عند جوري لي باقا واقفة مع سمية ، حسات معاها بالراحة و الدفئ لي عمرها ما جرباتو مع لطيفة .. و الظاهر انها ماغاتجربوش حتى مع امها الحقيقية ، ما تنكرش انه جاها فضول على مها و باغا تعرف كيفاش كانت دايرة و كي دارت ماتت .. و لكن ما بغاتش تبين انها عندها اهتمام بيهم باش ما يسحابليهمش انها تقبلاتهم بسهولة ..جوري [ بهدوء ] : مادام [ شافت فيها سمية بزعل و هي فهماتها ] عمتي سمية بغيت نسولك ..
سمية [ كاتقيس فشعرها بحنان ] : سولي أحبيبتي ..
جوري [ تبورشات من لمساتها و نبرة صوتها الحنينة ] : فين نقدر المكتبة دالقلعة ؟
سمية : كايعجبك تقراي ؟؟
جوري [ بابتسامة هادئة زينت ملامحها ] : كانرتاح بزاف فاش كانقرا ..
سمية [ بابتسامة ] : أجي معايا احبيبتي نوريها ليك ..
ما عاوداتش معاها الهضرة و تبعاتها كاتتمشا بين جدران هاد القلعة الملكية .. دازت من عدة ممرات كل واحد ينسيك فجمال لاخور و فخامتو ، اكثر حاجة عجباتها فهاد المعمعة كاملة هي هاد القلعة لي اقل ما يقال عندها ملكية فخمة .. وقفات سمية قدام واحد الباب كبيرة طولا و عرضا ، حلات بابها بالشوية و ضارت عند جوري بابتسامة ..
سمية : هاهيا المكتبة ابنتي خودي راحتك فيها .. [ يالاه كانت غاتمشي وقفات و ضارت عندها من جديد ] اااه تفكرت ، كاين واحد الجهة دالرفوف مسدودين بالزاج ما تقربيش ليهم عافاك أبنتي ..
جوري [ قطبات حواجبها ] : وعلاش ؟؟
سمية : هادوك الكتب خاصين بالدون و ممنوع على اي واحد يقرب ليهم ..
جوري [ ابتاسمات بجانبية ] : أكييد .. فين نقدر نلقا شي كتب على تاريخ العائلة ؟
سمية [ بفخر ] : عائلتنا كتاب واحد و لا جوج ماكافيينش باش يأرخو تاريخنا العظيم ..
جوري : هممم تالهاد الدرجة ؟
سمية : و كتر كاع .. تقدري تبداي بالكتاب ديال العائلة ، فيه أفراد عائلة الروسو من أولهم لآخرهم لي هي نتي حاليا ..
جوري : غانبدا بهادا حسن ، وريني غير فين نلقاه ..
سمية : كاين صف خاص غير بالكتب لي على العائلة اتلقايه تما احبيبتي .. انا عندي شي شغال خصني نمشي نقضيهم ..
جوري : صافي غير سيري انا نتكلف براسي ..
بتاسمات ليها سمية قبل ما تمشي راجعة من نفس الطريق لي جات منو .. تنهدات جوري و دخلات للمكتبة و الفضول كاياكلها ، غير طاحو عينيها عليها حلات فمها مدهوشة من تصميم المكتبة لي كانت أشبه بالمكتبات القدامى لي كاتشوفهم غير فالمسلسلات .. كانت أكبر من لي كاتتوقع ، رفوفها واصلين تا للسقف .. و كل رف حداه سلوم كايطلع للفوق ، ما حسات براسها تا كانت راسمة ابتسامة كبيرة على شفايفها و عينيها كايلمعو بحب بسبب داك الكم الهائل من الكتب ، ولي أغلبيتهم قدام و نادرين كالنوع لي كاتبغي هي ..
VOUS LISEZ
جحيم وجدك بلاء
Action•••••••《 Exclusively 》•••••• #قصة_العيد 💕 بأنامل✍️ : إيمانويلا & نهيلة النوري ( دودو & نونا ) .. ♡ جــحــيــم وجـــدك بــلاء ♡ .. ~~ 𝐑𝐎𝐔𝐒𝐒𝐎𝐔 𝐅𝐀𝐌𝐈𝐋𝐘 ~~ صدق من قال : " حين نعشق لا...