راح عبدالعزيز للمحل عند مشعل
نزل من سيارته عبدالعزيز وقابل مشعل الي قاعد عن باب المحل اخذ الكرسي عبدالعزيز وجلس مع مشعل
مشعل: بسجل عليك تأخير
عبدالعزيزالي مبتسم : لا يشيخ احد يسجل تأخير على اخوه
مشعل: اجل يلا امش معي نشوف البشوت الي جت
بدا عبدالعزيز يعاند مشعل : لا لا ماودي
مشعل: طيب ماتبي تقوم يعني
راح مشعل من ورا عبدالعزيز بكل هدوء سحب الكرسي من تحت عبدالعزيز سرعان مالف الكرسي مشعل وطيّح عبدالعزيز الي طاح على كتفه
عبدالعزيز: ياولد امزح معك بقوم
مشعل: مافي بتمشي قدامي
عبدالعزيز: عطني يدك طيب
مد يده مشعل للعبدالعزيز و تمسك بيد مشعل الي رفعه وقام عبدالعزيز تعمد عبدالعزيز انه يتأخر على مشعل
اما مشعل. الي حاط يده على خصره وينتظره قدام باب المحل : استعجل
عبدالعزيز: يلا جايي
دخل عبدالعزيز المحل يشيك على البشوت الي جت مع مشعل
مشعل: ها كيف البشوت نرد للرجل
عبدالعزيز: رد له وقل نبي دفعه ثانيه
مشعل: تكفي الدفعه ذي نزيد ليه
عبدالعزيز: نبي تكون الدفعات ورا بعض عشان يكون الدّخل اكثر فهمت
مشعل: اهاااا تو افهم
............................•....................
(في سياره ابوعبدالله)
ام عبدالله : والله اني ارتحت عندهم
ابوعبدالله: اي والله يوسعون الصدر
الجوهره : قبل مانروح عندهم توقعت انهم كئيبين والحين ماودي اننا نرجع
ام عبدالله : وانتي يا غزلان
اما غزلان الي حاطه راسها على الدريشة وتفكرمتى بترجع عند عمها ابونايف
الجوهره : غزلان غزلان امي تكلمك
غزلان : هلا هلا وش بغيتي
ام عبدالله : انتي مو معانا بالمره
الجوهره بهمس: تقول كيف شعورك يوم جينا ويوم رحنا
غزلان : الصراحة شايفني قبل ما اروح والحين ودي اسكن عندهم بس يا ابوي ليه رجعنا
ابوعبدالله: خلوهم ياخذون راحتهم صارلنا عندهم اسبوع ونص
ام عبدالله : مر لنا بقالة يا بو عبدالله
ابوعبدالله: ابشرو بس دقي على عبدالله وقولي له في محطه قدام خليه يوقف عندها
غزلان : لا يمه انا اكلمه
ام عبدالله : طيب
غزلان : الو عبدالله
عبدالله: هلا
غزلان : ابوي يقول مر المحطه الي قدام ووقف عندها
و ترا بركب معك
عبدالله: ليه اوقف
غزلان : مدري يمكن عشان نوصل مع بعض
عبدالله: يمكن
غزلان : يلا مع السلامة
سكرت المكالمه غزلان و وصلو عند المحطة الي اتفقو عليها
نزلت غزلان بسرعه لعبدالله ونزل وراها ابوعبدالله
عبدالله: شفيتس غزلان
غزلان : مافينني شي بس بغير جو بركب معك
جاء عنده ابوعبدالله: غزلان ي بنيتي اركبي السياره
ركبت غزلان سياره عبدالله
عبدالله: هلا يبه
ابوعبدالله: عندك خوي اسمه فهد
عبدالله: اي من ايام ان بعد الثانوية ماشفته
ابوعبدالله: دق علي وحنا فالمحل يبي يخطب غزلان
عبدالله: بس يبـ.. سكته ابوعبدالله
ابوعبدالله: انت قل لغزلان في السياره و اول ما نوصل تعلمني وش قالت والحين انزلو انت وخواتك للبقالة
عبدالله: ابشر
نادى عبدالله غزلان و الجوهره ودخل للبقالة
عبدالله: يلا اخذو الي تبونه الجوهره اخذي لك ولامي و غزلان اخذي لك ولي الطريق طويل
اخذوا الاغراض وحاسب عبدالله : يلا اركبي غزلان
الجوهره : يلا مع السلامة
مسكوا الطريق كلهم وعبدالله ساكت مايدري كيف يكلمها بالموضوع
غزلان : ياخي وش فيك وش قالك ابوي
تنهد عبدالله: مدري كيف افاتحك بالموضوع ولا الحين خيلنا ناكلل بعدين اعلمك
غزلان : لا علمني الحين
عبدالله:خويي الي من ايام الثانوي دق على ابوي وخطبك
غزلان : نعممممم وش خطبني لا لا لا تكفي لا تقول كذا
عبدالله: هدي هدي
غزلان : وش اهدي وش تبون تزوجوني ليه عله انا على قلوبكم زوجو الجوهره ليه انا ليه عبدالله تكفى قل لابوي قله
عبدالله: وش دراني ليه يبيك انتي
انهارت غزلان : يمكن لخبط بيني انا والجوهرة
عبدالله: غزلاااااااااان وقفي خلاص
ارتفع صوت غزلان : انا ما ابيه ما ابييييييه فهمتو ولا والله ان زوجتوني والله لا اموت
عبدالله: بسم عليك حنا للحين ماوافقنا بس ليه انتي ما تبينه عطني سبب مقنع
مسكت راسها غزلان : توي توي صغيره
حطت راسها غزلان على رجلها وكل مايروح صوتها بــ
( ما ابيههه)
عبدالله: غزلان .غزلان
وقف عبدالله على الطريق رفعها عبدالله لاكن ماتحركت غزلان خاف عبدالله ويبي يتاكد من الي يشوفه رفع يدها مرا ثانية طاحت يدها ولا تحركت
عبدالله: غزلااااااان بنتت غزلااااان شسوي فيها تكفين اصحييي غزلان اخذ المويا عبدالله وبدا يرش عليها
دق عبدالله على ابوه : يبه يبه
ابوعبدالله: شفيك
عبدالله بخوف: اغمى عليها اغمى عليها
ابوعبدالله : وينك فيه انت الحين تكلم
عبدالله: موقف على الطريق
ابوعبدالله: جايك الحين لا تتحرك
سكّر المكالمه وهو يحاول يصحيها
عبدالله بندم وبصوت عالي : انا وش دخلني اعلمها انا وش دخلني و ضرب الدركسون بقوه
صحت غزلان وبصوت منخفض: عبدالله ما ابيه
عبدالله: هلا خلاص رفضه ابوي خلاص
رفع راسها عبدالله وبدا يشربها مويا
دق ابوعبدالله: وش صار
عبدالله: صحت خلاص
وخرت يده غزلان : بعد عني بعد
بعد عنها عبدالله وحطت راسها على الدريشة
............................•....................
في بيت ابونايف
ام نايف الي تطبخ العشاء و ريف والبنات الي قاعدين يسولفون ولكن عند العيال عبدالعزيز الي مو منتبه لشغله لاحظه مشعل: ارجع البيت
عبدالعزيز: ها
مشعل: وش الي ها اقول ارجع البيت ريّح
عبدالعزيز: تصدق والله اني تعبان
غمز له مشعل : وصرنا نتعب
عبدالعزيز: لا تقعد تغمز
جاء عندهم حسين : شفيكم
مشعل: بالله عليك شف وجهه اخوك
حسين : عبدالعزيزفيك شي
عبدالعزيز: تعبان
حسين : خلاص رح انا اغطي عنك
مشعل: اخيرا وافقت
راح عبدالعزيز للبيت وكملوا شغلهم مشعل و حسين
............................•....................
عند ريف والبنات •
ريف : بنات تتوقعون وصلوا
امجاد: ما أحس
الريم : دقي علي غزلان ولا الجوهره
ريف : بدق على غزلان
امجاد: علمينا بكل شي
ريف : من عيوني
قامت بعيد عنهم ودقت ريف على غزلان : الو غزلان وينك
غزلان وهو باين على صوتها البكي : هلا ريف
خافت ريف : وش فيك صاير لك شي
انهارت غزلان : ابوي يبي يزوجني
ريف : وششش نعمممممممممم وووووششش يزوووجك وعبدالعزييييييز
غزلان : رفضته بس ابوي بيوافق والله ما ابيه
ريف : مين جنبك
غزلان : عبدالله
ريف : عطيني بكلمه بسرعه
عطته الجوال غزلان عبدالله: هلا
ريف بصراخ: من جدكم بتزوجون غزلان حرام عليكم البنت ما تبيه الدعوه غصب
عبدالله: للحين ماصار شي للموضوع بس مكالمه لا تشيلن هم ي قلبي بحاول بأبوي
ريف : ان كنت قلبك صدق ارفضه
عبدالله: بس هو خويي كيف ارفضه وش بيقول عني
ريف : يعني اذا خويك تزوجه اختك غصب ما توقعتك كذا يا عبدالله ( سكرت المكالمة)
عبدالله: ريييف رييف سكررررت
عطاها جوالها ومسك جبهته بندم
راحت ريف للبنات
امجاد: بنت وش فيه وجهك كذا
قعدت ريف : غزلان بتتزوج
الريم الي كانت تشرب قهوه وشرقت بقهوتها وبدت تكح : ايش ايش
ريف : والبنت منهاره بالسياره وللحين ما وصلوا
فاطمه : كيف كذا ليه عمي يزوجها ما توقعتها منه
ريف : لحد يدري حتى امي
............................•....................
عند ابو فالح
لافي: وش صار دقيت عليه
فهد : افا عليك دقيت وخطبتها بعد
مقبل :هذا ولد العم الصح
فهد: سعود ابيك تسوي لي محادثه وهميه عشان اذا رفضوني
سعود: على ذا الخشم
ابوفالح : عاد اذا تزوجتها لا تنسانا
............................•....................
عبدالله بصراخ: انا لو بيدي كان ما زوجتك اياه انا مالي دخل عشان ارفض فهمتي
غزلان : اسكت
عبدالله: اسكت !! تبيني اسكت وانتي علمتي ريف بكل شي وهو للحين ماصارت الخطبه حتى
غزلان : البنت سألت
عبدالله: البنت طحت من عينها طحححححت مننن عيننننهاااا
غزلان بكل ضيقه: ياخي انا ما ارتحت له بس انا علمتك يا عبدالله اذا بتزوجني الموت اقرب لي
خاف عبدالله: وش بتسوين يعني ها
غزلان : بتعرفون وش بيصير وانتم السبب
عبدالله: لا غزلان تكفين انا بسوي كل الي اقدر عليه بس لا تسوين شي
غزلان : كم باقي ونوصل
عبدالله: باقي شوي
............................•....................
(في بيت ام نايف )
دخل عبدالعزيز البيت وشاف ريف الي واقفه عند باب المجلس
عبدالعزيز: وش عندك واقفه هنا
بدت ريف تتلعثم من التوتر: ها. هلا احتري مشعل
عبدالعزيز: صاير شي وش فيك تتلعثمين
ضحكت ريف : لا ماصار شي وش بصير يعني
عبدالعزيز: فراشي جاهز
ريف : اي جاهز بس تنام الحين
عبدالعزيز: تعبان
خافت عليه ريف : تعبان وش فيك اسوي لك شي تبي شي
عبدالعزيز: لا تجيبين شي كلمتي غزلان اليوم
ريف : اي كلمتها بس كانت مشغوله
عبدالعزيز: يلا بروح انا
ريف : عبدالعزيز
عبدالعزيز: هلا
ريف الي كانت بتعلم عبدالعزيز ولا كن ترددت : قلت لي متى يجي مشعل
عبدالعزيز: مدري كلميه
ريف : طيب
دخل عبدالعزيز المجلس وقعد على فراشه وهو حاط يده على جبينه ويفكر : غريبه هالبنت وراها شي
............................•....................
(عند غزلان وعبدالله)
وصلوا بيتهم نزلت غزلان من السيارة لغرفتها
دخلت غرفتها وقفلت الباب عليها اما عند عبدالله الي نزل الاغراض عند الباب وركض وراها
طق عبدالله الباب : غزلان افتحي الباب بنت
فتحت غزلان : نعم وشتبي لاحقني
عبدالله وهو متنرفز : عدلي اسلوبك جاي وراتس عشاني خايف عليتس
غزلان : لا تخاف علي مراح اسوي شي الحين بكلم ريف وبنام
عبدالله: ليه تدقين عليها
غزلان : عبدالله لو سمحت اطلع
دخل عبدالله غرفه غزلان وتربع بوسط الغرفه اما غزلان الي تناضره بتعجب من حركاته
عبدالله: يلا كلميها
غزلان : عندك مستحيل
طلعت غزلان من الغرفه ركض لغرفه عبدالله وقفلت الباب عليها قعدت على السرير تلتقط انفاسها بسرعه طق الباب عليها عبدالله ضحكت غزلان : يلا قعد برا لين اخلص
عبدالله: اوريك وانا ولد محمد
غزلان : طيب يلا رح عن الباب | دقت على ريف
ريف : ها. بنت وش صار
غزلان : ما صار شي
ريف : عبدالعزيز في البيت اعلمه
غزلان : صاحيه انتي تبينه يموت
ريف : ان ما علمته الحين بيزعل بكرا علي وعليك
غزلان : مدري ياخي وش اسوي
ريف: انزلي عند عمي وقولي ما ابيه
غزلان : طيب بنزل بس خايفه
ريف : لا تخافين عندي سؤال محيرني
غزلان : وش
ريف : ليه انتي ليه مو الجوهره
غزلان : مدري تصدقين سألت عبدالله قال يبيك انتي
ريف : بكلم عبدالله اذا عندتس
غزلان : دقيقة
فتحت الباب غزلان : عبدالله تعال ادخل
عبدالله: وش
غزلان : تبيك ريف
فرح عبدالله: نعمممم! جيبي الجوال
عطته الجوال غزلان : انا بنزل عند ابوي
عبدالله: هلا ي روحي انتي وش بغيتي
ريف : اسفه على الكلام
عبدالله: ليه تعتذرين ي عمري انتي
ريف : انا اقصد لا تزوجون غزلان توها صغيره حرام عليكم بس وش اسم خويك الي خطبها
عبدالله: فهد سلطان المحسن ليه
ريف : بس اسالك يلا مع السلامة
سكرت المكالمة ريف وعبدالله الي قعد على فراشه وهو مستانس
............................•....................
عند غزلان الي نزلت وهي متوتره وخايفة من رده فعل ابوها
ابوعبدالله: زين انتس جيتي
غزلان : فيه شي
ابوعبدالله: بجيون بكره بيخطبونك
مسكت نفسها غزلان : ابوي انا مو مرتاحه له ما ابيه
ابوعبدالله: ليه وش فيه رجال والنعم فيه
غزلان : ابوي انت ما تعرفه وعبدالله يعرفه من ايام الثانوي
كيف بتزوجوني وانتم ما تعرفونه
ابوعبدالله: انا عطيت الرجال كلمه وكلمتي ما تنرد
ام عبدالله : يابوعبدالله البنت ما تبيه ماهو غصب تاخذه الزواج مب لعبه
ابوعبدالله: انا وافقت بكره الخطبه
غزلان : والله ما اخذه لو على موتي فهمتوا
رجعت غرفتها وهي منهاره ودخلت غرفه عبدالله تاخذ جوالها
عبدالله: وافق صح
غزلان بصراخ وبكي : وافقققق وافق ارتحتو
دخلت غرفتها وقفلت الباب
............................•....................
في بيت ابونايف
العيال الي رجعوا من البل والمحل
ابونايف: سلام عليكم
البنات : وعليكم السلام
فاطمه : ريف جيبي القهوه لابوي
راحت ريف المطبخ تظبط القهوه ودقت على غزلان
ريف : الو ها وش صار
غزلان وهي تبكي : وش الي ماصار ابوي مدري وش فيه اليوم.
ريف : لا تقولينها تكفين
غزلان وفي صوتها رجفه: عبدالعزيز درى لا تعلمينه اليوم ان ابوي وافق و يلا مع السلامة
سكرت ريف الجوال وهي في داخلها انهيارات اخذت القهوه ونزلتها وطلعت من المجلس للحوش وتفكر كيف تعلم عبدالعزيز دخلت ريف المجلس شافت مشعل الي فوق راس عبدالعزيز
ريف : مشعل تعال ابيك
مشعل: شفيك مو على بعضك
ريف : مشعل غزلان بيزوجها عمي
مشعل بصدمه : تستهبلين انتي
ريف : صادقه انا
مشعل: كككيييييييف كييييييف وعبدددالعزيز مو تحبه هي
ريف : عمي وافق وهي ما تبيه دقت علي وهي منهاره من البكي
مشعل: عجزت استوعب امس ماشين من عندنا متى خطبوها
متى الله يعينك يعينك ياخوي والله لو يدري ليموت
ريف : تعرفه طيب
مشعل: وش اسمه وكيف بعرف وانتي توك تقولين لي
ريف : فهد سلطان المحسن
مشعل: نعمممممممممممم نعمم فهدد يارب وش ذي المصايب الي جت فوق روسنا بعد
ريف : ليه من ذا تعرفه
مشعل: ما تعرفينه انتي ذا ولد عم عيال ابو فالح يعني داخلين بقوه على العايله
ارتفع صوت ريف : كيفف مستحيلل صح ابو فالح ماغيره يعني كيف
مشعل: قصري صوتك لايقوم عبدالعزيز ثم نضطر نعلمه
قامت ريف : انا بروح انام اليوم كله صدمات بصدمات تعبتتتت , ناضرت عبدالعزيز ,الله يعينك وانا اختك
............................•....................
(الصبح في بيت ابونايف )
في المطبخ الي الكل متجمع فيه يسوون الفطور
ريف : يمه كيف اسوي الخبز اذا سويته تقطع
ام نايف : امسكي العجينه زين اول ثم حطيها بشويش على الصاج ولا تخلينها خفيفة ثقليها شوي
سوت ريف على كلام امها : كذا
ام نايف : اي ضبطت
ريف : عاد منقدكم ريف تسوي لكم الفطور
الريم : نعممم وانا وين رحت من اليوم رايحه جايه
ريف : يلا خلاص منقدكم الريم تساعد ريف
عبدالعزيز: ريف بلا كلام اخلصي بموت من الجوع
ريف : ابو بطين اصبر لا اجيب الخبز محترق
عبدالعزيز: لا تكفين نبي ناكل عيشتن سنعه
ريف : يلا جايه
جابت لهم الفطور ريف وبدو يفطرون
............................•....................
(في بيت ابوعبدالله)
قامت ام عبدالله تسوي الفطورهي والجوهره
الجوهره : يمه شفيه ابوي الا يزوج غزلان
ام عبدالله : ابوك الا يسوي الي براسه
الجوهره : طيب وش ذنبها باللي في راس ابوي
ام عبدالله : ابوك يحتري ودي له الفطور انا باخذ فطور غزلان بوديه لها
راحت لها ام عبدالله وبدت تطق الباب على غزلان
ام عبدالله : غزلان افتحي الباب معي فطور لك من انس ما اكلتي شي
مافتحت لها غزلان وخافت عليها امها نزلت ام عبدالله وقعدت بعيد عن الفطور ومبين على وجهها الخوف
الجوهره : شفيتس يمه
ام عبدالله : اطق الباب على غزلان ماتفتح لي
ابوعبدالله: دلع بنات ما تعروفنه ها
............................•....................
عند ابوفالح
فهد : ماشاءالله تبارك من جايب هالفطور
فالح : انا سم بالله واكل
فهد : الحين انا ابي سعود
فالح : نايم ماهو قايم الابعد العصر
فهد: قله يرسل الصوره
فالح : مخطط انت عليهم شكلك
فهد: اجل بعدين كل العايله بحطها في جيبي انا بمشي الحين اذا قام سعود يرسل لي المحادثة
غمزفالح : ابشرررر
............................•....................
شالت ريف الفطور وراحت للمطبخ مر مشعل من قدام المطبخ
مشعل: ريف ريف
ريف : شفيك روعتني
مشعل: علمتي عبدالعزيز
ريف : لالا ماعلمته تبيني اموته بيدي لا ما اقدر اعلمه اخاف
مشعل: وين الباقين مايساعدونك
ريف : خلهم يقعدون انا من قوة الضيقة قمت ارتب المطبخ كله
مشعل: ههههههههههه تهون بعدين
ريف : الله يسمع منك
............................•....................
(في بيت ابوعبدالله)
قامت الجوهره وام عبدالله بعد الفطور يرتبون البيت للضيوف
الجوهره: يمه انا بروح لغزلان
ام عبدالله : لا تتعبين نفسك مراح تفتح من اليوم انا اطق الباب
الجوهره : ليكون صاير لها شي
ام عبدالله : لا تخوفني
الجوهره : من امس ما فتحت مدري انا بروح اشوفها والله خايفه عليها
عند غزلان الي تبكي ومنهاره
طقت عليها الباب الجوهره : غزلان افتحي ابي اكلمك
صارخت غزلان بانهيار : نعم نعممممم وش تبوووون فيييني بععععععد اتركوني اتركوني
الجوهره وهي تحاول تهديها من ورا الباب : غزلان البيت كله خايف عليك
فتحت الباب غزلان :تخافون علي ها من متى انا ماعاد ابي احد ولا احد يطق هالباب فهمتوا
الجوهره : غزلان ابوي الي زوجك حنا وش دخلنا
غزلان : يمديكم تعترضون بس انتم تبون الفكه مني انا عارفه اذا تبون تفتكون ترا يمدي اطلع من البيت بس مو تزوجوني
الجوهره: بنت اصحي اصحي مو انا الي زوجتك ولا عبدالله
ولا امي كلامك مع ابوي كله مني يوم خفت عليك وجيتك
غزلان : لا احد يجي عندي ان شاء الله اموت وافتك منكم
طلع عبدالله من غرفته وهو توه قايم من نومته شعره الي متبعثر وماكان عليك الا سروال وفنيله
عبدالله: ها ها سلامات وش ذا الصوت
الجوهره: جايه وخايفة يكون صاير شي فيها قعدت تهاوشني
غمز عبدالله: خلاص الجوهره انزلي وبعدين اكلمك غزلان ادخلي غرفتك بكلمك
دخلوا عبدالله وغزلان وسكروا الباب
عبدالله: اقعدي
قعدت غزلان : وش بعد
عبدالله: انا ابيي افهم وش الي يخليك ترفضين
غزلان : مو مرتاحه له وابي اكمل دراستي وتوي صغيره
عبدالله: انتي اصلا ما شفتيه عشان ترفضين وهو قال ما تكمل دراستها
انهارت غزلان : شفيكم علي شفييييييكم ليتنا ما رجعنا بيتنا
ليتنا قعدنا عند عمي
ماهان على قلب عبدالله وحضن غزلان : امسحي دموعك وانا الحين انزل لأبوي اكلمه
نزل عبدالله لأبوه الي ينتظر الضيوف
ابوعبدالله: ماغيرت ملابسك رح غيّر واستقبل مع الريجيل
عبدالله: يبه غزلان ماتبي فهد
ابوعبدالله : من متى رأي البنت مهم اهم شي رجال وكفو
عبدالله: يا يبه اي كفو انا دارس معه مايصلح مايصلح
ابوعبدالله: خلاص انا قلت كلمتي وماعندنا بنات يفرضون كلامهم علينا فهمت
عبدالله: يبه تراك بتظلم غزلان معه تراك بتظلمها !!
عند غزلان الي دقت عليها ريف
ريف : وينتس من امس ادق عليك
غزلان : من امس وانا ابكي والحين اكلمتس وابكي
ريف : عرفت منهو فهد
غزلان : منهو
ريف : لا تنصدمين لاني كنت حاسه
توترت غزلان : ريف تكلمي بسرعه عاد
ريف : فهد ولد عم عيال ابو فالح الي طعنوا مشعل
انفجعت غزلان : نعممم الي ضربوا اخوانك مشعل و عبدالعزيز اففففففف تعبت من الصدمات انا خلاص سكري بسرعه
نزلت غزلان ركض وبغت تطيح لاكن تماسكت نفسها
غزلان : عبدالله
عبدالله: نعم
غزلان : فهد يقرب لعيال ابوي فالح
انصدم عبدالله: من قالك
غزلان : ريف
عبدالله: سمعت يبه
ابوعبدالله: طيب يمكن هو مو مثلهم
عصب عبدالله من برود ابوه : يبييييبببببببه عييبييببببال عممممممه طعننننتوا وضربببببوا هو بكرا يذببببببببح بنتك الي هي اختيييييييي اختيييييي !!!!!!
ابوعبدالله: والله ثم والله لتخاذ غزلان فهد خل فزعتك لختك تنفعك
عصب عبدالله: بكرا لجتك اختي مقطوع راسها لا تلومون فهد لوم نفسك انت الي زوجتها
ابوعبدالله: ترفع صوتك علي - َمسك عبدالله ودفه -رح البس واسقبله
نادى عبدالله غزلان وراحو لغرفة غزلان : اسمعيني قفلي الباب ولا تفتحينه ابد واذا سألوك وين المفتاح ضاع مالقيته
غزلان : بس ليش ابوي يتصرف كذا اول مره اشوفه كذا
عبدالله: ماعليتس من تصرفه بمرا يعرف انه على خطا بس استوعبتي كلامي
غزلان : اي بس كيف اكل
عبدالله: اجيب لك مع الدريشه بس ارسلي لي الي تبين والباب لا ينفتح
غزلان : تمام
دخلت غزلان غرفتها وقفلت الباب عليها ودخل عبدالله غرفته ولبس ثوبه طلع استقبل مع ابوه بكل كره وضيق
ابوعبدالله : القهوه ياولد
صب عبدالله القهوه على الضيوف وصل عند فهد الي ينتظر عبدالله وبكل عَمْد من عبدالله طيَّح الدله على رجل فهد قام فهد بكل سرعه ورفع الثوب عن رجله
سوا نفسه عبدالله مصدوم: اف اف المعذرة ماكنت قاصد
انتبه عبدالله لابوه الي يناظر فيه بنظرات غريبه
ابوعبدالله: تعرف اول مره احد يتزوج عندي والبيت كله متوتر
تمالك نفسه فهد : لا عادي عدت بسلامه
عبدالله: فهد تعال ادلك على المغسله تغسل
راح معه فهد للمغاسل عبدالله: تبي الصراحه ترا البنت ما تبيك
فهد : نعم
عبدالله: البنت رافضتك
فهد : كيف وهي مرسله لي انها تبيني
ارتفعت حواجب عبدالله من الصدمه : ها ! وشلون جابت رقمك
طلع فهد جواله و ورّاه الرسايل الي مزورها له سعود
ارتفع صوت عبدالله: اء يالخسيس تتبلا على اختي
طلعوا ابوفهد وابوعبدالله وهم يناظرون بكل استغراب
فهد : انت شفت بعينك الرسايل صح اتبلا عليها كيف وهي الي تبيني
ابوعبدالله: وش رسايله
ورّا فهد ابوعبدالله الرسايل : بنتك غزلان مكلمتني وتقول انها تبني وتحبني
ابوعبدالله: دام هاذي سواياها تراها جتك وتراها زوجتن لك وبكرا الملكه
انصدم عبدالله من الكلام الي شافه وما قدر يكذب عينه راح عبدالله لغزلان وهو معصب طق الباب على غزلان : غزلاااااااااااااان افتحي الباب لا اكسره فوق راسك افتحي
فتحت الباب غزلان : شفيك وش صاير
عبدالله : شفيني ها شفينيييييييييي وتتكلميييين كانه ما صار شي وصار لك يومين تقولين انك ماتبينه عرفت السبب
غزلان : عبدالله شصار علمني
مسكها عبدالله من شعرها بكل شده وقوه : لاااااااا تستغبين علييييييييي مكلمه فهددددد وانتس تبينه وتحبينه ها
غزلان وهي تبكي : والله ما كلمته ولا اعرف وجهه حتى والله ماااااكذب
عبدالله: والي شفتتتتتتتتتتته بعيني وششششش وشششش هااا ووش لااتتركني انا احبك وتعال اخطبني ومن ذا الكلام الي طيّح وجهي عند الرجال وتراي اعلمك بكرا الملكه
غزلان : عبدالله والله ما كلمته
عبدالله: اسكتي ولا اسمع صوتك
مسكت يده غزلان : والله مضلومه والله تعال شف جوالي
عبدالله: مب شايف شي عقب الي شافته عيني
قعدت عند الباب وانهارت من البكي ولبست عبايتها ونزلت عند الريجيل غزلان شافها عبدالله: اطلعي برا
غزلان : كلامي ماهو بمعك دامك ماسمعتني وانا طايحه وابكي بتبعد عني وابري نفسي بنفسي
دخلت غزلان عند الريجيل : ورني الكلام الي مسويه عني
ابوعبدالله: غزلااااان
غزلان : يبه انا جايه اشوف الكلام الي انقال علي
وراها الصوره فهد وهو منزل عينه بالارض : سمي
غزلان : انا كتبت ذا الكلام صح
فهد : اي
غزلان : عطني رقمي
توهق فهد : كيف اعطيك رقمك
غزلان : كيف ارسلت لك انا مو بالواتساب عطني رقمي يلا
مسكها عبدالله: ما عندنا بنات يدخلن مجالس الريجيل اطلعي
ماطلعت غزلان ومسكها وطلعها
دخل عند الريجيل عبدالله: اعذرونا وان شاء بكرا تملك عليها
طلع فهد وهو في قمة الوناسه ركب سيارته ودق على فالح
فهد : ابشرك ظبطت بس والله ياعليها ذكاء بغت تكشف ام الخطه
فالح : ليه وش صار لك
فهد : انكبت علي دله ......... علمه بالسالفة
فالح : ماهي بهينه بنت محمد
فهد : والله لو ما مسكها عبدالله وطلعها كان رحت في ستين داهيه
فالح : مبروووك هالله عليها
عند غزلان الي ما وقفت بكي راحت غرفتها ودخل عليها عبدالله: تحسبين القصه خلصت وبسكت بعد الي سويتيه
غزلان : عبدالله تكفى خلاص بعد عني الي فيني مكفيني
عبدالله: ان ما كسرتك ما كنت ولد محمد
غزلان : والله ضلمني والله تعال امسك جوالي امسكه
مسكها عبدالله وبدا يضرب غزلان بكل قسوه وغزلان الي تصارخ وعبدالله الي ماوقف ضرب سمعت ام عبدالله والجوهرة الصوت وبغوا يروحون لها لاكن منعهم ابوعبدالله
عبدالله: فشلتينا عند الخلق
ومسكها عبدالله من شعرها وطيحها بالارض وطلع من الغرفه عبدالله دخلت ام عبدالله عند غزلان وشهقت من منظر غزلان الدم الي مخفي ملامح وجهها
ام عبدالله : يمهه يمه بنيتي رااااحت
غزلان تسمعيني تسمعيني طلعت تركض ام عبدالله : غزلان يا بوعبدالله ودها المستشفى
ابوعبدالله: تستاهل الي صار لها
ام عبدالله : بنتتتك ترا بنتكك وش تستاهل الدم مغرقها
راحت الجوهره لعبدالله: عبدالله غزلان بتدخل بغيبوبة لو ماودينها المستشفى
استوعب عبدالله الي سواه وركض لغرفة غزلان شالها عبدالله وبدا يركض فيها لسيارته وجابت الجوهره عبايتها وعبايه امها وراحو مع عبدالله
عبدالله: وش سويت انا وشششش سويت
ام عبدالله : سواتك هاذي بتتحاسب عليها
الجوهره: غزلان تسمعيني تسمعيني
عبدالله: كله مني كله مني انا الي ذبحتها
الجوهره : عبدالله هد البنت حيه ما ماتت
ركبوا السياره واتجهوا للمستشفى لاكن بعيد شوي عن بيتهم
ام عبدالله في نص انهيارها : كم باقي ونوصل
عبدالله: قريبب قريبببب
وصل عبدالله المستشفى وركض داخل ينادي الممرضين يشيلون غزلان دخّلوا غزلان المستشفى وام عبدالله الي تركض والجوهرة الي مو قادره تمشي قعدت الجوهره عند كراسي الاستقبال عند غزلان الي دخلوها في غرفه العمليات
وامتلى صدرعبدالله بالخوف والانهيار بدا عبدالله يركض عند امه : يمه الحين انا الي دخلتها في غرفة العمليات يعني كله بسببي انا انا بدا يضرب راسه وهو يردد الكلام
ام عبدالله الي مسكت يدينه وحضنته: لا تسوي بنفسك كذا ترا قلبي يتقطع عليكم
عبدالله ودموعه الي تنزل : انا وشلون ضربتها انا كيف الله يكسر يدي
ام عبدالله : لا لا تدعي على نفسك
بعد عبدالله عن حضن امه وناضر ثوبه الي متغرق بدم غزلان :كيف ما ادعي على نفسي وهذا كله بسببي
ام عبدالله وهي تحاول ما تضعف قدام عيالها : كل شي مقدر ومكتوب
تلطم عبدالله وجلس بالممر الي قدام غرفة العمليات وعيونه الحمراء من البكي والندم الي ماليه ملي جت الجوهره ووقفت على راسه: انت اخطيت والانسان مو معصوم عن الخطأ قو نفسك
عبدالله: ليت مايبقى لي عن الموت شي واموت قبل ما اشوف نظراتها لي
الجوهره الي قعدت قدامه ومسكت متونه: اذا مت بتلوم نفسها واذا هي ماتت انت الي بتلوم نفسك لا تفاول على نفسك وتحمل
عبدالله: وجودي على الي حط قوته على الضعيف
الي ماتحمل القوه ونام اصبر على الباب
وانا كلي ندم لين طاحت هزولي من التعب
أنت تقرأ
• ليت قلبك حبني .... كثر ماقلبي حبك •
Adventureأول رواية لي 🤎 | فتاة مسالمه تقع في مشاكل وتسعى لحلها فتى مغامر يساعدها في حل مشاكلها
