جوري [ مبتاسمة بانتصار و كاتشوف فيه بجرأة ] : الذكي عمرو ما يعتارف بذكاؤو أ آرون ! اليام بيناتنا و غانشوفو شكون يتهد اللول اولد عمي ..
نترات شعرها من يدو و دفعاتو من عليها ، خرجات من الاسانسور لي تحل بيهم فالطبقة التانية .. رمات عليه نظرة أخيرة باردة و مستفزة و تمات غادة ناحية بيتها مخلياه غير كايشوف فظهرها و هو كايتلاشى .. دخلات لبيتها عاد تطلقات فيها النفس ، وقفات قدام المراية دالكوافوز كاتشوف فوجهها لي تطراساو فيه صبعانو و كاتسب فآرون فخاطرها ..
دخلات للدريسينغ تختار حوايجها لي كانو عبارة عن سروال فالبيج واسع عملي و أنيق ، مع قاميجة بيضة حريرية بلا كمام و مشبكة من جهة الصدر مع طالون فالبيج .. كملات ماكياجها و اضافت بعض الاكسيسوارات باش تكمل اطلالتها ، هزات صاكها و هبطات للتحت كاتتمشا بكل ثقة مخلية الانظار كلهم يتوجهو ليها ..
جوري [ كاتشوف فباهر ] : يالاه نمشيو باش ما نتعطلوش ..
باهر [ ناض وقف من بلاصتو من بعد ما كان كايضحك مع إياد ] : عبرتي عليه نيت هكاك يكون السلام و إلا فلا .. [ شاف فجوري ] هانا جاي غير سبقيني نتي ..
ميقات فيه و زادت بخطواتها خارجة من باب القلعة ، لقات طوموبيل مرسيدس من نوع " amg gt 63s " قدام الباب و واحد من الكارد واقف حداها .. ستنتجات انها ديال باهر و تمشات ناحيتها ، مباشرة الكارد حل ليها الباب دالقدام و ركبات فيه .. ما دازوش ثواني تا لقات باهر تابعها تاهوا لابس كوستوم فالازرق غامق رسمي ..
ركب حداها فمقعد السائق و كسيرا مخلي العجاج موراه .. كان غادي بسرعة فالطريق و كل مرة يضور ناحية جوري يتأكد من راحتها ، كل مرة كايلقاها متبسمة بخفة و كاتشوف من السرجم .. تا نطقات كاسرة الهدوء لي مكتاسح المكان ..
جوري [ بهدوء و هي كاتشوف قدامها ] : شنو نوع السلام لي سيفط إياد لآرون ؟
باهر [ ضحك بخفة على نطقها سمية آرون ] : كاتلعبي بالعافية فخبارك ؟
جوري [ بملل ] : جاوبني على سؤالي و باراكا ما تقلب فالهضرة !
باهر [ ضور وجهو بلا حول ] : سلامات إياد كايعيفو شوية ! متاكدة باغا تسمعي ؟
جوري [ بتاسمات بجانبية ] : غايكونو حومق بحالو ياك ؟
باهر [ قهقه بخفة ] : تماما .. [ شاف فيها بنص عينو لقاها كاتتسنا يجاوبها ] اححم مهم الدون كايشك فإياد أنه كايدير شي حاجة لي الصراحة ما عرفتش اشناهيا و علاش شك فيه من الاساس !
جوري [ بتركيز ] : اهاه كمل !
باهر : ناض الدون سيفط موراه رباعة من الرجال ديالو يتبعوه يشوفوه فين كايمشي .. و لكن خوك مطوور ما تنداارش بيه كشفهوم و خرج عندهم .. [ جاتو الضحكة و حبسها ]
جوري [ بفضول ] : وا كمل الزممرر دغياا ..
باهر : ناض إياد قطعهم كاملين طراف طراف و سيفط احمم [ سكت ماعارف كي ينطقها بأدب و ما لقا غير الفصحى ] سيفط للدون العضو الذكري ديالهم كاملين فصندوقة لدارو مع ورقة فيه إياد كايبلغك سلامو ..
VOUS LISEZ
جحيم وجدك بلاء
Action•••••••《 Exclusively 》•••••• #قصة_العيد 💕 بأنامل✍️ : إيمانويلا & نهيلة النوري ( دودو & نونا ) .. ♡ جــحــيــم وجـــدك بــلاء ♡ .. ~~ 𝐑𝐎𝐔𝐒𝐒𝐎𝐔 𝐅𝐀𝐌𝐈𝐋𝐘 ~~ صدق من قال : " حين نعشق لا...