• ليت قلبك حبني .... كثر ماقلبي حبك •

(٧)

راح عبدالله لغزلان: هلا والله بأختي الخوافه
غزلان : المفروض تجيب لي ورد وتتحمد لي بالسلامه
عبدالله: اقول شربتي علاجك وشوي بنطلع عبدالعزيز معنا
غزلان : علاجي وشربته يلا بنطلع تعبت من المستشفى
عبدالله: وين وين اصبري شوي مو الحين
غزلان : اها
عبدالله: الله يصبرني على خبالك
غزلان : لا تسب
عبدالله: اه منتس بروح لعبدالعزيز وافتك من خبالك
غزلان : لا لا تكفى توبه توبه بسكت بس اقعد
عبدالله: بزر انتي بزر ترا ماني مطول
غزلان : يا ويلك اذا تأخرت
عبدالله: يصير خير
.....................•.....................
((عند ام نايف ))
الريم : يمه ترا شوي بيجي نايف كلمني
ام نايف : يلا بسرعه سوي قهوة وشاهي وقومي فاطمه ترتب البيت وريف دواها عندي
الريم : ترا ما فيه سكر والقهوة الحين بسويها
ام نايف : مايمدي اقول لناصر روحي لبيت ام حمد خليها تعطيك سكر وارجعي البيت بسرعه بدون هياته
الريم : طيب بس ترا بمر البقالة وباخذ حلا نتقهوى عليه حنا وامجاد
ام نايف : اعجلي يمديهم جو وانتي تسولفين
لبست عبايتها وراحت لام حمد طقت الجرس طلع بوجهها حمد
الريم : يمه بسم لله
حمد : وش فيه
الريم وهي متوتره: لالا بس ابي سكر
حمد: خلاص طيب اجيب لك بس ليه متوتره
الريم : لا مافيه شي
راح حمد وهو ينادي : يمههههههه بنت ابونايف تبي سكر
ام حمد : وينها خلها تدخل البيت بيتها
طلع حمد من عند امه : امي تقول خلها تدخل وهاذا السكر
الريم : المره الجايه امي تبي اغراض بجيبها من البقاله
حمد : خلاص قولي لام نايف تجينا على العشاء
الريم : ان شاءالله
راحت الريم وهو يلحقها وأول ماقرب من البقاله تلثم بشماغه
ودخل
الريم : صابرين ( عامل البقالة) في من المعمول هذا كرتون
صابرين : شوف هناك
الريم : طيب انت جيب مقدر اجيبه راحت تحاول تجيبه
حمد : اي واحد
الريم : ها!
حمد : اشوفك تناقزين هذا المعمول صح
الريم وهي متفشلة : ااالا موذا الي جنبه
حمد : خلاص علي الحساب
الريم : لا انا بدفع لوسمحت
حمد: طيب عشان امي
الريم : امك ؟
حمد : خلاص انا بدفع ترا الاغراض مو كثيره
حاسب حمد وراحت البيت وهي تفكر مين هو ومين امه
وصلت البيت
ام نايف : جبتي كل شي وصيتك فيه
الريم : اي يمه جبت كل شي بس ترا ام حمد عزمتنا على العشاء
ام نايف : ان شاء الله بروح لها وتجهزي لانك بتروحين معي
انتي و ريف
الريم : يمه بنام وقوميني الساعه ١٢:٣٠ او اذا جاء نايف
..........................•.....................
((عند ام حمد))

اول متأكد انها دخلت البيت راح للبقالة اخذ سكر ومعمولين 
قعد يمشي بين الحارة وهو متوتر حط الأغراض  وطق الجرس
.....................•.......................
(( عند ام نايف )
ام نايف :  ريموه تعالي امداك تنامين
الريم : هلا
ام نايف : افتحي الباب
الريم : ليه انا
ام نايف : خواتك مشغولين
طلعت وهي تمشي بعين مفتوحه وعين مسكره
الريم بصوت عالي شوي : ميييييين
حمد : اخذي الاغراض
الريم : طيب
طلعت نص وجهها هاا!! وش؟؟
ضخك حمد: اخذي اخذي
الريم : من ذا !
حمد : شكلك متني بوعييك في النوم
الريم : مين نوم
حمد: مع السلامة
راحت ريم وهي ماتدري وين الله حاطها : يمه واحد جاب هذولي انا بروح ارقد
ام نايف : ارقدي فيتس بلا
الريم : مين بلا
ام نايف : الله يعين  ريييييييييييييف تعالي وجيبي القهوه
ريف : طيب نايف جاء
ام نايف : قريب بس اعجلي اعرفتس بيجي وانتي للحين ماجبتيها
راحت لمها ريف : ها جيت قبلهم
ركضت ريف على صوت البوري
ام نايف : فاطمه قومي الريم بسرعه
فاطمة: ليه بمه خليها تنام
ام نايف : انا وش اقوللك قوميها
فاطمة : طيب بروح  راحت لالريم ريموه ريموه قومي قومه
الريم : وش السالفة
فاطمة : قومي قومي
الريم : توني نمت
فاطمه: ترا نايف جاء
الريم : كذابهههه احلفي
فاطمة: اطلعي وشوفي
..........................•........................

((عند ام نايف ))
دخل نايف وسلم على امه نايف: وينها ريموه
امجاد: اكثر وحده اشتقت طولت لسانها
الريم : سمعت احد ناداني
نايف : هلا والله والله بام لسان
الريم : شف اخوي الكبير وتوك جاي اصبر علي
نايف : خلاص تعالي وحضنها
الريم : امجاد لا تغارين تراه اخوي
نايف : خلاص انقلعي كل شي ولا ام عيالي
جت فاطمة: احم احم وانا ياخوي العزيز
نايف : وش فيكم فاقدين حنان بوصي اخوني يدلعونكم
ريف : اخواني وين كلهم في المستشفى
نايف : ترا شوي وهم طالعين
ريف : طيب  عطنا حنان انا واختي
نايف: تعالي انتي ويها وحضنهم خلصتوا
امجاد بمزح : بعدوا بعدوا عن زوجي وحضنته
فاطمة: طيور الحب مو وقتكم
نايف : يمه وين ابوي واخواني
ام نايف : عبدالعزيز شوي بيجي ومشعل بكره وابوك والباقي مدري
نايف : خلاص انا بروح اودي سعد ولمى البقالة
امجاد : لايكثرون
نايف: طيب
........................•...................
((في المستشفى))
راح عبدالعزيز لعبدالله : ها متى نمشي
عبدالله: يلا شويات انتظر غزلان ترتب اغراضها
عبدالعزيز: طيب ساعدها تراها تعبانه
عبدالله: غزلان تبيني اساعدك
غزلان : اي تكفى تعبت
عبدالعزيز: شفت انها تعبانه
عبدالله: تعال ساعدني
غزلان : حتى هو ترا تعبان
عبدالعزيز: انا بروح اشوف مشعل يبي شي
عبدالله: لا تطول
عبدالعزيز: طيب بس لا تتأخرون
غزلان : عبدالله
عبدالله: هلا فيتس شي
غزلان : شف اخاف انكتم ماودي البس النقاب بحط الطرحه على وجهي
عبدالله: طيب وشولة الخوف عادي البسي الطرحه بس شوفي مراح امسكتس اذا طحتي
غزلان : ههههههههههههههههههه عطني جوالي مقدر اقوم فيني دوخه
عبدالله: ترا عشانتس تعبانه ( عطاها جوالها ) ...................•....................
((عند عبدالعزيز ومشعل))
عبدالعزيز: اليوم اخوي طيب
مشعل: اي الحمدلله بس بطني يوجعني
عبدالعزيز بهمس : تراهم ناوينا بأقوى
مشعل: منهم ؟
عبدالعزيز: الي اضربونا انا شاك في ناس
مشعل: مين اهرج زي الناس
عبدالعزيز: تذكر الي تهاوش مع ابوي عشان البيت
مشعل: ابوفالح؟
عبدالعزيز: اي هو احس انهم هم عياله كبار وضخمين
شف ترا نايف جاء وبعلمه وبروح للمركز
مشعل: لا لا مو الحين
عبدالعزيز: ليه
مشعل: قرب اذنك ياغبي لو مسكتوا ثنين بيجون الباقي ويكملون علي اصبر ليه اطلع
عبدالعزيز: يلا ترا تأخرت على عبدالله
مشعل: دقيقة وش صارعليه
عبدالعزيز: منهو
مشعل: طيرك
عبدالعزيز: ابشرك طلعت تخاف تقعد الحالها
مشعل: عادي انت معها ماعرفت ي عبدالعزيز اخر واحد توقعته يحب
عبدالعزيز: انا وطلعت احب وانت تحب
مشعل: خلني اطلع بعدين احب
عبدالعزيز: ترا يمكن شوي اجي اقعد عندك
مشعل: اي تكفى لاتخليني تعبت الحالي
عبدالعزيز: يلا هانت كلها يومين بالكثير
مشعل: بسرعه تأخرت علي اخو الطير
عبدالعزيز: يلا انتبه لنفسك
......................•....................
غزلان : عبدالله يلا
عبدالله: احتري عبدالعزيز
غزلان : ترا بفك الطرحه واذا جاء عبدالعزيز علمني
عبدالله: دقيتي على امي ولا ادق ً
غزلان : لا ما دقيت
عبدالله: بدق انا اجل الو يمه
ام عبدالله : هلا وينكم
عبدالله: طلعنا بس يمكن نتأخر شوي
ام عبدالله : ترا نايف وعياله جو اخلصوا
عبدالله: يلا يمه مع السلامة
عبدالله: غزلانوه
غزلان : هلا
عبدالله: تدرين من جاء
غزلان : مين
عبدالله: نايف وعياله
غزلان : طيب انا ما كشخت
عبدالله: مايحتاج
غزلان : انا بروح احط مكياج خفيف معي بالشنطة
عبدالله: اخلصي
غزلان : اصبر بحط روج  يلا خلصت
عبدالله: وين عبدالعزيز تأخرعلينا
طلعت غزلان بعد ما حطت مكياج خفيف
غزلان : تأخرنا
دخل عبدالعزيز: يلا عبدالله
طاحت عين عبدالعزيز على غزلان عبدالعزيزلف
عبدالله: غزلان تغطي بسرعه
غزلان : تغطيت