• ليت قلبك حبني .... كثر ماقلبي حبك •

(٥)

الدكتور حامد : ممكن يكون فقدان في الذاكرة
ام عبدالله : لالا مراح يصير
عبدالله: فقدان في الذاكره
الدكتور حامد : ممكن يكون فقدان وممكن لا
ام نايف : متى بتطلع
الدكتور حامد : بكره . يمدكم ترجعون وترتاحون
رجعوا البيت وكلهم ضايقين
ام نايف : قومي ي فاطمه سوي عشاء
فاطمة: ابشري يمه
سوت فاطمه العشاء وهي متضايقة
فاطمة: احط العشاء
ام نايف : حطيه
حطت فاطمة العشاء : يمه انا مابي بروح انام
ام نايف : محد بيشتهي الاكل حطي العشاء لخوانك وابوك وعمك
فاطمة:طيب

((عند العيال))
فاطمه : حسين تعال
راح لها حسين: هلا وش بغيتي
فاطمة: اسالهم اذا يبون عشاء
حسين: طيب
طق الباب حسين العشاء لكم فيه 
عبدالله: لاوالله مالي فيه
ابونايف: جب جب العشاء
ابوعبدالله: انا مالي حيلٍ فيه الي يبي ياكل
طلع حسين لفاطمة : عمي وعبدالله مايبون وابوي وناصر يبون وانا بقعد عند عمي عيب اتركه الحاله
فاطمه: يلا بروح اجهزه

تعشو كلهم وناموا الا عبدالعزيز يفكر في غزلان انه هو سبب الي هي فيه حس فيه مشعل انه مانام وبهمس : عبدالعزيز وشرايك نطلع للحوش
عبدالعزيز: والله اني متضايق
مشعل : قم بس
عبدالعزيز: اجل يلا
طلعوا مشعل و عبدالعزيز مشعل : وش مضايقك
عبدالعزيز: احس الي في غزلان مني وتأنيب الضمير ماكلني اكل
مشعل : كم مره قلت لك انك مالك ذنب
عبدالعزيز: ادري اني مالي ذنب بس انا الي وافقت يطلعون من الدريشه
مشعل وهويضحك ويغمز : انت تحبها بس هي تحبك
عبدالعزيز ضحك : انت الواحد مايقولك شي
مشعل باستغباء : وش قلت
عبدالعزيز: لالا ماقلت شي بس تحب تستغبي
مشعل : تراي جوعان
عبدالعزيز: انت حتى في الاحزان جوعان
مشعل : ي ورع اسكت
عبدالعزيز: دورلك احد ياكل معك
مشعل: عزيزي تكفى
عبدالعزيز: ياشينها منك
مشعل : احمد ربك اني ادلعك
عبدالعزيز: لا تدلعني دلِّع زوجتك المستقبلية
مشعل : اكيد بدلها وش تتوقع
عبدالعزيز: اسكتت اقول وامش ندور لك اكل
مشعل : ما ابغى من البيت
عبدالعزيز: اجل من وين
مشعل : افا ي عزوزي ما تعرفني
عبدالعزيز: يععع الله يسد نفسك
مشعل :بالعكس وجهي يفتح الشهيه
عبدالعزيز: الحين مقومني عشان تستعبط على راسي
مشعل : هيه تراني اخوك الي اكبر منك
عبدالعزيز: نعم
مشعل : امش خلنا نطلع
طلعو وقعدوا يدورون لقو مطعم صغير نهايه الحي وكان الحي ظلام من النوع بعد الساعه ٩ يبدا الخطر فيه
عبدالعزيز: مشعل والله اني خايف
مشعل الي كان بيموت من الخوف : عيب عليك انا معك
عبدالعزيز: تكفى بقعد هنا وانت رح جب اكلك
مشعل بتوتر : واذا جاك شي
عبدالعزيز: خلاص امش
راحوا استلمو الطلب شافوا ظل خمس أشخاص (وكانوا عيال ابوفالح جيرانهم يوم كانوا في نجد وصارت هوشه كبيره وقرر ابونايف يروح الجنوب )
عبدالعزيز: مشعل شف
لف مشعل بشويش: اللي خفت من صار
عبدالعزيز: وش نسوي
مشعل : لا تحسسهم بشي وتحرك بشويش وجب لي الحديده والخشبه انت خذ الحديده وانا باخذ الخشبه
عبدالعزيز: خشبه ما تسوي شي
مشعل : تكفي يا عزوز اخذ الحديده اخاف يسوون فيك شي
جو الخمسه وضربوا عبدالعزيز ومشعل
عبدالعزيز: مشعل جاك شي
مشعل : ولد انتبه وراك
لف عبدالعزيز وضربه بالحديده
جاء واحد من عيال ابوفالح طعن مشعل وفلق راس عبدالعزيز واغمى عليهم ودق راعي المطعم على الشرطه
واول ماسمعو صوت الدوريه هربوا