وقفاات من فوق الكرسي بحركة مفاجئة كاتحاول تستوعب هادشي لي واقع ليها و تدخلو لراسها .. خدمات عقلها ما أمكن و حاولات تحلل كل كلمة خرجها من فمو ... حاسة بارسها ما تقدرش تتحمل شي شي حاجة كتر من هادشي لي سمعات .. حسات براسها ضايعة فمتاهة كبيرة بوحدها ، حياتها كاملة عايشة فكذبة ..
جوري [ بإنفعال ] : واش داباا بغيتي تقولي بليي انا كنت عايشة فكذبة؟!! ... لطيفة ماشي مي؟؟ ... غسان ماشي خوياا ؟؟ .. الناس لي كنت نشاركهم دار وحدة مااشي عائلتيي !؟ .. حياااتي ترسم مصيررها على يدكم و كاتحركوني كيف بغيتو !؟ لحتوني تاشبعتو عاد فاش قالهاليكم راسك مرجعييني ؟؟
قاسم [ وقف و هو متكي على العكاز لي فيدو ، من كلامها القاصح عرفها ماشي ساهلة ] : ما لحناكش ! .. عائلة الروسو ماكتلوحش ولادها .. تااا حد فهاد لبلاصة لي كتشوفي ماعندو الحق يخالف قوانين محطوطين سنييين هادي ... لي مدازش من لي دزتي منو نتي داز من كفس ! ... حنا لي موقفين هاد العائلة و محافظين على كنيتنا ، سمعتنا و سمعة جدودناا .. جلسي إيلا بغيتي تعرفي كثر و إيلا كنتي باغا تبقاي هاكا ... [ أشار ليها للباب ] الباب قدامك .. كيف دخلتي منو رجعي خرجي .. ولكن ما تنسايش واحد الحاجة و دخليها لراسك لخاطرك حسن مايجي لي يدخلها ليك بزز ! من اليوم بلاصتك هنا و هنا اتبقاي ! حدا عائلتك الروسو ..
رجعات جلسات كاتحاول ما أمكن تهدن راسها .. باغيا تفهم كتر وتشبع فضولها ، تسكت الاسئلة لي كاينهشو فعقلها .. باغا تزيد تسولو على مصيرها هنا ! ..
جوري : لي نفهم من كلامك انا النسب ديالي الروسو ، و بلي انا كنتمي لعائلتكم .. [ ابتسمات باستهزاء على راسها فين كانت و فين ولات ] أنا عائلتي من المافيا ! سمحليا و لكن بالصح هادشي جاني فحال شي مسلسل تركي ، ولا بحال شي حلمة دمور العصر ! ... مخطوفة بين ناس غرااب و عائلتي ماشي عائلتي ... و الطامة الكبرى انا عائلتي من المافيا و لي باين ليا هادي ماشي المافيا دالدرب ! ...
قاسم [ فاهمها بلي ماشي ساهل انها تتقبل و لكن طريقة هضرتها استافزاتو خصوصا انه يقدر يجلسها بزز منها و لكن ما بغاش ] : هادي حقيقتك ، و هادي هي حياتنا .. مغاديش نقدر نعاود لييك بزاااف .. حيت عائلتنا ماشي جات و ولات هاكا ، ماشي بالساهل ... أجيال و أجيال ساهمو فهادشي ... و جدك قاسم واحد منهم ... عارف ماشي ساهل عليك تتقبلي كلامي ...و لكن لي عارف أنك مع الوقت أتتأقلمي و غادي تولفي ...
جوري [ بابتسامة جانبية ] : كولشي عندك ساهل اسي قاسم .. و لا نبدا نعيط ليك جدي يالاه نتأقلم ياااك ... [ سكتات لدقايق و منين شافتو جمع حجبانو مخنزر دوات ] شنو خاصني ندير باش نبعد منكم و نرجع لحياتي !
قاسم [ عرفها مغاديش تفهم بالهداوة و رفع نبرة صوتو و هو بنفس الملامح العصبية ] : ما عندك حياة ونتي بعيدة علينا ! غادي تكون عندك حياة الى و نتي تحت حمايتي و جنب عائلتك !
VOUS LISEZ
جحيم وجدك بلاء
Action•••••••《 Exclusively 》•••••• #قصة_العيد 💕 بأنامل✍️ : إيمانويلا & نهيلة النوري ( دودو & نونا ) .. ♡ جــحــيــم وجـــدك بــلاء ♡ .. ~~ 𝐑𝐎𝐔𝐒𝐒𝐎𝐔 𝐅𝐀𝐌𝐈𝐋𝐘 ~~ صدق من قال : " حين نعشق لا...
