အချစ်ထက်သာလွန်သော[Completed]

အပိုင်း(၂၁)

Unicode

"Some others branches of biology are Morphology:study of forms...."

အိပ်နေစဥ် နံဘေးက တတွက်တွက်စာရွတ်သံက ကျွန်တော်ကျက်ရမှာ ပျင်းတဲ့ Bioတွေ လွတ်ဆိုနေသည့် ချစ်ငယ်အသံမှန်းသိလိုက်ပြီး ကျွန်တော့် အိပ်ချင်စိတ်က တဖြည်းဖြည်းပျောက်ပျက်သွားကာ နိုးသွားတော့သည်။ တစ်ကိုယ်လုံးက ရှိတဲ့အကြောတွေဆန့်ရင်း တစ်ချက်သမ်းလိုက်စဥ် စာကိုမျက်စိမှိတ်ဆိုနေတဲ့ ချစ်ငယ်က သတိပြုမိသွားကာ ကျွန်တော့်ဘက်လှည့်လာပြီး

"ဩ နှိုးပြီလား"

"အွန်း ဘယ်နှစ်နာရီရှိပြီလဲ"

"ရှစ်မတ်တင်းနေပြီ ပြန်အိပ်ဖို့စိတ်မကူးနဲ့ ထတော့"

ပြန်အိပ်ဖို့ စိတ်ကူးနေတဲ့ ကျွန်တော့်မှာ ချစ်ငယ်စကားကြောင့် နှာခေါင်းတစ်ချက်ရှုံ့လိုက်၏။ ကျောင်းသွားဖို့ အစောကြီးလိုသေးတာကို။

ဆံပင်ကိုတစ်ချက်ဖွလိုက်ရင်း ဘဲနှုတ်သီးလေးလို စာတွတ်တွတ်ဆိုနေတဲ့ ချစ်ငယ်ကိုကြည့်ရင်း  ကျွန်တော် ပြုံးမိသွား၏။ပြောလို့ပြောတာမဟုတ် ချစ်ငယ်က စာကျက်တဲ့ အချိန်ဆို ဘယ်လိုလေးမှန်းမသိ တခါတလေ ကျွန်တော်ကြည့်နေရင်း အသည်းယားပြီး သဘောတကျရီမိတဲ့အထိ။

မုံရွာပြန်ရောက်နေသည်မှာ ၃လပင် ရှိပြီ။ရက်လည်အပြီး ရန်ကုန်ကို ၁ပတ်အကြာ နေပြီး အပြန် မုံရွာကို ချစ်ငယ်ပါ အပါခေါ်လာခဲ့သည်။ အရင်လို ကျွန်တော်နဲ့အခန်းထဲတွင်သာ အတူတူနေစေ၏။ခန္တီးဘက် ရွှေမြောလိုက်တဲ့ အဖေ့ကြောင့် ရွှေမြောအောင်တဲ့အချိန်တွေရှိတာမို့ လူတစ်ယောက်စာတင်ကျွေးဖို့ အသာလေးပင်။ဒါကို မာနခဲလေးက ရန်ကုန်က ဝန်းကိုရောင်းပြီး အဲ့ကစရိတ်နဲ့ဘဲကျောင်းတတ်မယ်ချည်း ပြောနေလို့ အမေတို့ အန်တီဆွေတို့က ချစ်ငယ်စိတ်ချမ်းသာအောင် အိမ်ဝန်းကိုရောင်းပြီး ရတဲ့ငွေကို အမေက ချစ်ငယ် အနာဂတ် အတွက် ဖြည့်တွေးပြီး ဘဏ်မှာအကုန် အပ်ထားလိုက်၏။ကျောင်းစရိတ် စားစရိတ် ကျူရှင်စရိတ်တွေကို အခုထိ အမေ့ဘက်ကသာ တာဝန်ယူပေးခဲ့သည်။ဒါတွေကို ချစ်ငယ်က မသိသူပီပီ ယခု အသုံးစရိတ်တွေသည် သူ့ပိုက်ဆံတွေသာ သုံးနေသည်ဟု ထင်နေသည်သာ။ ထိုကိစ္စနဲ့ ပတ်သက်ပြီး ကျွန်တော် တစ်ခွန်းမျှ ဝင်မစွတ်ဖတ်ခဲ့ အဓိကသည် ချစ်ငယ်အနား ကျွန်တော် နေဖို့ရန်သာ ဖြစ်သည်။