جوري [ تجاهلات هضرتو و شافت فالسرباي لي جا عندهم ] : جيب لينا جوج دليبلاطو دالفطور !
السرباي : عادي ولا دالريجيم ؟
إياد : عادي ! و جيب واحد القهوة كحلة تكون قاصحة بلا سكر .. [ شاف فيها ] تشربي ؟
جوري : اه .. جيب جوج !
مشا السرباي يوجد ليهم الطلبية مخليهم كايشوفو فبعضياتهم و هدوء غريب كتاسح المكان .. كل مرة إياد يشوف فيها و يبلل شفايفو كأنو باغي ينطق بشي حاجة و متردد .. و جوري كانت ملاحظة هادشي على داكشي دوات ..
جوري [ بهدوء ] : غير نطق و خرجها ا إياد راك غاتطرطق !
إياد [ بهدوء على غير عادتو ] : سولتي على كولشي فالقصر و نبشتي عليهم الا شخص واحد !
جوري [ يالاه كانت غاتهضر قاطعها قدوم السرباي حاط ليهم الفطور ، شربات شوية من قهوتها و نطقات مجاوبة على هضرتو ] : شكون هاد الشخص !
إياد [ تاهوا رتاشف شوية من قهوتو و نطق بهدوء ] : الواليدة ! عمرك نطقتي سميتها على فمك و لا سولتي عليها رغم انه عمتي سمية ديما كاتذكرها قدامك !
جوري [ بنفس هدوءو ] : عارفاها ميتة علاش غانسول عليها ؟
إياد [ ضحك بسخرية ] : تعرفي متلا سبب موتها ؟ تعرفيها كيف عاشت و شكون هي و منين جات !
جوري : ماكانسولش على بنادم تخلى عليا ا إياد ..
إياد : شكون قال ليك أنها تخلات عليك و لا عليا ؟!
جوري : كون كانت بغاتني كون دارت المستحيل باش نبقا حداها و ما يلوحونيش للطيفة تدير فيا ما بغات !!
إياد [ بهدوء ] : كانت مجبرة و ما عندها تا حل !!
جوري : ياك نتا كبر مني و نتا لي ختاروك للما.فيا ! علااش ختاروووني تاناا ؟؟
إياد : حيت انا ما كنتش اجوري ! كنت مخ..طوف ..
جوري [ قطبات حجبانها بعدم فهم ] : كيفاش ؟؟ كيفاش كنتي مخطووف ؟! كتاب العائلة ما مذكورش فيه هادشي !!
إياد [ شرب من قهوتو و ضحك بسخرية ] : واش فنظرك عائلة الروسو غاترضا تكتب فكتاب تاريخها انو واحد منهم تخطف و تدارت بيهم ؟؟ غايتشوهو شوهة عالمية و يتشفا فيهم القريب و البعيد !
جوري [ دارت ليه بيديها ستنا ] : بشوية عليا أ إياد وحدة وحدة باش نستوعب .. عاود ليا كولشي من اللول و شرح ليا حيت هادشي ما فخبااريش !!
إياد [ كاياكل بحال ايلا ما خاصو تا خير ] : مهم البلان و ما فيه نهار تزاديت كانو غايعطيوني لشي عائلة تربيني و سيفطوني مع شي واحد من الكارد ماشي داني الواليد كيما داك نتي [ و ضحك بسخرية ] حقا ما حقا حيت كان مشغول ! داك الكارد صدق غير جاسوس سيفطوه شي اعداء ديال العائلة باش يخط..فني و داني ليهم .. مهم هوما عرفو انو الروسو غايجبدوهم من تحت الارض ناضو رماوني فالمكسيك و ما خلاونيش عندهم .. و بيني و بينك هادي كانت حركة ذكية منهم !
VOUS LISEZ
جحيم وجدك بلاء
Ação•••••••《 Exclusively 》•••••• #قصة_العيد 💕 بأنامل✍️ : إيمانويلا & نهيلة النوري ( دودو & نونا ) .. ♡ جــحــيــم وجـــدك بــلاء ♡ .. ~~ 𝐑𝐎𝐔𝐒𝐒𝐎𝐔 𝐅𝐀𝐌𝐈𝐋𝐘 ~~ صدق من قال : " حين نعشق لا...