمامي ايلا دوا جدي لا كلام فوق كلامو ... و لكن خويا الكبير تماااا فين كاين المشكل ...

ريماس [ زادت مخشية فيها طالعين فالدروج ] : علاه عندك جوج خوتك نتي ... ياك انا دابا صاحبتك واا زوجيني شي واحد ...