• ليت قلبك حبني .... كثر ماقلبي حبك •

(٣)

((في المخيم))
الجوهره : انتي صادقه ما جبتي
غزلان : والله ماجبت بموت من البرد
الجوهره : طيب وش نسوي وانتي ملابسك ماهي دافيه
عبدالعزيز وهو ينادي : ريييييف تعالي
راحت ريف له : شوفي عطي هذه غزلان وخليها تتدفى
ريف : والله وطحت على وجهك ياخوي
عبدالعزيز: اص عيب عاد مين قالك اني طحت
ريف : واضحه واضحه
عبدالعزيز: لاطحت ولا هم يحزنون سمعت انها ما جابت شي معها وانا جايب فروتين
ودت لها الفروه : غزلان شوفي البسي الفروه ذي
غزلان : وانتي
ريف : حقتي معي
غزلان : طيب من الي معطيك ايها
ريف همست : عبدالعزيز جايب فروتين
غزلان : جيبوا طرحتي بشكره على واقفاته معي
ريف : دايم غبيه
الجوهره : ريف اسكتي
ريف : خلاص بسكت
راحت غزلان لعبدالعزيز والبنات ماسكينها : سلام عليكم
عبدالعزيز: وعليكم السلام بغيتو شي
غزلان : االا سلامتك بس مدري كيف بشكرك على وقفاتك معي
عبدالعزيز: لا تشكريني اذا انا ما عزيتكم ي بنات عمي مين بعزك بعد عمي وعبدالله
غزلان وهي عيونها قلوب : شكرا الله يعطيك العافية

((عند الشياب ))
ابونايف: العيال جو
ام نايف : اي توهم جو وجابوا معاهم كل شي
الريم : وش رايكم نفطر هنا
ام عبدالله: غزلان ما تقدر
فاطمه : ما عليك ريف والجوهرة معها ما يتركونها
ابوعبدالله: اجل تم يابونايف
ابونايف: تم
((عند العيال ))
رتبوا العيال المكان وسوو قهوه
مشعل : تسمعهم وش يقولون
ناصر: وش يقولون
عبدالله: لا تستعبط علينا يقولون بيفطرون
ناصر : طيب عادي وين المشكلة
انهوا الموضوع على جيت عبدالعزيز
عبدالله: تدري انهم بيفطرون هنا
عبدالعزيز: تكفى مالي خلق اجلس للعشاء بجلس للفطور 
ناصر : اقول اسكت بس يمديك تعيش سنه قدام
عبدالعزيز: اعيش سنه قدام بس
ناصر : بس وش
عبدالعزيز: خلاص خلاص ولاشي
ناصر : لا بتقول
عبدالعزيزبهمس: بنات عمي كل دقيقه فاتشات وكل دقيقه بالنادي عشان يتغطون
ناصر: اصلا تعودنا نفس البيت بظبط
عبدالعزيز: خلاص اسكت اسكت لا يحسون

((عند البنات ))
فاطمه :بنات وش رايكم نطلع نتمشى
الجوهره : انا مقدر بقعد عن غزلان
غزلان : عادي روحي تمشي انا بقد على جوالي
الجوهره : اكييييد
غزلان : ما عليك اكيييد
الجوهره : اجل يلا يابنات
غزلان : الجوهره الجوهره
الجوهره : هلا 
غزلان: خلي جوالك عندي عشان النت
الجوهره : يوهه طيب
عبدالعزيز: في احد  
غزلان : اي اي في احد   .تغطت . ادخل
دخل عبدالعزيز وهو يشوف غزلان  متمسكه بفروته بقوه من قو البرد
عبدالعزيز: اشب لكم النار
غزلان : تكفى بررررد
عبدالعزيز: الجو ليِّل وبرد
شب النار عبدالعزيز وطلع ينادي امه
ام نايف : هلا وش بغيت
عبدالعزيز: ابي اكل جوعان ترا من طلعت من البيت ما اكلت شي
ام نايف : طيب اصبر للعشى
عبدالعزيز: ترضين ان ولدك عبدالعزيز يصير جوعان
ام نايف : طبعا مايرضيني وين خواتك
عبدالعزيز: يتمشون
ام نايف : وغزلان معهم
عبدالعزيز: لا ماهي معهم برا
ام نايف : رح أقعد بالجلسة ( قدام غزلان)
وطلع للجلسه يحتري أمه ويرتعد من البرد جابت ام نايف الاكل
عبدالعزيز قام اخذ من امه الاكل وقد ياكل : شكرا ي بعد روحي وقلبي
ام نايف : اقول اكل بعدين  اغسل المواعين
عبدالعزيز: ابشري تامريني بشي
ام نايف : لا ما تقصر لا انت ولا اخوانك
راح عبدالعزيز وجو البنات وتجمعو على العشاء وبعد ما خلصوا  غزلان : بنات مين توديني لسياره عبدالعزيز بنام
الجوهره :انا اوديك قومي
قامت غزلان وودتها الجوهره لسياره عبد العزيز وانسدحت بالمرتبه الخلفيه ومتلحفه بفروه عبد العزيز وقعدت على الجوال لين نامت

((عند العيال))
بعد مانوا ابونايف وابوعبدالله
ناصر : بروح لسيارتي اجيب السمعاعه (سماعه صغيره )
حسين بروح معك
بعد ماجاء ناصر وحسين شغل شيلات ورقصو
عبدالعزيز: ناصر عطني الجوال
ناصر:وش بتشغل
عبدالعزيز: اسمع وتعرف
(خلاص من حبكم يالزين عزلنا
ماعاد لي في هواكم شف او راده)
وقام عبدالعزيز يرقص والعيال يعززون له
عبدالله: عبدالعزيز تكفى جب فصفص واغراض من البقاله
ناصر: جب معك اغراض للفطور
عبدالعزيز: طيب عشانكم عززتولي
راح لسيارته وجاء بيركب الا يشوف غزلان  ابتسم  وطق الدريشه وقامت غزلان متوجعه
عبدالعزيز رمى عليها شماغه : تغطي
تغطت وحطت راسها على الدريشة
غزلان : عبدالعزيز ناد البنات عشان ينزلوني
عبدالعزيز: مايحتاج بروح اجيب اغراض للعيال
غزلان اسكتت : وارسلت لمها انها نامت في سياره عبدالعزيز وعبدالعزيز بيروح البقاله
ام عبدالله: عادي اهم شي انك متغطيه (ما علمت امها انها متغطيه بشماغه )
غزلان : طيب
وصلو البقاله
عبدالعزيز: تبين شي من البقاله
غزلان : لا مشكور واول ما نزل عبدالعزيز دقت على امها
يمه رجلي تحرقني قوه عجزت اتحمل
جاء عبدالعزيز
غزلان : هاء يمه ردي علي
ام عبدالله : خلي عبدالعزيز يشري لك مرهم حروق
غزلان : طيب عبدالعزيز اذا تقدر مر الصيدلية جب مرهم رجلي تحرقني مرههه
عبدالعزيز: خلاص طيب بمر الصيدلية
ونزل وجاب لها مرهم ومسكن
عبدالعزيز: اخذي مويه  وشربي مسكن
وهم راجعين لازم يمرون طريق ظلام ويخوف واول مادخلو ذا الطريق
صاحت غزلان بانهيار وتنادي بسم امها
عبدالعزيز: بنت وش فيك هدي هدي وقف عبدالعزيز ولف عليها وش فيك
غزلان : ماحب الظلمه اخاف منها
عبدالعزيز: غمضي عيونك وانا معك مافي شي يخوف
غزلان : الا يخوف
عبدالعزيز وهو ياحاول انها تهدا : ي بنت الحلال والله مايخوف اذا بتخافين امسكي يدي
غزلان مسكت يده وهي تحاول انها تهدي نفسها
عبدالعزيز: شفتي اقولك انه ما يخوف
وخرت يدها بشويش :انا ماحب الضلمه اخاف منها
عبدالعزيز: يلا قربنا من المخيم
غزلان : عبدالعزيز دق على ريف تجي هي والجوهره عشان يحطون المرهم على رجلي
عبدالعزيز: طيب الحين انتي امسحي دموعك وادق ترا بكره بعد الفطور بفحط فيكم
ابتسم غزلان : صدق مسحت دموعها ودق عبدالعزيز على ريف تطلع هي والجوهره واول ما وصولوا
انفجر عبدالعزيز ضحك واول ما نزل عبدالعزيز نزلت شماغه على المرتبه حقته ولقت فاتوره وقلم وكتبت بالورقه (شكرا ولا تعلم احد).......