• ليت قلبك حبني .... كثر ماقلبي حبك •

(١٤)

في مطبخ البنات
ريف وفاطمة الي يجهزون السلطه وامجاد الي تجهز الماء واللبن والاكواب والريم الي تظبط اوخر الرز والجوهرة الي تساعدهم كلهم وفي نص تجهيزاتهم دخلت سلمى وهي تحاول تستفزهم
سلمى : هي انتي وياها متى يخلص العشاء
غزلان الي تغسل المواعين : تبين تساعدينا
سلمى : لا طبعا
غزلان : اجل اطلعي ولا اشوفتس
سلمى بضحكة : علموني اذا جاء العشاء اقوم اغسل يديني
ريف : ما يحتاج لا تغسلين اكلي فيها عشان تموتين ونفتك منتس
سلمى : تبيني اموت
ريف : ياليت وبعدك امتس
سلمى : الا امي عاد نطت سلمى على ريف وبدت هوشتهم ولاكن ريف من القهر الي فيها قعَّدت سلمى على الارض وبدت تضربها بكفوف
دقت غزلان على عبدالله: الو عبدالله سلمى و ريف يتهاوشون
عبدالله: يلا يلا بنادي اخوانها ، سكرت المكالمة
لاكن سمعوا الامهات الصوت سرعان مادخلوا الامهات يفككونهم بس شافت ريف هند قدامها كملت على سلمى

~ عند العيال ~

عبدالله: يعيال تعالوا ابيكم بسرعه
خافوا العيال وراحو له بسرعه
عبدالعزيز: شسالفة
عبدالله: دقت علي غزلان تقول ريف وسلمى يتهاوشون
وما قدرو يفكونهم
ركضو لها العيال
مشعل: ريف هدي
ما سمعته ريف وكملت عليها لاكن بعَّدتها هند عن سلمى
وباقي قهر في ريف و بأقوى ما عندها عطت عمتها كف
قدامهم كلهم
ومع الكف صارخت سلمى وضحكت ريف
ريف : عمه هذا الكف لا تنسينه وبنفس قوة الكف الي عطيتنيها تذكرين ولا نسيتي
راحت هند للخيمه وتبكي هي وسلمى
وام عبدالله الي مستانسه : اخيرا شفت الكف الي بتردينه لها
مشعل: ما توقعتك تسوينها
ريف : اسوي الي اقوى بس محد يظلمني
البنات الي داخل المطبخ وهم يصفقون لها الا عبدالله الي مبتسم لها وهو بعيد شافته ريف وردت له ابتسامته
ريف : يلا دام جيتو تعالو اخذو العشاء
عبدالعزيز وهو يأشر لعبدالله: كله منك بنشيل العشاء
الريم : ناصر خذ السلطه و ودها
ناصر: ان وديته مو راجع
ضحكت فاطمة : من كثر الاغراض
ريف : عبدالعزيز خذ اللبن والاغراض الي مع غزلان
ناضرتها غزلان واخذ منها الاغراض عبدالعزيز ناضرها : ترا عادي شفيك مستحيه
غزلان : لالا مو مستحيه
اخذو العيال العشاء و ودوه للدكه
ابونايف : لاتعبتم
الكل : لا ندمت
حسين : سمَّو بالله واقلطو
ناصر : عن اذنكم دقيقه
عبدالعزيز: على وين
ناصر : باخذ لي غرض من السياره
ابوعبدالله: لا تبطي علينا
ناصر : ابشر
راح ناصر للسياره و باقي محد صحَّى سديم ركب السياره
ناصر: سديم بنت
ماصحت سديم وناصر الي يحاول يصحيها بدت سديم تفتح عيونها وشافت فروته وابتسمت لفَّت وتمسكت بفروه ناصر ورجعت نامت
ناصر : سديمم يلا يكفي نوم من جينا وانتي نايمه
سديم : صحيت صحيت
ناصر : بزر انا يوم تسكتيني
صحت سديم : والله صحيت
ناصر : اخيرا
سديم : ليه ما صحيتوني بدري
ناصر : جت سلمى تبي تصحيك ولا صحيتي وانا كنت بصحيك وشفتك نايمه وتركتك
قامت سديم وتبي تنزل بسرعه
ناصر : روحي غسلي وجهك وبعدها تعشي
سديم :كم الساعه
ناصر الساعه ٩
سديم : بس جوالي وين
ناصر : مدري
قعدت تدور سديم جوالها ولا كن ما حصلته
ناصر : لقيتيه
سديم : لا
ناصر : تعرفين رقمك
ترددت سديم : اي اعرف رقمي
عطاها ناصر جواله : اتصلي على جوالك
اخذت سديم جواله وسجلت رقمها ودقت
شهقت سديم : لا يكون نسيته في البيت
عصب ناصر : لا تشهقين وبعدين تراه جوال
سديم : مقدر اعيش بدون جوالي
ناصر : بعد شوي بنمشي بس روحي تعشي الحين يلا
راحت سديم لخيمه البنات تتعشى وراح ناصر للدكه
مشعل: ابطيت علينا
ناصر : شسوي على مالقيت الاغراض
نايف: وش اغراضه
ناصر: سلك شاحني
حسين : كان قلت لي اعطيك شاحني
ناصر : ماتقصر