غزلان:عبدالله ابي اغراض من البقالة يمديك
عبدالله: مايمدي الحين شوي اجيبهن لتس
غزلان وهي بين على صوتها الزعل : طيب
عبدالله: وش فيك ليكون زعلتي
غزلان : لا ولاشي
عبدالله: طيب
......................•...............
ابونايف: ترا ام سالم بتجي الاسبوع ذا وبتنام عندنا
ام نايف : الله يحيها
ريف بهمس لريم : الله يعينا على العله الي معها
الريم : مين بنات عمتي
ريف : ايه هم كيف بتحملهم
الريم : اص بس لا يسمعتس ابوي
فاطمه : متى بيجون
ابونايف: بكره الظهر
الريم : يمه ترا مارحتي لام حمد
ام نايف : يلا يابنات تجهزوا وانتي ي ام عبدالله تجهزي انتي والجوهرة
الجوهره: انا بحتري غزلان
ريف : لا انتي روحي انا بقعد ماودي اروح
الجوهره : طيب
............................•....................
عبدالله: غزلان بنزل للبقالة وش اغراضك
غزلان : ( علمته وش تبي ) امانه لاتنسى
عبدالله: طيب
نزل عبدالله للبقالة غزلان : عبدالعزيز اشحن جوالي اذا ما عليك امر
عبدالعزيز: ابشري بس ثواني
غزلان : طيب بحطه على التكايه اذا خلصت اشحنه
عبدالعزيز: غزلان ترا امي وامك وابوي خواتي واختك راحوا لام حمد
غزلان : اما ! صدق ليه ما علموني بسرعة اشحن جوالي بكلمهم
عبدالعزيز: اذا فيه شي ضروري اخذي جوالي على مايشحن جوالك
غزلان : طيب عطني جوالك بكلم ريفوه
عبدالعزيز بمزح : هي حدتس على اختي
غزلان بضحك : ماعلمتني
عبدالعزيز: غزلان ترا ريف بتقول لك شي
غزلان : ليه وش صاير
عبدالعزيز: مو صاير شي بتسولف معك
غزلان : عبدالعزيز لا تخوفني فيه شي صاير
عبدالعزيز: يا بنت الحلال والله مو صاير شي ولا تخافين تراك تعبانة
غزلان : حتى انت تعبان
عبدالعزيز: بدينا مقارنات
غزلان : بس ترا بيذبحني الفضول
عبدالعزيز وبدون مايحس : بسم الله عليك سكت على جيت عبدالله
عبدالله: غزلان شوفي في شي ناقص
غزلان : لالا
عبدالله: وش فيك توك مافتحتي الكيس
غزلان توترت :اء لا متأكده ما تجيب شي الا هو كامل
عبدالله: عبدالعزيز صاير شي فيه شي
عبدالعزيز: لا مافيه شي يارجال امش تأخرنا
غزلان : عبدالله عطني جوالي
عبدالله: عبدالعزيز عطها جوالها
عبدالعزيز: طيب هاتس اخذي طاحت عينه على غزلان وهي تبكي
غزلان : شكرا
عبدالله: غزلان وش فيه صوتك
غزلان : مافيه شي بس اكل فشار حار وبكيت
عبدالعزيز وهو ماكله تأنيب الضمير مع انه بس قالها بسم لله عليك
عبدالعزيز: عبدالله نزلني هنا
عبدالله: وش فيك مريض انت انزلك هنا وانت راسك مفلوق
عصب عبدالعزيز: قلت لك نزلني صح مين اللي راسه منفلق انا ولا انت
عبدالله: خلاص هد هد لا تعصب ادري انك بتدوخ
عبدالعزيز بصوت عالي : عبدالله قللت نزلني صح
عبدالله: خلاص انزل
غزلان : عبدالله يا غبي انزل معه
عبدالله: وانتي
غزلان : بنزل معكم امش
عبدالله: يلا
ركض عبدالله: تكفى لا تخوفني وش فيك
دقت غزلان على ريف : رييف انتي فالبيت ولا رحتي معهم
ريف : لا فالبيت
غزلان : افتحي باب الشارع حنا قريبين
ريف : غزلان وش السالفة
غزلان : عبدالعزيز معصب ومدري وش فيه
ريف : انا ادري وش فيه
غزلان : وش فيه
ريف : ترا عبدالعزيز يحبتس
غزلان بصدمه : ها وش تقولين
ريف : عبدالعزيز اخويي يحب غزلان بنت عمه
غزلان : افتحي الباب
عبدالله: غزلاااااااان تعالي داخ داخ
غزلان : ريف افتتتتتتحي الباب (نست تسكر المكالمة )
عبدالله: عبدالعزيز خلك معي اصحى خلاص بنترك
غزلان انتبهي له بجيب السيارة
غزلان : عبدالعزيز خلاص اصحى علمتني ريف
عبدالعزيز وهو يحاول يفتح عينه : متى قالت لك ترا والله انا احبك
غزلان : خلاص اسكت جاء عبدالله
............................•....................
في بيت ام حمد
حمد : يمه دقي عليهم بيجون ولا لا
ام حمد : اكيد بيجون وش تحس فيه انت
حمد : بيقولك شي
ام حمد : وش !
حمد : انا ابي بنت ابونايف
ام حمد: والله وهاذي الساعه المباركه اي وحده فيهم
حمد : الريم
ام حمد : خلاص نحدد يوم ونروح لهم عاد انت وحيدي وليدي
حمد : خلاص انا بدخل بغرفتي وذا راحوا علميني ما ابي اضايقهم
ام حمد : مين ببفتح لهم الباب
حمد : خلاص انا بفتح لهم وبطلع بروح لخوياي مسوين سمره
ام حمد : كيفك واذا دقيت ولقيتك مسكر جوالك
حمد : لا ماعليك مراح اسكره عاد كل شي ولا زعل الوالدة
توصيني شي
ام حمد: لا سلامتك
طلع حمد وفتح الباب وركب السياره
............................•....................
( عند غزلان)
دخل عبدالله وهو ماسك يد عبدالعزيز
عبدالله: غزلان ادخلي
غزلان وهي ماسكه البكيه : طيب
ريف : غزلان وش فيه عبدالعزيز
بكت غزلان : مدري مدررري
ريف ضمتها : خلاص وقفي بكي
غزلان : مدري فجاة عصب وداخ
ريف : انا بلبس عبايتي وبطلع بتطلعين معي
غزلان : اي تكفين اخلصي تكفين
ريف : يلا جيت
طلعت ريف و غزلان
ريف : عبدالعزيز امانه وش فيك قلي
عبدالله: هرجيه يمكن يقولك تعبت وانا احاول فيه
غزلان : ما قالك شي
عبدالله: لا ماقالي دقيقة ليش تبكين
غزلان وهي تمسح دموعها : هاا ولا شي بس خفت اول مره اتصرف كذا ماتوقعت بصير كذا قدامي
عبدالله: طيب ليش ترجفين
غزلان : خايفه
عبدالله: خلاص قوي نفسك ما توقعت اختي تكون كذا
غزلان : انا بروح ادخل داخل
عبدالله: انا بروح اجيب عشاء
غزلان : بروح معك
عبدالله: متأكده
غزلان : اي
عبدالله: اجل يلا
ريف : عبدالعزيز امش نقعد بالجلسة وبتعلمني وش فيك
اخذته ريف للجلسه : ها قل وش فيك ليه دخت ماتدوخ الا اذ فكرت
عبدالعزيز: ليش علمتيها
ريف : انت قلتلي ويوم سمعت انك دخت علمتها عشان كذا بكت
عبدالعزيز: ليه تبكي
ريف :انصدمت البنت لاتضيع الموضوع علمني
عبدالعزيز: جاتني ضيقة لاني احسها مو من نصيبي
ريف : وكَّل امرك لله شف ترا انا احس انها هي بعد تحبك
عبدالعزيز: لا وين ما اتوقع
ريف : تدري انها بكت عشانك
ابتسم عبدالعزيز: شوفي وعلميني عاد انتي اختي من لي غيرتس
ريف : والله قاعده احاول اخليها تعلمني هي وعبدالله راحوا
عبدالعزيز: وين راحوا ؟
ريف : يجبون عشاء
عبدالعزيز: انا بروح اتمشى
ريف : مو انا اختك اجل بروح معك
عبدالعزيز: عشانتس ساعدتيني
ضحكت ريف : امش امش
............................•....................
((عند غزلان و عبدالله))
عبدالله: غزلان بسألك يوم نزلت من السيارة اجيب اغراضك وش صار؟
غزلان : ما صار شي بس قلت له اشحن جوالي وقالي ترا ريف بتقولك كلام
عبدالله: بس وطيب الي خلاه يعصب وش
غزلان : مدري يمكن التفكير
عبدالله: انتبهي لنفسك بجيب عشاء
غزلان : وش بتجيب
عبدالله: دقي اسأليهم وش يبون شورما ولا رز
غزلان : انا وريف شاورما اعرفها تحب الشورما
عبدالله: اجل شاورما ترا بجيب صاروخ
غزلان : كبيره ! مره
عبدالله: عادي
غزلان : كيفك بس ترا مراح اقدر اكملها
عبدالله: خلاص انا اكملها
غزلان وهي منصدمه : !!ها غريب ذا الولد
............................•....................
((عند ام نايف ))
الريم : يمه الباب مفتوح ندخل ولا ندق
ام نايف : اكيد بندق تبينا ندخل وحنا مندري فيه احد داخل ولا لا
ام عبدالله : الحرمه عزمتنا اكيد فيه احد داخل
نزل حمد من سيارته : اقلطوا امي تحتريكم
فاطمه بهمس : انا داريه انه فالسياره من اول ماجينا وهو يناضر فيتس
الريم : انا !
فاطمه : لا جدي اكيد انتي
الريم : لا ماتوقع
الجوهره : امشوا بسرعه ترا بندخل
الريم : هي اصبرري لنا بنزل عبايتي
الجوهره : امجاد وينه
الريم : بتجي شوي
فاطمه : لا ماتوقع تجي
الريم : بدق عليها
الجوهره : دقي بسرعه
الريم : الو امجاد
امجاد: هلا
الريم: بتجين
امجاد: اي بس بتأخر شوي
الريم : ترا بندخل
امجاد : طيب بس شوي افتحي لي الباب
الريم : طيب
الجوهره : فاطمه سلمي اول
فاطمه : انتي من اليوم تستعجلينا والحين تقولين لي سلمي لا
طق الباب الريم : شكلها امجاد بروح افتح لها
فتحت الباب الريم : امجاد ؟ طلعت راسها يمه بسم الله
حمد : جني انا
الريم : اي روعتني
حمد : وين امي
الريم سكرت الباب وهي متفشله دقت امجاد : ريموه افتحي الباب
الريم : كله منك طق الباب وفتحت طلع لي واحد روعني
امجاد: هههههههههههههههههههههههههههههههههههههههههههه
الريم : تضحكين علي كله منك
فتحت الباب وهي تضحك امجاد: وش فيه وجهك احمر
الريم : امشي نسلم
نزلت عبايتها امجاد: يلا
دخلت الريم ام نايف : هاذي الريم اذا تذكرينها
ام حمد : بسم لله عليها اذكرها من يومها جميله
استحت الريم من كلامها
ام حمد : دقايق بس بروح شوي وجايه
ام عبدالله : اخذي راحتك
امجاد : الله عليك ريموه شكل الي روعك نصيبك
الريم : لا يمه
امجاد: وش فيه
الريم : مافيه شي بس ثاني مره يروعني
امجاد: تكبرين وتنسين
............................•....................
عند ام حمد: ها وش فيك
حمد : شفتيها
ام حمد: اي بسم لله عليها تجنن
حمد : اي والله اخذت قلبي
ام حمد: عيب استح على نفسك ورح لخوياك
حمد: يلا مع السلامة
............................•....................
((عند غزلان ))
اول ماوصلوا غزلان : وين راحوا
عبدالله: مدري بس روحي جيبي سفره واكواب عشان الحمضيات
غزلان : طيب
عبدالله: الو عبدالعزيز وين روحتوا فيه
عبدالعزيز: رحت اتمشى انا وريف
عبدالله: تعال بسرعه العشاء
عبدالعزيز: يلا جايين
ريف : فيهم شي
عبدالعزيز: لا بسم لله عليهم
ريف : بسم الله عليهم اجل
عبدالعزيز: تدرين وش خلاني ادوخ
ريف : وش
عبدالعزيز:هي قالت ترا بيذبحني الفضول و قلتلها بسم الله عليك
ريف : وبعد
عبدالعزيز: حسيت اني ضايقتها ودخت ترا محد يدري غيرك انتي ومشعل
ريف : ماشاءالله مشعل داري قبلي
عبدالعزيز: اي وهو الي كشفني وكبيت عفشي عنده
ريف : ههههههههههههههههههههههههههههههه
عبدالعزيز: امشي ترا عبدالله ينتظرنا
ريف : يلا
............................•....................
((عند حمد ))
محمد: جاء حمد
حمود: اخيرا
حمد : وجيتكم بعد السحبه ابي اغنيه طربيه
عزيز : ياعيال خوينا طاح طيتحتٍ قشرا
حمد : سمعوني العباة الرهيفة
الكل : تم
سيف :
خلت القلب يرجف غصب ماهو بكيفه
*
العباة الرهيفة على المتون الرهايف
*
خايفٍ والليالي ماتجيله بكيفه
*
خايفٍ والليالي ماتجيله بكيفه
*
من ردى الحظ قلبي خايف من اليالي
*
حمد: الله الله عللللللليك
فيصل: لاتوقف
عزيز: كمللللل
حمد : اي والله خلت قلبي يرجف
حمود : سيف وقف
سيف: ها
حمود: منهي الي خلت قلبك يرجف
حمد :
" هنوفن خذت قلبي من جمالها ...واتسع قلبي لها من كثر حبي لها "
أنت تقرأ
• ليت قلبك حبني .... كثر ماقلبي حبك •
Adventureأول رواية لي 🤎 | فتاة مسالمه تقع في مشاكل وتسعى لحلها فتى مغامر يساعدها في حل مشاكلها
