• ليت قلبك حبني .... كثر ماقلبي حبك •

(١١)

ام سالم : ان ما علمت ابوك ما اكون هند
نايف: وش بتقولين له ولدك مايبي يسلم علي
ام سالم : وش جابك ها دام اخوانك
سكتها نايف: وش دخلك باخواني انا هنا عشان عيالي تبين شي
ام سالم : غريبة يعني اخوانك كاشتين وما علموك
نايف: انا مابي اروح معهم باخذ عيالي وبوديهم بيت ام امجاد
تبين شي ! واصلا اذا تبين شي تحلمين اجيبه لك
ام سالم  باستفزاز : ماستبعد منكم شي
نايف: الحين ليش قاعد اضيع وقتي معك  طلع وهو ينادي امه
ام نايف : هلا بغيت شي
نايف: يمه ذي الي في المطبخ باذبحها ترا
ام نايف : اول مرة تجي هي ؟ كل ماجت هذا كلامها ما يتعدل
نايف: الله يعينا بس وين سعد ولمى
ام نايف : ليه بتاخذهم المخيم
نايف بهمس : يمه قصري صوتك انا قايل لها اني بأخذ عيالي لأم امجاد
ام نايف : طيب تراهم عند التلفزيون
راح نايف للغرفه الي فيها سعد ولمى اول مادخل تنط لمى عليه : يلا البسو نعالكم
سعد: بنروح لماما
نايف: اي يا بابا بنروح بس بسرعه البسو نعولكم
ركض سعد وجاب نعاله هو ولمى لبس سعد وقعد نايف يلبس لمى  يلا امشو
طلع من البيت وام سالم وبناتها يناظرونهم
نايف: نعم تناظرون فيه شي
سديم : لا مافيه شي
نايف: اجل روحو
سلمى : ليه فيه شي
تتجاهلهم وطلع من البيت
............................•....................
((في المخيم))
امجاد: تتوقعون صار لهم شي
غزلان : وش بيصير لهم تفائلي بس
ريف : مشعل دق على نايف يطمن امجاد
مشعل : لا تخافون عليهم بيجون الحين
امجاد: صدق!!!
مشعل: اي
الريم : مشعل تعال ابيك
مشعل: ها
الريم : انت صادق ولا تكذب على امجاد
مشعل: ما اكذب بس اعرف نايف الي براسه يسويه
الريم : يعني ماعلموك وش صار
مشعل: اي
الريم : دق الحين 
مشعل: بزر انتي بزر
الريم : ليه وش قلت
مشعل: كيف ادق وهم معي بالخيمه
الريم : اطلع برا وكلمهم
مشعل : واخليكم
الريم : عندنا ناصر وعبدالله
مشعل: افف صدق والله انتس بلشه
............................•....................
(( عند نايف))
طلع نايف من البيت وهو يأشر لهم انهم يسكتون
ركب نايف وركَّب سعد ولمى
نايف: اف اخيرا
عبدالعزيز: وش صارلك ليه تأخرت
حسين : اكيد راحوا يدورون المشاكل معه
نايف: عبدالعزيز اخلص علي اسرع تلقى امجاد مقطعه نفسها من الخوف
سعد: ليه مراح نروح بيت جدة
نايف: بنروح لماما
حسين: مر البقالة
عبدالعزيز: ليه شارين كل شي هناك
حسين: بشري لسعد لمى
............................•....................
((عند البنات ))
مشعل: الو نايف وينك
نايف: مع الطريق طمن الي عندك
مشعل: ريحتني كل الناس متوترة
نايف: لا تتوترون ولا شي حنا بخير ولا فينا شي
مشعل: يلا الله يحفظكم
الريم : ها وش صار
مشعل: جايين بالطريق
الريم : صددق !!!!!
مشعل: والله
دخلت الريم وهي تركض لأمجاد : امجاد امجاد
امجاد: وش فيتس
الريم : مافي شي بس نايف جاي بالطريق
امجاد: اف اخيررا
فاطمه وهي تغمز لامجاد : تخافين عليه ها
امجاد: فاطمه بلا سماجه في احد ما يخاف على زوجه
فاطمة: وانا وش دراني
غزلان بهمس : ريف ريف
ريف : هااا!
غزلان : وش رايتس نطلع برا
ريف : كيف نطلع مايمدي
غزلان : انتي تعالي معي وبس
ريف : طيب معك اهم شي اغامر
غزلان : 1.2.3 بدت الخطه اول شي بنروح للعيال بنكذب عليهم ثم نطلع
ريف : اخذي معك كوب قهوه من اليوم اعبي جيبي شوكولاتة
غزلان : كنتي مخططه تطلعين لحالك
ريف : لا لا وش دعوه بس اخذي معك قهوه ونفذ كلامنا
راحت غزلان  لعبدالله
غزلان : عبدالله بنطلع انا و ريف بجيب اغراضي من السياره
عبدالله: طيب ولا تتأخرون تعرفون كيف عبدالعزيز موصيني عليكم
ناضرت ريف غزلان وضحكت : مراح نطول شوي وجايين
عبدالله: يلا روحوا بسرعه وتعالو
غزلان : ابشررر
طلعوا وهم خايفين ومستانسين
غزلان : خلاص نزلي الي على راسك
ريف : وشو
غزلان : القبوع الفروه نزليه مافيه احد
ريف : اف طيب امشي ورا الخيمه
غزلان : يلا امشي
راحوا ورا الخيمه وقعدوا غزلان : الصراحة الليل يخوف
ريف : اصلا انا خايفه من زمان
غزلان : عادي وش تخافين منه اكلي اكلي
ريف : باكل لا تخافين
عبدالله: مشعل انا بطلع شوي وبجي
مشعل : طيب
طلع عبدالله وهو يدور البنات ومايبي يطلع صوت عشان البنات الي بالخيمه مالقاهم حول السياره بدا يخاف دق على غزلان ماردت اول مراح يدورهم ورا الخيمه شافهم يتقهون بصوت عالي عبدالله: غزلاااان ريييييييييف
ريف : يممههه   ...  البنات خافوا وضمو بعض
غزلان : بسم لله بسم الله يارب ابعدهم عنا ياربيييييي
عبدالله: اي خفتووووو!!
ريف : حرام عليك روعتني غزلان حطي. يدك على قلبي
غزلان : ما تخاف ربك البنت شوي وقلبها يطلع من مكانه
عبدالله: وش دراني انكم يتخافون
غزلان : كيف وش دراك جاينا من ورا وتضارخ كيف مانخاف
عبدالله: خلاص اسفين
ريف : حتى حنا اسفين
عبدالله: دقيقه وش تاكلون ماشوف من الظلام
غزلان : شغل نور جوالك
عبدالله: يعني جايبه حل ! ؟ راح عبدالله ينور على الاغراض ولفه على وجهه غزلان
غزلان :عبدالله عيني لا تحط الكشاف عليها
عبدالله: عادي حطه على وجهه ريف يحسبها متغطية
غزلان : ريف تغطي وعبدالله نزل الكشاف
عبدالله:ترا ماكنت قاصد احطه على وجهك
ريف: لالا عادي بروح ادخل داخل
غزلان : ريف اقعدي
ريف : بروح اقعد مع البنات داخل
عبدالله وهو متفشل: ياخي ما قصدت
غزلان : بقولك شي
عبدالله: وش
غزلان : تحبها
عبدالله: ها!
غزلان : وش الي ها اي او لا
عبدالله: ليش تبين تعرفين موب لازم
غزلان: يعني اي
عبدالله: ااي ارتحتي
غزلان : صدق احلف ماتوقعتت ابد
ضحك عبدالله: والله بس لا تعلمين احد
غزلان : انا بحاول اسئلها هي تحبك او لا اذا تحبك بعلمك
عبدالله: شوفي الافظل تروحين الحين تدخلين الخيمه وتسألينها
غزلان : تممممم
عبدالله: هي اصبري بدخل معتس
غزلان : بس لا تقعد تناظر فيني
عبدالله: الا بناظر
غزلان : ناظرني انا اختك مو ريف حبيبتك
عبدالله: غزلااااان امسكي لسانتس لا اقطعه لتس
غزلان : اجل مراح اسألها
مسك يدها عبدالله ودخلها الخيمة : اذا قلتي لها لتس شي عندي حلوو
غزلان : صددق يلا
راحت غزلان وقعدت جمب ريف وهي تحاول تخليها تقعد لحالها عشان تسألها
الجوهره : وين كنتي
غزلان : انا
الجوهره : لا جدي اي انتي
غزلان : طلعنا انا و ريف نتمشى وعبدالله روعنا
الجوهره : احسن مو عبدالعزيز قال لحد يطلع برا
غزلان : طلعت اتنفس
لفت غزلان على ريف : ريف تعالي نسولف
ريف : وين
اشرت على الزوايه غزلان : هناك
ريف : طيب يلا
راحت ريف وقعدت وهي مو فاهمة شي : غزلان فيك شي تبين تقولين شي
غزلان : اي
ريف : وش !
غزلان : احسك تحبين عبدالله
ريف : انا ؟؟؟
غزلان : اي او لا
استحت ريف : اي وهو
غزلان : هو قالي لا تعلميناها بس مراخ اخبي عليك شي حتى هو يحبتس
ضحكت ريف ونزلت راسها غزلان : ارفعي راسك وشوفي عبدالله
رفعت راسها بسرعه ريف : يمه ليش يناضر
غزلان : يبي يشوف حبيبته
سمعها عبدالله: وارسل لغزلان (( لا تحرجينها ))
رفعت غزلان صوتها : ما اقصد
ريف : عادي خلاص
............................•....................
    ((في بيت ابونايف))
دخل ابونايف وهو شايل اكياس بيده: علام البيت هادي
طلعت هند ( ام سالم ) : هلا باخوي عطني عنك الاغراض
ابونايف: اخذي اخذي
ابوعبدالله: الا وين العيال
ام سالم : ما علموك وش ذي قلة الادب
ابونايف: وينهم ؟
ام سالم : كاشتين هم والبنات لحالهم تخيل
ابوعبدالله: وين المشكله مع اخوانهم
ام سالم : عادي عندكم ما يعلمون بناتي
ابونايف: اها اثرها تبيهم يقولون لبناتها
ام نايف : لاتدري انها مسويه هوشه يوم درت انهم كشتو بغت تموت
ام عبدالله : ما الومهم مايبونها لاهي ولا بناتها
ام سالم: عاد حدتس على بناتي ان ما سكتو بوريكم نجوم الليل فالنهار
ام نايف : وش قالت ؟؟
ام سالم: انا علمتكم وبس
ابوعبدالله: يأم عبدالله فكينا والله ماتخلص