ماعجبهاش كلامو بالمرة ، ماكانتش مهتمة تمشي للخدمة كثر ما كانت مهتمة تمشي معاه ... ياك هو قال ليها انا ديما معاك .. ياك هو لي قال ليها منخليكش ا غدير .. هو هذا لي جرحها و مشا بلاما يضور وجهو ، كلام بسيط منو خلا قلبها مكسور ... تجمعو الدموع فعيونها و ديريكت قصدات الجناح فين كاينة ريماس ... ماكاين علامن تشكي و لا من تعاود من غير ريماس لي كانت متأكدة منها غادي تسمع ليها و تواسيها ...
دقات فالباب من بعد استأذنت دخولها ...لقات ريماس على سريرها كاتقلب فواحد المجلة ... عايشة دور أنها ولات وحدة من عائلة الروسو ... ريماس لي كيف شافتها و شافت ملامح وجها لي باينة حزينة ...
ريماس [ حطات المجلة من يديها و تقابلات مع غدير ] : حبيي جيتي عندي .. قلتي ليا اتمشي للخدمة مامشيتيش !؟...
غدير [ بصوت مغنغن ] : مامشيتش ...مابقيتش غادا ..
ريماس [ كاتشوف فيها بشك ] : اش قلقك ا غدير مالكي ...
غدير [ زادت مقربة منها عنقاتها مزيرة عليها ] : حتا واحد مامهتم لأمري ا ريماس ... عائلتي حدايا و حاسة بيهم باغيين غير يتهناو مني ... قاليا غادي يكون جنبي هو راه قاليا واخا يمشي كولشي انا معاك ...
ريماس[ حسات بدموعها على كتفها زادت قربات منها حاضناها ] : شششش حبيبة كولشي معاك و جوري حتا هي معانا و سيف معاك و عندك خوك هو الدون كيخاف منو كولشي تانا كنخاف منو ...علاش كاتبكي دابا ..
غدير [ زادت فوثيرة بكاها ] : عندي كولشي ا ريماس بحال ايلا معندي والو ...حتا قلت راه شي حد فجنبي تا هو مشا .. انا لي هبيلة ... عرفتي خويا شنو قالي ؟ .. مابقالي والو فهاد القلعة ماعرفتش واش خاصني نبكي على هاد الخبر و لا خاصني نفرح حيت أخيرا نقدر نخرج من قلعة الروسو و لكن معرفاش فين انمشي من بعد ...واش لشي جحيم أخر من غير لي انا فيه دابا ...
ريماس [ تكاتها فوق سرير محاولة تهدنها ... بقات فيها و فكراتها فألمها زادت تاهي تبكي معاها غطاتها فوق سرير كاتطبطب عليها ] : تاواحد ا غدير مكيلقاها كيف بغاها فهاد دنيا ... عفاك ماتبكيش راك غادي تخليني نبكي ...
ناضت من جنبها برفق و ديريكت مشات خارجة من الغرفة .. عارفة سيف فجناحو و غادي تلقاه كيف قال ليها بعد الفطور ... مشات بلاما تدق و لا تعلم داخلة لعندو .. لقاتو فلبالكون شاد كاس ويسكي كايتنغم بيه ... حتا قاطعاتو بدموعها و لباسها المغري تاني ..
سيف [ وقف كايطلعها و ينزلها اش جابها عندو هنا ...و كاتضور هاكا معرية فوسط القلعة ] : مالك ريماس شعندك !؟..
ريماس [ شداتو من يدو ] : خاصك تمشي معايا ا سيف ...
سيف [شدها من خصرها غير واعي على نفسو ] : مالكي ريماس قولي ليا قلقك شي حد ؟ قاسك شي حد ؟؟ دوييي !! دار ليك شي حد شي حاجة .؟ ..
VOUS LISEZ
جحيم وجدك بلاء
Acción•••••••《 Exclusively 》•••••• #قصة_العيد 💕 بأنامل✍️ : إيمانويلا & نهيلة النوري ( دودو & نونا ) .. ♡ جــحــيــم وجـــدك بــلاء ♡ .. ~~ 𝐑𝐎𝐔𝐒𝐒𝐎𝐔 𝐅𝐀𝐌𝐈𝐋𝐘 ~~ صدق من قال : " حين نعشق لا...
