• ليت قلبك حبني .... كثر ماقلبي حبك •

(١٧)

عبدالعزيز: سلام عليكم طالعه من الشر
ابتسمت غزلان : الشر مايجيك
ريف : غزلان متى بتطلعين
غزلان : اليوم
ريف : عندي لك سوالف كثيره
عبدالعزيز: ريف بعدي عن البنت خليها ترتاح
لفتَ ريف على غزلان: مرتاحه انتي صح
غزلان : ما عليكم مني مرتاحه
لاحضت ريف رقبه غزلان : بنت وشفيها رقبتك
غزلان : ريف اسكتي اعلمك بعدين
ريف : طيب سكت
............................•....................
(عند ام نايف )
ام نايف الخوف الي متمالكها  : ها وصلوا وينهم عبدالعزيز فيه شي
ناصر: يمه مافيهم شي والله 
ام نايف : دقو عليهم
الريم : يلا بدق على مشعل ، دقت الريم ،
مشعل: هلا
الريم : امي تبيك
ام نايف :  فيكم شي صارلك شي
مشعل: لا الحمدلله ما فينا شي
ام نايف : ريف ليه ما ترد على جوالها ادق عليها ماترد
مشعل: ريييييف تعالي امي تبيك
راحت ريف واخذت الجوال : هلا يمه
ام نايف : عبدالعزيز طيب ما صارله شي صح
ريف : اي يمه ماصار شي قدامي وحنا الحين عند غزلان
ام نايف :  ما كلني قلبي عليكم ليه تروحون ولا تدقون علي
ريف : طلع عبدالعزيز وجوالي طفى معكم شاحن
ام نايف : اي جبت لكم
............................•....................
(في المستشفى)
غزلان : عبدالله
عبدالله: هلا
غزلان : يلا خلنا نرجع البيت ماابي اقعد بالمستشفى
لفّ عبدالعزيزعلى غزلان : توتس للحين تعبانه
غزلان : طلعوني من المستشفى بسرعه
ابوعبدالله: عبدالله يلا رح زيّن اوراق اختك
عبدالله: الي تشوفه
طلع عبدالله من الغرفه و ركض وراه عبدالعزيز استغرب من طلوعه مشعل لكن تجاهل الامر
عبدالعزيز: عبدالله
عبدالله: هلا
عبدالعزيز: صدق انت الي ضارب غزلان
نزل عبدالله راسه : شسوي لعب فيني بليس
عبدالعزيز: بس مو المفروض تتأكد من الموضوع اول
عبدالله: مين الي قالك
عبدالعزيز: ريف قالت لي كل شي قبل ما نجيكم بس ماتوقعتها منك تمد يدك على اختك
عبدالله: تكفى يا عبدالعزيز والله اني متضايق
عبدالعزيز: عسى ماشر ليه
عبدالله: اعلمك شوي
عبدالعزيز: عاد ياويلك اذا ما علمتني
عبدالله: لا ما عليك نرجع البيت بس اعلمك على طول
عبدالعزيز: يلا خلص الاوراق وانا بقولهم يتجهزون
............................•....................
(عند عيال ابو فالح )
فالح :ما كلمكم فهد
سعود : لا ما كلمته من طلع امس ما شفته ولا كلمته
ابوفالح : شكله انمسك
فالح : مستحيل
ملامح مقبل الي تغيرت من سمع كلام ابوه : منكم منكم انتم
لافي : وش الي منا حنا وش حنا مسوين مبلغين عليه يعني
مقبل : تجي عليكم تبلغون عليه
مسك ابوفالح مقبل مع ملابس : خايف عليه يعني وش دخلك فيه
مقبل : وحيد امه وابوه ليه تسوون كذا فيه والله لتدور الدنيا وتشوفون وش بيجيكم ، بعّد يد ابوه من ملابسه وطلع ،
فالح : رح بلغ علينا لا اوصيك
ركب سيارته والغضب الي مو مخليه يتنفس راح مقبل لمركز الشرطه لكن تردد من انه ينزل قوّا نفسه مقبل ودخل مركز الشرطه
مقبل : سلام عليكم
حمدان : وعليكم السلام
مقبل : من الي ماسك قضيه فهد سلطان المحسن
حمدان : الظابط زيد
مقبل : اقدر اشوفه
حمدان : مين اقوله
مقبل : ولد عمه
حمدان :دقايق
دخل مقبل عند الظابط : معك ولد عم فهد
الظابط : عندي خبر
مقبل : انا جاي اقول ان الي صار في فهد كله من ابوي واخواني
الظابط : يعني الي افهمه الحين انك جاي تشتكي على ابوك واخوانك
مقبل : اي حاولت امنعهم اكثر من مرا بس ما قدرت
الظابط : وش الي يثبت لي
مقبل : الي يثبت اني جاي إلين عندكم ابلغ على اخواني
الظابط : اعتذر ما اقدر افيدك بإي شي الا بدليل واضح
حس مقبل بضيقه في صدره وطلع وهو مو قادر انه يستوعب وش الي سواه ركب سيارته وهو يحاول يستوعب: استاهل انا استاهل اجي بدووون دليل ليييييه
............................•....................
(في المستشفى)
دخل عبدالعزيز الغرفه: عبدالله يقول تجهزوا
غزلان : اخيراااا بطلع
ناضرها عبدالعزيز: بس المفروض ما تطلع اليوم
ام عبدالله : كيف يعني بتقعد اليوم
ريف : لا عمه قصده افضل لها ما تطلع اليوم
ام عبدالله : وش نسوي الا تبي تطلع من المستشفى
ابوعبدالله: يلا ام عبدالله نمشي الجوهره من امس بالبيت لحالها
ام عبدالله : لا برجع مع عبدالله اخاف يصير لها شي
ريف : اح وانا وين رحت انا انتبه لها ما عليتس
غزلان : خلاص يمه ارجعي مع ابوي وانا و ريف بنرجع مع عبدالله
ام عبدالله : انتبهي لنفستس
غزلان : ابشري
طلعوا ام عبدالله وابو عبدالله من المستشفى وتوجهوا للبيت
ريف : بنت على كيفتس تبيني ارجع مع عبدالله
انصدم غزلان : ليه شفيتس
ريف : ما ابي اركب معه يركبك وانا اروح مع عبدالعزيز
غزلان : ريف عشاني طيب
ريف : غزلان ما اقدر اشوفه حتى عبدالعزيز ترا برجع معك
عبدالعزيز: توتس توقلين انتبه لغزلان
ريف : غزلان مع اخوها مراح يصيرلها شي
غمز عبدالعزيز لغزلان : اجل خلاص دقي على احد يوديك للبيت ما انتي براكبه سيارتي
ريف : عبدالعزيز اورييك
عبدالعزيز: يلا مع عبدالله يلا
دخل عبدالله الغرفه : يلا غزلان
غزلان : ريف بتروح معنا
ابتسم عبدالله بفرحه : صدق حياها الله
ريف بكل كرهه : مجبروه مو برضاي
عبدالله: ليه عسى ما شر
عطته ريف اغراض غزلان : امسكه امسكه
ناضر عبدالله غزلان باستغراب من تصرفات ريف غزلان : ريف هدي شوي
مسكت ريف غزلان وبدت تمشيها وعبدالله الي شايل الاغراض هو عبدالعزيز ومشعل الي بالسياره ينتظر
ركبوا  غزلان  و ريف السياره
عبدالله: شفيتس ريف اليوم مو على بعضتس
ريف : افف صدق
غزلان : خلاص عاد ريف وشوله الزعل ذا كله
ريف : اذا انتي ترضين انا ما ارضى  ولوسمحت خلاص شف طريقك وانسى ريف الي قبل
عبدالله: وش سويت لتس انا علميني
ريف : عبدالله قلت خلاص وليكون نسيت غزلان تعبانه
غزلان : اخيرا تذكرتوني صارلكم ساعه هواش وصراخ
ريف : غزلان  عطيني جوالتس بدق على امي
غزلان : جوالي طافي
ريف : وانا جوالي مع عبدالعزيز شسوي
مد لها جواله عبدالله: اخذي
ريف : لا خلاص شكرا
عبدالله وهو يضغط على اسنانه من عصبيته : رييييف اخذي دقي
اخذت ريف الجوال بربكه وخوف : ما اعرف رقم امي
عبدالله:  دقي على ناصر
ريف : طيب   دقت ريف . الو
ناصر : هلا . مين
ريف :  ريف شف ترا طلعنا من المستشفى رحنا لبيت عمي
ناصر :يلا يلا مع السلامة
ريف : هلا مع السلامة
عطت ريف عبدالله جواله : شكرا
اخذ جواله عبدالله: بمر البقالة تبون شي
غزلان : كيفك اسأل ريف تبي شي
عبدالله: تبين شي ريف اجيب لك شي
ريف الي ساكته وماودها تتكلم معه
غزلان : خلاص عبدالله جيب الي يعجبك
نزل عبدالله البقاله وهو مستغرب من ريف وتصرفاتها
غزلان : ريف وش الحركات
ريف : وش فيني
غزلان : يسألك ليه ماتدرين عليه ولا نسيتي انه يحبتس
ريف : خليه ينساني دامني نسيته بالنسبه لي الحين ولد عم بس
انصدمت غزلان : ليه طيب وش سوالك قايل لك شي
ريف : غزلان انتي تعبانه الحين وانا ما ودي اتعبتس زيادة
غزلان : ليكون عشانه ضربني زعلتي انتي
ريف : اي دامه ضربتس كيف بعدين بيقعد دايم يضربني
غزلان : طيب ماكان قصده يضرب اخته صاحيه انتي انا ماعلمتس عشان تكرهينه لاتشوفينه يوم عرف انه ضاربني
ريف : خلاص غزلان
غزلان : ترا بعلمه
ريف : كيفتس اخوتس وانتي ادرى
عصبت غزلان : رييييييف وش فيتس ناويه تذبحينه
ريف : انتي قلتي بتقولين له قولي له يلا قولي
- قررت غزلان ان تراضيهم بطريقتها -
مسكت راسها بوجع غمضت عيونها وهي تمثل الالم : اييي ريف رييييييف
خافت ريف عليها وفزت : شفيتس وش الي يعورتس
غزلان : العمليه توجعني نادي عبدالله بسرعه
نزلت ريف من سياره وتركض وترجف من خوفها على غزلان دخلت البقاله عند عبدالله الي يحاسب الاغراض
ريف : عبدالله تعال بسرعه غزززلان
انصدم وهو يشوفها بدون نقابها وحجابها عبدالله: ريف وييين حجابتس
توترت ريف : عبدالله غزلان بسرعه
عبدالله بغضب وهو يضغط على اسنانه بشده : ريييييييف سألتس انا ليه جايه بدون حجابتس ونقابتس
ريف : شسوي خفت على غزلان ونزلت اركض
سحب عبدالله ريف بين كتوفه وهو يحاول يغطيها بيدينه انصدمت ريف وهي تحاول تبعد من عبدالله الي محاوطها
عبدالله: لو شافتس احد انا وش اسوي
ريف : عبدالله بعّد انكتمت
وصل عبدالله لسيارته وشهقت غزلان من الي تشوفه قدام عيونها عبدالله : اركبي يلا
ركبت ريف السياره وهي تبكي بصمت
عبدالله: غزلان وش فيتس
غزلان :عورني راسي
عبدالله: اوديك للمستشفى
غزلان : لا مايحتاج بشرب علاجي ويخف ريف عطيني علاج تكفي
مدت لها ريف علاجها وعيونها الحمراء من البكي
غزلان : وش فيتس تبكين
ريف وهو باين على صوتها البكي: لا مابكيت
لف عليها عبدالله: وش فيتس ريف
ريف : ابي جوالك بدق على عبدالعزيز ياخذني
غزلان : ليه ياخذك وش صاير
عبدالله: ريف على الي صار بالبقاله انا اعتذر
ريف وهي تتعمد تتجاهل عبدالله : غزلان ترا بكرا الصبح برجع مع عبدالعزيز
غزلان : اففف ياخي ماصدقت جيتي تروحين بعد
............................•....................
وصلوا ام عبدالله وابوعبدالله للبيت
ام عبدالله الي دخلت : الجووهره
طلعت الجوهره من المطبخ: هلا يمه
ام عبدالله : ترا بتجي عمتك ام عبدالله وعيالها سوي القهوه وحطيها بمجلس الضيوف
الجوهره : طيب غزلان وش صار عليها
ام عبدالله : طلعت شوي بتجي مع عبدالله و ريف
الجوهره : اها طيب انا بروح اسوي القهوه قبل لا يجون
............................•....................
وصلت ام نايف لبيت ام عبدالله نزل الاغراض ناصر للبيت
دخلت ام نايف البيت : سلام عليكم
ام عبدالله: وعليكم السلام ياهلا والله ومرحبا تو ما نور البيت
ام نايف : منور البيت بأهله
ام عبدالله : وين البنات ما جو
ام نايف : ينزلون اغراضهم مع ناصر
ناصر : خلاص ادخلو وانا اجيب اغراضكم داخل
الريم : تعب عليك
ناصر : عادي بس ادخلو مع امي يمكن تحتاجكم
فاطمه : يلا ريم
دخلوا فاطمة والريم سلمّوا على ام عبدالله
فاطمه: وين ريف وغزلان
ام عبدالله : للحين ماجو بيجون مع عبدالله
فاطمه : اها كيفها الحين
ام عبدالله : الحمدلله بخير طيبه ما عليها خلاف
ام نايف : اعذرونا جاينكم بدون ما نعلمكم
ام عبدالله : يأم نايف البيت بيتك وانتي حسبت اختي والخوات بيبانهم مفتوحه لبعض
ام نايف : مع ان ربي مارزقني بخوات ولكن انتي صرتي اقوى من اختي
ضحكت ام عبدالله : افا العين اوسع من الدار عين لحاف وعين غِطْئ
ام نايف :ماتقصرين والله
............................•..................
(في سيارة عبدالله)
الي وصلو البيت نزلت ريف من السياره تساعد غزلان تنزل من السياره اما عبدالله الي فالسيارة وهو في كامل غضبه من ريف
ريف الي ماسكه غزلان : غزلان امسكي يدي زين
غزلان: ماسكتك
ريف : دقيقة غزلان بنادي عبدالله يساعدك ترقين الدرج
امسكي العامود زين
راحت ريف عند باب عبدالله ناضرها بكل حده : نعم ليه جايه عندي
انصدمت ريف : ابيك تساعدني ندخل غزلان
عبدالله بصوت عالي : ليه ماتعرفين تدخلينها ليه جايه معها
طارت عيون ريف : عبدالله شفيك ليه كذا تهاوشني
عبدالله: وش الي وش فيني من ركبتي السياره وانتي كارهتني وماودك تتكلمين معي
ريف : طيب خلاص لا تساعدني انا ادخلها
راحت ريف عند غزلان : وين عبدالله
ريف : مشغول امشي بشويش
جاء من ورا ريف ومسك غزلان مع يدها عبدالله: خلاص انتي ادخلي داخل وانا ادخلها
ريف الي تحاول تمسك دموعها : طيب غزلان انا بروح غرفتك فوق
غزلان : شفيها وش قايل لها انت
عبدالله: ماقلت لها شي
غزلان : شفيكم انتم ليه صرتوا كذا ما كنت تحبها عبدالله وش صار الحين
عبدالله: خلاص غزلان ابدخلك وبعدين اعلمك
دخل عبدالله البيت ونادا الجوهره تدخل غزلان في المجلس : امسكيها زين وسكري الباب بمر
الجوهره : وين رايح
عبدالله: بغيير ملابسي وجاي اذا جاء عبدالعزيز ناديني
الجوهره : ناصر بالمجلس
عبدالله: شوي وجاي
راح عبدالله غرفته وفي طريقه سمع بكي ريف تردد عبدالله من انه يروح لها طق الباب عبدالله على ريف
ريف : مين
عبدالله الي سمع صوتها فيه رجفه تضايق : عبدالله
فتحت ريف الباب وهي تمسح دموعها : هلا بغيت شي
عبدالله: فيتس شي ليه تبكين
ريف : متضايقه
عبدالله: مني انا ؟
ريف : عبدالله خلاص رح ابعد عني
عبدالله: يعني هذا اخر كلامك لي
ريف : الي يضرب اخته بكره بتنضرب
عبدالله: يعني الموضوع هو الي مخليتس تكرهيني
ريف : انا ما كرهتك ..راح عبدالله بنص كلامها
راحت ريف وراه فتحت الباب عبدالله: نعم اطلعي برا
ريف : ليه تروح وانا ماخلصت كلامي
عبدالله: ما ابي اسمع صوتتس  ولا اشوفتس حتى
سكرت ريف الغرفه غسلت ريف وجهها ونزلت للبنات
الريم : وينتس
ريف : رحت اشرب ماء
............................•....................
عند عبدالعزيز ومشعل الي دخلو البيت وهم تعبانين من الطريق دخلو مجلس الضيوف الي فيه ناصر
عبدالعزيز: غريبه للحين ماجاء عبدالله طول
ناصر : الا جاء بس الحين ما ادري وينه
تمدد مشعل: اح ياضهري كسرتني
عبدالعزيز: مو المفروض تتعود
ناصر : شوفو ترا ما نبي نطول يومين وراجعين زين
عبدالعزيز: ما ندري نشوف امي والبنات بعدين نقرر
دخل عبدالله: تأخرت عليكم ؟
عبدالعزيز: والله كأنك متأخر
عبدالله: المعذره منكم
ابستم له مشعل:ابد والله معذور
عبدالله: تبون نلف فيكم الشرقيه
مشعل: اي تكفى
عبدالعزيز: انا باخذ نعالي و اركب معكم
عبدالله: وانت ياناصر معنا
ناصر : ابد معكم
عبدالله: اجل امشو نعلمهم الصبح طالعين
مشعل: روحوت انتم انا مقدر اتحرك
رفعه عبدالعزيز: اقول امش بس
مشعل: افف صدق غصب
عبدالله الي وقف عند باب المجلس : تغطوا يا حريم بندخل
البسو حجابتهم البنات ام عبدالله : ادخلو
دخلوا المجلس العيال وجلسو بالزوايه عند ريف الي اول ماشافت عبدالله صدت عنه وعن نضراته بكل كرهه
عبدالله: بكرا ان شاء الله الصبح بنطلع للبحر 
عبدالعزيز: يلا كلكم بتروحون عاد
ريف بكل ضيق وغضب متمالك قلبها : انا مراح اروح بقعد
التفت عليها عبدالعزيز: ريف ! ليه شفيتس تعبانة ؟
ريف : ماردي اروح وانا متضايقة
ام نايف : ليه وش مضايقتس
ناضرت ريف عبدالله الي ضاغط على اسنانه بشده : شي مايستاهل
غزلان : ريف خلوها علي انا اقنعها
عبدالله: خلاص بكيفها ماتبي لا تغصبينها
غزلان : اجل انا بقعد معها
ريف : لا غزلان بتروحين معهم وانا بقعد
عبدالعزيز: ريف امشي بكلمك برا
طلعت ريف من المجلس : هلا
عبدالعزيز: شفيتس صاير شي
ريف : لا ما صار شي متضايقة وما ابي اطلع من البيت
عبدالعزيز: ليش طيب من وش متضايقة
ريف : تبي تعرف ابي ارجع بيتنا
ناضرها بصدمه عبدالعزيز: الجنوب !
ريف : اي
عبدالعزيز: اقول بس بتروحين معنا بلا دلع بنات
ريف : عبدالعزيز قلت لك ما ابي اروح صح يعني ما ابي
عبدالعزيز: كلامي واحد بتروحين
دخل عبدالعزيز المجلس وكملوا سوالفيهم و ريف الي موطايقة تجلس بالمكان الي يكون متواجد فيه عبدالله
قامت ريف : عن اذنكم جميعا
ناصر :وين وين
ريف : بروح انام
الجوهره : اجل بروح اجهزلكم الغرفه
ريف : اي تكفين ما اشوف من النوم
راحت الجوهره تجهز لهم غرفتهم الي بينامون فيها رتبت الغرفه لهم وراحت للمجلس الجوهره : جهزت لكم الغرفه
راحت ريف للغرفه الي اول ما دخلتها تمددت باقرب مكان
نامت ريف
~بعد مرور ساعة ~
في المجلس الي الكل راح ينام في غرفته
ضحك عبدالعزيز: بالله عليكم شوفوها كيف نايمه كأن صار لها سنة ما نامت
ام نايف الي ضربت كتف عبدالعزيز: عيب اختك ترا
عبدالعزيز: ااااااه يما تضربيني عشانها
ام نايف : ارقد بس يلا 
في الصباح الي الكل صحى من نومه ام نايف وام عبدالله الي يجهزون الفطور
عند عبدالعزيزالي ينتظر ريف تصحى من نومها
عبدالعزيز: رررررريييييييف قوومي يلاااا
ريف : روحو انتم خلاص
عبدالعزيز: ناااااااصصصر تعاللللل
ناصر : نعم
عبدالعزيز: ساعدني
ناصر : دقيقه بس
راح ناصر اخذ المويا ورش على ريف : هييييييييي شفيييكم
عبدالعزيز: بتقومين ولا نصبها كلها
قامت ريف وهي تمسح عيونها وتحاول تفتح عيونها : قمت
عبدالعزيز: ترا البنات مجتمعين عند غزلان شفتي صرت لتس نقال علوم
ناصر : لاتنسين حجابتس
قامت ريف لبست حجابها وطلعت في طريقها لغرفة غزلان عبدالله الي طالع من غرفته : صباح الخير
ريف الي ماردت على عبدالله ودخلت غرفه غزلان : صباااح الخير
سمع صوتها عبدالله تضايق عبدالله على تصرفه معها
غزلان : اوفف النفسيه اليوم متحسنه
ريف : اي الحمدلله
الجوهره : اخذوا معكم عبايات
الريم : ليه !!
الجوهره : موداخلين البحر انتم لازم
ريف : ما اعرف اسبح انا طيب
الجوهره : اذا رحنا لا تبعدين خليك قريب بعيد بتغرقين
طق الباب عبدالله: يلا ننتظركم بالسياره
طلعوا البنات و ريف الي ماسكه غزلان طلعو ريف وغزلان
ريف : بسم لله
عبدالله الي واقف عند الباب : شايفه جني
ريف : لا بس خوفتني
عبدالله: لا تخافين
غزلان : ريف ترا يمديني انزل مايحتاج احد يمسكني
ريف : اذا دختي وطحتي ؟
عبدالله: خلاص انا مع غزلان انزلي واركبي السياره لا تأخرينهم
نزلت ريف و ركبت سيارة عبدالعزيز
ريف : مشعل جوالي معك
استغرب مشعل: لا وش يجيبه معي
ريف : بنزل ادوره
عبدالعزيز: اسألي امي يمكن معها
نزلت ريف لسياره ناصر : هي جوالي معكم مالقيته
الريم : لامو معي
ام نايف : ما اخذته يمكن داخل
دخلت ريف البيت عند عبدالله وغزلان: شفتو جوالي
غزلان : لا ماشفته
طلع عبدالله جوالها من جيبه : اخذي ولا عاد تنسينه
ريف : اوف اخيرا  لقيته شكرا
عبدالله: عفوا
ريف : يلا تأخرت على عبدالعزيز
ركبت ريف سياره عبدالعزيز وتوجهت السيارات للبحر
(في سياره ناصر )
ام حمد الي دقت على ام نايف : سلام عليكم
ام نايف : وعليكم السلام يامرحبا
ام حمد : اخبار بنتنا عساها بخير واستخارت
ام نايف : بخير الحمدلله البنت استخارت وارتاحت
ام حمد : الله يتمم لهم على خير
ناصر بصوت عالي : مبروووك ريموه
الريم الي حمر وجهها فاطمه : لا تشوفها بس بتموت من الحيا
............................•....................
عند حمد الي اول ما انتهت المكالمة : ها وش قالو
ام حمد : البنت موافقة
حمد الي تفاجئ وما عرف كيف عبر عن فرحته : اخيراا بتصير حلالي اخيرا
ام حمد : انت كلم ابوها وعلمه ودق على خالك علمه عن خطبتك
حمد :ابشري
.............................•....................
وصل عبدالله للبحر : يمه احجز لكم شاليه ازين
ام عبدالله : اي والله ازين نحط اغراضنا فيه
عبدالله: دقي عليهم وعلميهم بحجز ذاك رقمه ٧
راح عبدالله يحجز لهم الشاليه حجز لهم الشاليه عبدالله ورجع عند اهله
الجوهره : نروح له الحين ولا ننتظرهم
عبدالله: لا روحوا الحين