• ليت قلبك حبني .... كثر ماقلبي حبك •

(١٢)

دخلوا البنات في الخيمه
ريف : غزلانوه جبتي سماعتك
غزلان : ايه ايه جايبتها بس في السياره
ريف : ليه مانزلتيها.
غزلان : خلاص بروح اجيبها
قامت غزلان لسياره الي ورا الخيمه طلع بوجهها عبدالعزيز
غزلان : بسم لله يمه وش جابك هنا
ضحك عبدالعزيز: جاي اخذ شاحني فيك شي تبين شي
غزلان : ها! لاما ابي شي الا الا وصتني ريف اجيب السماعه
عبدالعزيز: خلاص روحي اجيبها انا لك
غزلان : لا وين انا باخذها بتعبك
خذت غزلان السماعه وهي تحاول توازن نفسها طاحت غزلان على وجهها وعبدالعزيز الي يناظرها ويحاول يمسك ضحكته
عبدالعزيز: بنت شفيتس
غزلان الي متفشله من عبدالعزيز: اءاء مافي شي
عبدالعزيز : خلاص جيبها انا اوديها لا تسحبينها ماتقدر تمشي السماعه مع التراب
قامت غزلان تنظف نفسها من التراب الي وسخ عبايتها
راحت للخيمه و وراها عبدالعزيز
غزلان : خلاص حطها هنا ( عند الباب)
عبدالعزيز: طيب
غزلان : شكرا الله يعطيك العافية
ابتسم عبدالعزيز: عفوا
دخلت غزلان وهي مستانسة ومتفشله
ريف وهي تعبت وهي تنتظر غزلان : نورت غزلان
غزلان : اسكتي بس
غمزت لها ريف : مين شفتي ها
غزلان : بعدين اقولتس
قامت ريف بصوت عالي: ترا بنشغل السماعه الي مايبي يطلع برا
الجوهره : ليه مو وقته
غزلان : نبي نرقص عاد
الجوهره : انا بطلع
فاطمة: انا بعد ما ابي اصوات عالية
الريم : معكم
امجاد: شسوي معكم
ريف : من بقى
الريم : انتي وغزلان
طلعوا البنات وبدوا غزلان وريف يختارون الاغنيه الي بيرقصون عليها
غزلان : رقص مصري ؟
ريف : اي
غزلان : اجل حطي اه لو ولعبت يازهر
ريف : تممم
شغلتها ريف و واخذت الطرحه وربطتها على خصرها
{{اه لو لعبت يازهر.. واتبدلت الاحوال
وركبت اول موجه ..في سكة الاموال }}
............................•....................
         ((عند العيال))
راح عبدالعزيز لدكة وهو مستانس
مشعل : الله وش ذي الوناسة
انتبه عبدالعزيز لكلام مشعل : ها !
مشعل : لا سلامتك ارجع لهواجيسك
شغلو البنات السماعه وانتبهو لصّوت
غمز عبدالعزيز لعبدالله: بروح اتمشى
عبدالله: معك معك
عبدالعزيز: يلا
عبدالله: الحين الي فهمته اننا بنداهم البنات صح
عبدالعزيز: شفت انك تفهمني
عبدالله:  بس البنات ماتغطو
عبدالعزيز:لا تركز فيهم
عبدالله: كيف ما اركز
عبدالعزيز: غبي انت اسكت واربط شماغك على خصرك يلا
قعد عبدالله يربط على خصره الشماغ: تم
............................•....................
                ( عند غزلان وريف)
قامت ريف وبدت تهز وعبدالله الي يناظرها بتعجب عند باب الخيمه
عبدالله بينه وبين نفسه : ذي ريف!!! لالا مستحيل !
عبدالعزيز: هييي هي عبدالله وينك سرحت
عبدالله: هلا هلا معك
عبدالعزيز: حنا بندخل ولا تناضر في البنات غض البصر لازم ههههههههه
ظحك عبدالله: لا ماعليك اكيد بغض البصر يلا ندخل
عبدالعزيز: اصبر بعدل الشماغ انفك
دخلو عبدالله وعبدالعزيز و اول ماشافوهم البنات فكو
طرحاتهم وتغطو فيها
وقعدو عبدالله وعبدالعزيز يهزون بذمه وضمير
ريف : عاااااش اخويي
ظربتها غزلان : ايييييي هززز هزززز
تحمس عبدالعزيز بعد كلام ريف  وكمل هو وعبدالله
عبدالعزيز: عبدالله خل نعطيها كتف
عبدالله: ابشرررر
هز عبدالعزيز كتفه وغزلان الي تناظره بانبهار وابتسامه لف عليها عبدالعزيز وابتسم
ريف وهي تهمس وبنفس الوقت تظحك: وش هالرومانسية يا غزلانوه ماعرفتس كذا
عبدالعزيز: عبدددددالله هزز
قعد عبدالله يهز وهو يناظر ريف وقعدوا عبدالعزيز وعبدالله يعززون لبعض والبنات الي يحمسونهم تعبوا العيال وقعدوا
غزلان : اخس اخس من متى وانت تعرف تهز
عبدالله: موهبة مدفونه
ريف : هههههههههههههه وانت يا عبدالعزيز شعرفك
عبدالعزيز: مين ما يعرف لف خصرك يمين يسار سهل سهل
غزلان : بنشغلكم رقاصات
ريف : تنفع تنفع لهم
عبدالعزيز: هي انتي وياها عيب على الاقل احترمي الشنب
ظحكوا البنات  ريف : ليش ما احترمته تو
عصب عبدالعزيز: شوفو عاد هذا وجهي ان سويتلكم فعاليات
عبدالله: خير غزلان وش ذا الكلام وانت الثانيه ماهقيتها منتس
طلعوا العيال وهم متضايقين عبدالله: ياخوي ذولي مايستاهلون شي امش نروق مع العيال
عبدالعزيز: رفعوا ضغطي
عبدالله: انسى انسى
............................•....................
      ((في بيت ابو نايف ))
دخلت ام سالم المطبخ : ليش طاردين بنتي ماتبونها تسمعكم
ام عبدالله : عنيها جت تدور المشاكل
ام سالم : اقول ردو على كلامي وش كنتو تقولون
انفجرت ام عبدالله : وانتي وش دخلتس فينا ولية امرنا والله العظيم يا هند ان ماسكتي لا اقلبها ذبح و ذبيح فهمتي يلا توكلي لا اقطع شوشتس الي كأنها ليفه مواعين على الاقل. ليفة المواعين تنفع مير انتي ما منتس فايده بس تهذرين (تتكلمين كثير بدون فايده )
ام سالم باستفزاز: هدي هدي لا يطق لتس عرق وتموتين علينا انتي بس المسي شعره مني و اوريك الشغل
ام عبدالله : تبينها كذا
نطت ام عبدالله على ام سالم وقعدت تظربها وبنات ام سالم يبكون برا وام نايف الي تحاول تفكك بينهم طلعت وهي تنادي بأبو عبدالله
ام نايف : الحق الحق يابو عبدالله هوشه بين حرمتك واختك
ابوعبدالله: عز الله فلحنا
راح يحاول يفككهم ابوعبدالله لين فكهم
ابوعبدالله: ورعان (اطفال) يوم تتهاوشون
ام عبدالله : والله ما اخليها في كبدي واتركها ههههههههه
ام سالم الي حالتها حالة : اضحكي اضحكي بس والله لاوريك
ام عبدالله : انتي بس لسان ماعدنتس فعول مير اذلفي لا اكمل عليتس
سديم : يمه امشي نوريك فيها انا و سلمى
سلمى : ان ما خليتها تندم انها مدت يدها عليك ما اكون بنت مسلط
ام عبدالله بكل ثقه : انتم ابدوها وانا انهيها لكم 
ابو عبدالله : ها خلصتو
ام عبدالله : اي خلصنا ريحنا كبدونا
مسكتها ام نايف وطلع ابوعبدالله : خير ان شاء يأم عبدالله ماهقيتها منتس تزلين مقامتس لوحدة ماتستاهل
ام عبدالله : اهم شي بردت كبدي وارتحت لو اقول لريف لتسانس دقيقه انتي نسيتي يوم عطت بنتس كف
ام نايف : لا مانسيت ابي ريف تاخذ حقها بيدها عشان تحس براحة
ام عبدالله : حنا وش ورانا كل يوم نضربها عشان تتوب ترفع صوتها على احد مننا
ام نايف : دام كذا تستاهل ههههههههههههههههه
............................•....................
((عند ابونايف))
ابونايف: وشنهي السالفة
ابوعبدالله: هوشة تعرف لسان اختك مايستكت و ام عبدالله ماتمسك نفسها
ابونايف: الله يعين بس
............................•....................
((في المخيم ))
طلعوا غزلان و ريف من المخيم يتمشون
غزلان:امشي نعتذر
ريف : اي اي امشي
غزلان: غريبه اول مره تسمعين لي بسرعه ليكون عشان عبدالله
ريف : اي والله حسيت انه تظايق وانتي ليش بتعتذرين
غزلان : الصراحة عشان عبدالعزيز ما ابيه يزعل مني
ريف : شفتي كيف يناظر فيتس يوم يرقص
غزلان : اي شفته وابتسمت له
ريف : طايحين بالحب والغرام
غزلان: اكيدد هههههههههه دقيقه ماعلمتس يوم جبت السماعه صارت سالفه
ريف : ايييي وش صار
ضحكت غزلان : طحت قدام عبدالعزيز
ريف : كيف ؟!؟؟ ههههههههههههههه
غزلان : ( علمتها السالفة )
ريف : اففففف وانا اقول يوم جت ليه وجهها قالب لونه وتضحك
ريف : ترا بدق على عبدالعزيز يجي هو وعبدالله
غزلان : طيب
دقت ريف على عبدالعزيز: الو عبدالعزيز بسرعه تعال انت وعبدالله
عبدالعزيز: ليه وش السالفة
ريف : تعالوا بسرعه وبس
قام عبدالعزيز: عبدالله تعال بالله ابيك شوي
عبدالله: ابشر
طلعوا من الجلسه عبدالله: ولد وش العلم
عبدالعزيز: وانا وش يعرفني دقت علي ريف تقول تعال انت وعبدالله بسرعه مدري وش السالفة
عبدالله: ولد ليكون صاير لهم شي
عبدالعزيز: بسم لله عليهم لا تفاول عليهم خلنا نروح ونشوف
عبدالله: يلا اخلص
راحو للبنات عبدالعزيز: وش فيكم صاير شي
ريف : شفيكم خايفين موصاير لنا شي بس انا وغزلان بنقول لكم شي
عبدالله: اخلصووووووو نشف دمي ترا
نطقو البنات : حنا اسفين
عبدالله: الحين مروعينا عشان تعتذرون
غزلان : حنا زعلناكم و اعتذرنا بس
عبدالعزيز: ريفوه انا اوريتس
ريف : ليه وش سويت افعل خيرا تلقى شراً
عبدالعزيز: هذا خير هذا
ركض وراها عبدالعزيز يبي يظربها و ريف تركض وتضحك وعبدالله وغزلان يركضون وراء عبدالعزيز
مسكها عبدالعزيز من شعرها: انتي تعرفين تروعيني صح
ريف وهي تضحك وماسكه البكيه: ولد شعري شعري اح
بعَّد عبدالله يد عبدالعزيز من شعر ريف : في وجهي هالمره سامحها
غزلان : تكفى اتركها تعرفها عاد
عبدالعزيز: خلاص عاد انا بروح للعيال
لف عبدالله على ريف : عورك
ماقدرت تمسك دموعها : اييي
عبدالله: جعله في غزلان ولا فيك
ضربته مع كتفه غزلان : وش دخلني انا فيكم
عبدالله: مو وقتك اخذها ودخليها الخيمه واذا سألوك وش فيها قولي مصدعه زين !
غزلان : من عيوني
عبدالله: انتبهي لها
راحت غزلان وهي بصوت عالي  : قلنا من عيوني
............................•....................
        ((عند البنات..))
الجوهره : بنات بتسوون عشاء ولا انام
امجاد: ما ادري بسأل نايف
الريم : تعب بطني من الفصفص والفشار
امجاد: دقيقة..الو
نايف: هلا ياعيوني
امجاد: فديت عيونك
ظربتها مع كتفها الريم : مو وقته الحب
لفت امجاد عليها : اسكتي بس | بتسوون عشاء ولا حنا نسويه
نايف: لا حنا بنسويه
امجاد: تكفون استعجلوا نامو الناس
نايف: بيجيكم واحد من اخواني عطوه اغراض العشاء
امجاد: ابشر يلا مع السلامة ي حياتي
نايف: مع السلامة
امجاد: بناااااات جهزوا اغراض الطبخ
قاموا البنات يجهزون الاغراض وهم مختبصين
فاطمة: ريموه عطيني البهارات في الكيس الي قدامتس
رمته عليها الريم : خذي
............................•....................
       ((عند ريف وغزلان))
دخلت غزلان هي و ريف
غزلان : الحين انا ودي اعرف ليش تبكين
ماردت عليها ريف 
اخذت ريف فراشها وزينته وتغطت بالبطانيه
غزلان :  يعني مراح تتكلمين الو..
عبدالله: هلا
غزلان : تعال الخيمه
عبدالله: طيب جاي
قامت غزلان  ورتبت فراشها جمب فراش ريف  ............................•....................
     ((عند العيال ))
نايف: مين يروح يجيب اغراض العشاء من عند البنات
عبدالله: انا بروح اتمشى ضايق خلقي اجيب الأغراض معي
مشعل: دام ضايقٍ خلقك انا اجيبهم
عبدالله: لا والله ماتروح ومايجيب الاغراض غيري اخر عمري تتعبني الضيقة لا حشى
مشعل: جزاك الله خير يابعدي
راح عبدالله وهو في طريقه يفكر بريف وصل للخيمه : غزلان ادخل ؟
غزلان : اي اي ادخل
عبدالله: وشفيك
غزلان : من اليوم اهرجها وما ترد علي قلت اناديك
عبدالله: ريف علامتس اذا عشان الي أولا انادي عبدالعزيز يجي يراضيك
رفع غزلان حواجبها باستغراب: من اليوم وهي كذا
عبدالله: طيب انطقي بحرف على الاقل عشان ارتاح
ريف من تحت البطانيه : مافيني شي بس تضايقت شوي
عبدالله: يلا عن اذنكم بجيكم شويات بس
راح للبنات ياخذ الاغراض و ودها للعيال
عبدالله: عبدالعزيز تعال ابيك
عبدالعزيز: عسى ماشر
عبدالله: مامن شر
راح له عبدالعزيز وراحو للخيمه
عبدالعزيز: شجابنا هنا
عبدالله: دقت علي غزلان  تقول ان ريف من اليوم تصيح
عبدالعزيز: افف لهدرجه مزحي ثقيل
عبدالله: عاد ماقصرت مسكتها مع شعرها
عبدالعزيز: توقعتها مع البنات مستانسة !
عبدالله: رح لها واعتذر
راح لها عبدالعزيز: رييف
غزلان : مراح ترد عليك
عبدالعزيز: ليه
غزلان : مدري من اليوم وانا اهرجها ما ترد علي
عبدالعزيز:  ريف ترا مو قصدي انك تزعلين علي  وتتضايقين
ريف : عبدالعزيز بعَّد عني
عبدالعزيز: مراح ابعد
بعدت ريف البطانيه : الحين حنا منادينكم عشان نعتذر وانت تضربني ليه بس
عبدالعزيز: كنت امزح معتس وما توقعت انتس بتصيحين(تبكين) انتي أًولا اعتذرتي الحين انا بعتذر اسف والله اني ما كنت قاصد
عبدالله الي اول ما وخرت ريف البطانيه لف وعطاهم ظهره
ريف : خلاص رضيت
عبدالعزيز: صدق ولا تسلكين
ريف : انا رضيت بس مو تماماً رضيت
عبدالعزيز: طيب وانا كيف اراضيك
ريف بمزح نزلت راسها وقالت : حب راسي
وماتوقعت ان عبدالعزيز بيسمع كلامها باس راسها
ريف : مع اني ماتوقعت وكنت امزح لاكن رضيت
عبدالعزيز: يلا اخذي حجابتس واطلعي
ريف : لا عاد مابي اطلع
عدل عبدالعزيز جلسته: اجل بقعد معتس
ريف لبست حجابها وبهمس لغزلان : قولي لعبدالله ترا تغطيت
غزلان : عبدالله تعال اقعد
لف عبدالله شوي شوي وقعد : قعدنا كلنا معتس
ريف :ليش ما روحتوا للعيال
عبدالعزيز: تبين الصدق هم قاعدين يطبخون وحنا نبي الفكه
ريف : يلا اجل انا بنام
عبدالعزيز: نعممممممممم
غزلان : عبدالله بعد عن فراشي بنام
عبدالعزيز: كملت
عبدالله: والله ماتنامون
قاموا عبدالله و عبدالعزيز يسحبون البنات ويطلعونهم من الخيمه الي هم فيها
ريف : ولدد يدي فكنيييي
عبدالعزيز: مافي نوم لا انتي ولا هي
غزلان : حبيبتك عورتها يدها
عبدالله: جعله فيتس ولا فيها
ريف : عزوزي فك يدي والله عورتها
فك عبدالعزيز يدها : اطلعي قدامي انتي وياها قدامي يلا
وطلعو كلهم من المخيم
............................•....................
((في بيت ابو نايف ))
سلمى: يمة تبينهم يندمون
هند: وش بتسوين بعد
سلمى : اي او لا
هند : اكيد اي
سلمى: بخلي باب الشارع مفتوح عشان تدخل الكلاب وحنا نقفل الباب علينا
سديم: الله على اختي الذكيه بس من وين بنجيب الكلاب
سلمى : من جيبي من وين يعني من الشارع
هند بتعب : كيفكم سوو الي تسوونه
سديم : اجل تم
............................•....................
        ((في المخيم ))
راحو العيال والبنات يتمشون
ريف : نتسابق
عبدالله: ناويه تكسرينا
ريف : مراح تموت بس نتسابق ولا لا
عبدالعزيز: تم بس
غزلان : تمممممممم يلا
ريف : يلا 1.2.3
رفعوا عبدالعزيز و عبدالله ثيابهم ولفوها فوق خصرهم
وبدو يركضون بسرعه الا عبدالله وهو يحاول يخسر عشان تفوز ريف
غزلان : تعبتتت
ريف : امششي تكككككككفين نبي نفوز
غزلان : كملي كملي
كملت ريف  وهي تحاول تقاوم لين وصلت وفازت وبصوت عالي  : فزتتتتتت
عبدالعزيز: من متى تفوزين اف ضاع نفسي
ركضت لها غزلان وحضنتها : كفووووو
ريف : كفوك الطيب
عبدالعزيز: ترا فازت بسباق مو انجاز
غزلان : اهم شي فازت
ريف : صح
عبدالله: عبدالعزيز ترا ابطينا على العيال
عبدالعزيز: يلا مشينا
غزلان: حتى حنا بنروح عند البنات
............................•....................
((عند البنات ))
راحو ريف و غزلان  و أول ماوصلو
الريم بصدمه : يمه من وين طلعتو انتم
الجوهره : وينكم من اولا مختفين
ريف : كنا في الخيمه وبعدها طلعنا تمشينا مع عبدالعزيز و عبدالله
فاطمة : ما شاء الله ليه ما علمتونا نتمشى معكم
غزلان : وحنا وش درانا انتس تبين تمشين معنا
امجاد: ليكون بتتهاوشون
الريم : ما قالو لكم متى يخلص العشاء
غزلان : هم اصلا هاجين من الطبخ
الريم : طيب بموت من الجوع انا
الجوهره : كلنا جوعانين مو بس انتي
امجاد: بنات شفيكم من اليوم تاكلون
الريم : ياخي ما اشبع
امجاد: هذا وانتي نحيفه
ريف : بنروح انا وغزلان نسألم متى يخلص العشاء
الريم : بسرعة لو سمحتي لاني بموت
عطتها امجاد فشار : خذي تصبري فيه
ريف : غزلان يلا امشي
غزلان : يلا يلا
راحو ا غزلان و ريف  لدكة
ريف : مين ننادي عبدالله ؟
غزلان : لالا عبدالعزيز
ريف وهي تتدلع بنطق الاسم : عناد بقول لعبوديي
غزلان : لااااا تكفين لا تتدلعين
ريف : هههههههههههههههههههههههههههههههههههههه
دقي عليه  ما ابي انادي ويجون اخواني
غزلان : طيب ترا عشانك مو عشان عبودي
الو ... عبدالله
عبدالله: هلا
غزلان : تعال ابيك برا
عبدالله: طيب جاي
قام عبدالله من الدكه وقام معه عبدالعزيز
عبدالعزيز: فيك شي
عبدالله: لا يا رجال مافيني الا العافيه بس ينادوني
عبدالعزيز: بجي معك
عبدالله: يلا
وصلهم عبدالله: هلا وش بغيتم
استغرب ريف انه جاي معه عبدالعزيز: البنات يسألون يقولون متى يخلص العشاء
دخل عبدالعزيز عشان يسألهم : نايف بالله متى يخلص العشاء
نايف: باقي له شوي
مشعل: مين يسأل
عبدالعزيز: الحريم كلهم يسألون
مشعل: اهاا
طلع عبدالعزيز لغزلان و ريف و عبدالله: توَّني ساألتهم يقولون باقي له شوي
ريف : اخيرا بطونا تقطعت  من الجوع
غزلان : اي والله
عبدالله: ترا الصبح بنروح نشري فطور تروحون
استوعب عبدالعزيز: اييي الله يذكرك الشهادة ها بتروحون
ريف : اكييييييد بروووح
غزلان : اي حتى انا بروح
عبدالعزيز: خلاص قبل الصبح بشوي بدخل اقومكم لا تعلمون احد مالي خلق الناس كلها تروح
ريف : لا لا ما عليك مراح نعلم احد
غزلان : امشي ترا البنات بيسألونا ليش تأخرنا
عبدالعزيز: سألوكم اولا ؟
غزلان : اي قلنا لهم اننا تمشينا معكم
ريف : يلا خلينا نروح
راحو غزلان و ريف  للبنات
غزلان : العشاء باقي له شوي
الريم : صدق
ريف : اي يأم بطين
الريم : اقوللل لا تغلطين كل شي ولا بطني
ريف : بنات الحين كيف بكره بنقعد مع العقرب
الجوهره : تجاهلوهم وبينقهرون
ريف : ما اتحمل اصواتهم تغث
غزلان : ياهخي غيرو الموضوع حنا طالعين نستانس
فاطمة: صدق بنات فكونا من ذا الموضوع
- بعد نصف ساعة -
جوا العيال ومعهم العشاء
مشعل: درب درب
الريم : ادخل ما قدامك احد
دخِّلوا العشاء مشعل و ناصر
مشعل: تعشوا و اذا خلصتو غسلوا المواعين ودخلوها العزبه
فاطمة: ابشر
طلعوا العيال يتعشون والبنات قعدوا يتعشون و أول ما خلصو عشاهم بدوا يغسلون المواعين
الريم : ريفوه عطيني القدر الي قدامك
ريف : اصبري خلني اغسل الفناجيل
غزلان : الحين ليه هم ما غسلوها
امجاد: اقول احمدي ربك سوو العشاء بدالك
عطت ريف القدور لريم : هاتس غسليها كلها
الريم : عادي واذا غسلتها كلها مراح يضرني
غسلو البنات المواعين ورتبو الاغراض وشالو الفرشه ودخلوها الخيمه
امجاد: بنات وين بينامون العيال برا برد ومافيه غير خيمة وحده
ريف : عندي فكره
البنات-: وش فكرتس
ريف : نقسم الخيمه حنا نص والعيال نص
فاطمة : لا عاد تفكرين
امجاد: شفيتس والله الفكره حلوه
الجوهره : الفكره حلوه بس بوش نقسمها
غزلان : نقسمها بفرشه نعلقها من باب الخيمه لين باب الخيمه الثاني و في السياره في فرشه وعند العيال عندهم فرشه
الجوهره : اشكر ذكائكم يا الثنائي المرح
ضحكوا غزلان و ريف و بدوا يظبطون الفرشات بس ما قدروا
الريم : ياخي عجزت اطول
امجاد: كلنا عجزنا مو بس انتي
الجوهره : اي والله
غزلان : خلاص بنروح انا وريف ننادي العيال يزينونها
الجوهره : بسرعه جاني خمول ابي انااام
ريف : يلا غزلان
راحو غزلان و ريف عند العيال ودخلوا عندهم
ريف : سلام عليكم
ردو عليها كلهم - وعليكم السلام
عبدالعزيز: وش بغيتو
عبدالله وهو يناظر غزلان بنظرات ليش جايه : عسى ما شر
ريف : ابيكم تجون كلكم وتساعدونا
طلع عبدالله ونادى غزلان بنظراته: شسالفة
غزلان : مافي شي نبي نقسم الخيمة بس
عبدالله: ليه
غزلان : عشان تنامون عادي تنامون في البرد
عبدالله: اهاا خلاص ادخلي واطلعي انتي و ريف وانا اعلمهم
غزلان : طيب
دخلت غزلان وبهمس: عبدالله يقول اطلعوا
وبنفس طبقه الصوت ريف : ليش
غزلان : اطلعي وبس
طلعوا البنات و وقفوا برا
عبدالله: البنات يبون يقسمون الخيمه بينا وبينهم
نايف: والله ما فكرت وين بنام حنا
عبدالعزيز: يلا مشينا نساعدهم
قاموا وأول ماطلع عبدالعزيز استغرب من غزلان و ريف: وش مقعدكم هنا
غزلان : نحتريكم
راحو كلهم للخيمه وبدو يعلقون الفرشات بالنص والبنات والبنات يدورون حولهم
ناصر: احد يدور لي السيم (علاق الملابس المفكوك)
طلعوا البنات يدورون السيم لقت الريم وركضت لناصر
: امسك
خلصوا الفرشات وعلقوها وحطوا فرشهم
نايف: فيكم نوم
ردو عليه ( لا)
نايف: امشو نتجمع حول النار